ولاردىڭ اراسىندا ۇكىمەتتىك ەمەس ۇيىم مۇشەلەرى, وبلىستاعى باق سالاسىنىڭ وكىلدەرى, ونەر ادامدارى مەن ۆولونتەرلار بار. ماراپاتتى تۇركىستان وبلىسى اكىمىنىڭ ورىنباسارى ساكەن قالقامانوۆ تابىستاپ, ەل يگىلىگى جولىنداعى ەڭبەكتەرى ءۇشىن العىسىن ءبىلدىردى.
"سىزدەر الەمدىك پاندەميا قىسپاققا العاندا الدىڭعى شەپكە شىعىپ, ابىگەرگە تۇسكەن حالىقتى قاۋىپتەن امان الىپ قالۋعا اتسالىستىڭىزدار. ءوز باستارىن قاتەرگە تىگىپ, ەلدىڭ اماندىعىن الدىڭعى ورىنعا قويعان سىزدەردى بۇگىنگى كۇننىڭ باتىرلارى دەسەك جاراسادى. اۋرۋ وشاقتارىنا ارنايى بارىپ, حالىقتى جادەل ءارى شىنايى حابارلارمەن قامتاماسىز ەتۋدە اقپارات سالاسى وكىلدەرىنىڭ ەڭبەگى وراسان زور بولدى. سونداي – اق وبلىس, قالالار اۋماعىنداعى بلوك بەكەتتەردەگى قىزمەتكەرلەرگە قاجەتتى زاتتارىن جەتكىزىپ, ىستىق تاماقتارمەن قامتىپ, كارانتين ۋاقىتىندا تۇرمىستىق قيىنشىلىقتارعا ۇشىراعان وتباسىلارعا كومەك كورسەتكەن قوعام بەلسەندىلەرى, ەرىكتىلەر مەن جاستار ناعىز جاناشىر ەكەندىكتەرىن كورسەتە ءبىلدى", - دەگەن ساكەن قالقامانوۆ الداعى ۋاقىتتا دا جۇمىلا ارەكەت ەتۋگە شاقىردى.
