كۇدىكتىنىڭ ۇستالعانى تۋرالى اقپاراتتى شىعىس قازاقستان وبلىسىنىڭ پوليتسيا دەپارتامەنتى راستادى. دەپارتامەنت گلۋبوكوۆسكي اۋدانى, بەلوۋسوۆكا اۋىلىنىڭ 17 جاستاعى تۇرعىنى قازاقستان رەسپۋبليكاسى قىلمىستىق كودەكسىنىڭ 99-بابى 2-بولىگى (كىسى ءولتىرۋ) بويىنشا 30 جاستاعى ازاماتتىڭ ولىمىنە قاتىستى سوتقا دەيىنگى تەرگەۋ امالدارىن جۇرگىزىپ جاتقانىن حابارلادى.
"گلۋبوكوۆسكي اۋدانىنىڭ پوليتسياسى جانە پوليتسيا ءبولىمىنىڭ قىزمەتكەرلەرى اسا اۋىر قىلمىستىق قۇقىق بۇزۋشىلىق جاسادى دەگەن كۇدىكپەن بەلوۋسوۆكا اۋىلىنىڭ 2003 جىلى تۋعان تۇرعىنىن ۇستادى", دەدى شىعىس قازاقستان وبلىسى پوليتسيا دەپارتامەنتىنىڭ باستىعى ساعات ماديەۆ.
ساعات ماديەۆتىڭ سوزىنە قاراعاندا, كۇدىكتى كىناسىن مويىندادى. تەرگەۋ ارەكەتتەرى بارىسىندا جاسوسپىرىمنەن پىشاق الىندى.
"سوتقا دەيىنگى تەرگەۋ جالعاسۋدا, كۇدىكتى ۋاقىتشا ۇستاۋ يزولياتورىنا قامالدى", دەپ حابارلادى مينيسترلىكتىڭ ءباسپاسوز قىزمەتى.
