موتوكولىكتىڭ ىزىنە تۇسكەن پوليتسەيلەر كۇدىكتى كولىك يەسىنىڭ بوس تۇرعان عيماراتتىڭ ىشىنە 20 قاپ كۇرىش جيناپ جاتقانىنىڭ ۇستىنەن تۇسەدى. تەكسەرە كەلگەندە ونىڭ بۇل كۇرىشتى اۋدانداعى جاۋاپكەرشىلىگى شەكتەۋلى سەرىكتەستىكتىڭ ەگىستىك القابىنان ۇرلاعانى انىقتالدى. جەدەل تۇردە جۇرگىزىلگەن تەكسەرۋ بارىسىندا بۇل ازاماتتىڭ ءدال وسى القاپتان 3 كۇن قاتارىنان بارلىعى 110 قاپ كۇرىشتى قولدى قىلعانى بەلگىلى بولدى.
قازىرگى تاڭدا كۇرىش ۇرلاعان ازاماتقا قاتىستى قازاقستان رەسپۋبليكاسى قىلمىستىق كودەكسىنىڭ 188 – بابى بويىنشا سوتقا دەيىنگى تەرگەپ – تەكسەرۋ امالدارى جۇرگىزىلۋدە. وعان قاتىستى بۇلتارتپاۋ شاراسىن قولدانۋ ماسەلەسى شەشىلۋدە.
