"بيىلعى اۋلانعان بالىقتىڭ كولەمى بىلتىرعى وسى كەزەڭدەگىدەن 757 تونناعا ارتتى. جىل باسىنان بەرى بەكىرە تۇقىمداس بالىق قورىن ساقتاۋ جانە كوبەيتۋ ماقساتىندا جايىق وزەنىنەن 329 دانا بەكىرە بالىعى اۋلاندى. "جايىق-اتىراۋ بەكىرە بالىق ءوسىرۋ زاۋىتى" مەن "اتىراۋ بەكىرە بالىق ءوسىرۋ زاۋىتى" 7,5 ملن-نان استام بەكىرە تۇقىمداس بالىقتار شاباعىن سۋ ايدىنىنا جىبەردى", دەيدى باسقارما باسشىسى ارتۋر سادىبەك ۇلى.
ونىڭ ايتۋىنشا, وڭىردە بالىق اۋلايتىن 18 بالىق شارۋاشىلىعى قۇرىلىمى بار. بۇل قۇرىلىمداردا 4 121 ادام جۇمىس ىستەيدى. سونداي-اق, سۋ توعاندارىندا بالىق ءوسىرۋ قولعا الىنعالى وتىر.
