بۇل اكادەميكتىڭ سىڭىرگەن ەڭبەگىنە, دەنساۋلىق ساقتاۋ سالاسىنا قوسقان زور ۇلەسىنە دەگەن قۇرمەت. قازاقستاندىق مەديتسيناسىنىڭ كوريفەيى — تورەگەلدى شارمانوۆ ءوزىنىڭ 90 جاسىندا تىنىمسىز ەڭبەك ەتۋدە. ول قازاق تاعامتانۋ اكادەمياسىنا ماڭىزدى وزگەرىستەر ەنگىزۋدە. ول سونداي-اق س.ج. اسفەندياروۆ اتىنداعى قازۇمۋ-دىڭ قۇرمەتتى پروفەسسورى بولىپ تابىلادى. اكادەميك شارمانوۆ ءوزىنىڭ تالىمگەرلىك ميسسياسىن ەش ۇمىتپاي, جاس مامانداردى دايارلاۋعا كوپ كوڭىل بولەدى. اكادەميك تورەگەلدى شارمانوۆ 90 جاسقا كەلسە دە, حالقىنىڭ يگىلىگى ءۇشىن ەڭبەك ەتۋدى ماقسات ەتەدى.
قازۇمۋ تورەگەلدى شارمانوۆتىڭ الما-ماتەرى. تورەگەلدى شارمانوۆ 1947 جىلى 17 جاسىندا ۋنيۆەرسيتەتتىڭ ەسىگىن العاش اشقان بولاتىن. ءدال وسى زالدا اكادەميكتىڭ العاشقى دارىستەرى ءوتتى. قازۇمۋ-دىڭ داڭق زالى – 90 جىلداعى قازاقستاندىق مەديتسينانىڭ ماقتانىشى مەن جەتىستىكتەرى شوعىرلانعان, ماڭىزدى وتىرىستار مەن جينالىستار وتكىزىلگەن ۋنيۆەرسيتەتتىڭ نەگىزگى زالدارىنىڭ ءبىرى.
تورەگەلدى شارمانوۆتىڭ قازاقستان عىلىمىنا قوسقان ۇلەسى زور. اكادەميك ءالى كۇنگە دەيىن جاس مامانداردى تاربيەلەپ, ەل يگىلىگى ءۇشىن تىنىمسىز ەڭبەك ەتۋدە. ەسىمى بۇكىل دۇنيەجۇزىنە ءمالىم اكادەميك تورەگەلدى شارمانوۆتى حح عاسىرداعى دەنساۋلىق ساقتاۋ سالاسىنىڭ ايتۋلى وقيعاسى بولعان الماتى كونفەرەنتسياسىنىڭ ۇيىمداستىرۋشىسى رەتىندە بىلەدى. تورەگەلدى شارمانوۆ قازاق مەديتسيناسىنىڭ قالىپتاسۋ مەن دامۋ جولىندا ايتارلىقتاي ەڭبەگi سiڭگەن عالىم.
قازۇمۋ – بۇل ەلىمىزدىڭ دارىگەرلەردى دايىنداۋداعى ۇزدىك الما-ماتەرى. ءوزىنىڭ 90 جىلدىق باي تاريحىندا ۋنيۆەرسيتەتتەن 100 مىڭعا جۋىق دارىگەر تۇلەپ شىقتى. ەلىمىزدىڭ ءاربىر ءۇشىنشى مەديتسينا قىزمەتكەرى ءبىزدىڭ ۋنيۆەرسيتەتتىڭ تۇلەگى بولىپ تابىلادى.
قازۇمۋ تەك جەتەكشى مەديتسينالىق ۋنيۆەرسيتەت قانا ەمەس, سونىمەن قاتار قازاقستاننىڭ جەتەكشى عىلىمي ورتالىقتار مەن عىلىمي-زەرتتەۋ ينستيتۋتتارىن بىرىكتىرەتىن عىلىمي ورتالىق بولىپ تابىلادى. بۇگىنگى تاڭدا ۋنيۆەرسيتەت قازاقستاندىق ءبىلىم بەرۋ رەيتينگتەرىندە جەتەكشى ورىندا.
مەديتسينا ماماندارىنىڭ ۇستاحاناسىنا اينالعان قازۇمۋ-دا بۇگىندە 10 مىڭعا جۋىق ستۋدەنتتەر, ينتەرندەر, رەزيدەنتتەر, ماگيسترانتتار مەن PhD دوكتورانتتارى ءبىلىم الادى. ولاردىڭ اراسىندا 19 ەلدەن كەلگەن 1200-دەن استام شەتەلدىك ستۋدەنتتەر بار. قازۇمۋ تۇلەكتەرى الەمنىڭ 17 ەلىندە جۇمىس ىستەيدى. ۋنيۆەرسيتەتتە 7 مەكتەپ پەن فاكۋلتەت بار.
س.ج. اسفەندياروۆ اتىنداعى قازۇمۋ-دا قازاقستاننىڭ بەلگىلى عالىم-پەداگوگتارى, قر ۇلتتىق ۇلتتىق عىلىم اكادەمياسىنىڭ, رەسەي مەديتسينالىق عىلىمدار اكادەمياسىنىڭ, قر پروفيلاكتيكالىق مەديتسينا اكادەمياسىنىڭ, حالىقارالىق اكاداميالاردىڭ اكادەميكتەرى, ەڭبەك سىڭىرگەن عىلىم جانە ءبىلىم قايراتكەرلەرى, ەڭبەگى سىڭگەن دارىگەرلەر مەن فارماتسەۆتەر قىزمەت ەتەدى.
الماتى
