اقتوبەلىكتەر «ريكس لتد» جشس زاۋىتى شىعاراتىن وننان استام ءتۇرلى ساپالى دا ارزان سۋسىندار مەن شىرىنداردى تۇتىناتىن بولادى. سەرىكتەستىكتىڭ اقتوبەدە اشىلعان زاماناۋي قوندىرعىلارمەن جابدىقتالعان زاۋىتى ساعاتىنا 20 مىڭ شىنى سۋسىندار شىعارادى.
اقتوبەلىكتەر «ريكس لتد» جشس زاۋىتى شىعاراتىن وننان استام ءتۇرلى ساپالى دا ارزان سۋسىندار مەن شىرىنداردى تۇتىناتىن بولادى. سەرىكتەستىكتىڭ اقتوبەدە اشىلعان زاماناۋي قوندىرعىلارمەن جابدىقتالعان زاۋىتى ساعاتىنا 20 مىڭ شىنى سۋسىندار شىعارادى. اۋىزسۋ مەن سۋسىندار شىعاراتىن بۇل ءوندىرىستىڭ نەگىزى الماتىدا 2005 جىلى قالانعان. بۇل كۇندە كوپشىلىككە سالقىن ءشاي مەن ءشولباسار سۋسىنداردىڭ نەبىر ءتۇرىن جەتكىزىپ وتىرعان تانىمال فيرمانىڭ اقتوبەدە جەلىسىن كەڭەيتۋى تەگىن ەمەس. ءويتكەنى, بۇل ءوڭىر ولار ءۇشىن تۇتىنۋشىلار تارتۋعا, جان-جاققا ءونىم ءجونەلتۋگە قولايلى ايماق بولىپ تابىلادى.
«ريكس لتد» جشس-ءنىڭ اقتوبەدەگى زاۋىتىنىڭ اشىلۋ سالتاناتىندا ءسوز سويلەگەن وبلىس اكىمىنىڭ ءبىرىنشى ورىنباسارى نۇرمۇحامبەت ابدىبەكوۆ ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ءجۇزەگە اسىرىلىپ وتىرعان بۇل جوبانىڭ كەلەشەگى كەمەل ەكەنىنە سەنىم ءبىلدىردى.
اقتوبەدە اشىلعان زاۋىتتىڭ ديرەكتورى الەكسەي ميرونوۆ بۇل جوبانى قىسقا مەرزىم ىشىندە جۇزەگە اسىرۋعا جەرگىلىكتى بيلىك ورگاندارىنىڭ قولداۋ كورسەتكەنىنە العىسىن ءبىلدىردى. نەمىستىڭ «كرونوس» فيرماسىنىڭ جابدىقتارىمەن جۇمىس ىستەيتىن وندىرىستە, جوعارىدا ايتقانىمىزداي, ساعاتىنا 20 مىڭ شىنى ءارتۇرلى سۋسىندار شىعارىلادى. سۋسىن, شىرىن قۇياتىن جەلىلەر جۇمىس ىستەيدى.
زاۋىت ونىمدەرى اقتوبە وبلىسىمەن قاتار, قازاقستاننىڭ باتىس وڭىرلەرىنە, سونداي-اق, رەسەيدىڭ كورشىلەس ايماقتارىنا وتكىزىلەتىن بولادى. بۇل رەتتە حالىقارالىق ءدالىز جولى, باسقا دا تاسىمال قۇرالدارى كەڭىنەن پايدالانىلماقشى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
