ايماقتار • 21 قازان، 2020

بالالار قۇقىعىن قورعاۋعا قاتىستى 150-دەن استام قوڭىراۋ تۇسكەن

16 رەت كورسەتىلدى

وبلىستىق ءبىلىم  ساپاسىن باقىلاۋ دەپارتامەنتىنىڭ مالىمەتىنشە، بيىلعى جىل باسىنان بەرى دەپارتامەنتكە كامەلەتكە تولماعانداردىڭ قۇقىعىن قورعاۋ سالاسىندا قوسىمشا قۇزىرەتتىلىك بەرىلگەن، - دەپ حابارلايدى Egemen.kz

قازىر دەپارتامەنت مەملەكەتتىك ورگاندارمەن جانە وزگە دە ۇيىمدارمەن بىرلەسە جۇمىس جاساۋدا.

بالالار قۇقىعىن قامتاماسىز ەتۋ بارىسىندا ءبىلىم الۋىنا، تاماقپەن قامتىلۋىنا، مەكتەپكە تاسىمالداۋ جانە دەمالىسىنا، ءبىلىم بەرۋ ۇيىمدارىندا ساۋىقتىرىلۋىنا، دەنساۋلىعىنا مونيتورينگ جۇرگىزىلەدى.

سونىمەن بىرگە، ارنايى ۇيىمدارداعى اتا-اناسىنىڭ قامقورلىعىنسىز قالعان بالالاردىڭ دا قۇقىعىن قورعاۋ جۇمىستارى بار.  

سونداي-اق، قازىر وڭىردە بالاسىنىڭ وقۋعا كەلۋىن قامتاماسىز ەتپەگەن اتا-اناعا قاتىستى اكىمشىلىك ءىس قوزعالۋدا.

باسقارما باسشىنىڭ ورىنباسارى گۇلنار ۇزدەمباەۆانىڭ ايتۋىنشا، قاڭتار ايىنان باستاپ دەپارتامەنتكە كامەلەتكە تولماعانداردىڭ قۇقىعىن قورعاۋ بويىنشا 4 ءوتىنىش كەلىپ تۇسكەن.

مىسالى، كوللەدج ستۋدەنتىنىڭ اتا-اناسىنا قاتىستى بالاسىنىڭ وقۋ ورنىنا كەلۋىن قامتاماسىز ەتۋ بويىنشا مىندەتتەردى ورىنداماعانى ءۇشىن اكىمشىلىك ءىس قوزعالدى. اتا-اناعا ەسكەرتۋ بەرىلدى.

"بيىل دەپارتامەنتكە بالالار قۇقىعىن قورعاۋعا قاتىستى 150-دەن استام قوڭىراۋ ءتۇستى. اتا-انالار دا، پەداگوگتار دا قوڭىراۋ شالادى. قازىر كامەلەتكە تولماعاندار جاسايتىن قىلمىستار سانى ءوسىپ، 29-دان 35-كە جەتتى. ونىڭ ىشىندە توناۋ، ۇرلىق سانى ايتارلىقتاي وسكەن. بۇعان زاڭدى بىلمەۋ، قامتاماسىز ەتىلمەۋ، اتا-انالار باقىلاۋىنىڭ بولماۋى اسەر ەتۋدە. جالپى 403 اتا-انا بالالار تاربيەسىندە مىندەتتەردى ورىنداماۋعا قاتىستى اكىمشىلىك جاۋاپكەرشىلىككە تارتىلدى"، - دەدى گۇلنار ۇزدەمباەۆا.

ال، بيىل وڭىردە كامەلەتكە تولماعانداردىڭ تۇنگى ۋاقىتتا كوڭىل كوتەرۋ ورىندارىندا نەمەسە تۇرعىن ەمەس ورىنداردا بولعانى ءۇشىن 2220 اتا-انا جازالاندى. سوت شەشىمىمەن 200 اتا-انانىڭ بالانى تاربيەلەۋدە مىندەتىنەن جالتارعانى ءۇشىن اتا-انا قۇقىعى شەكتەلگەن.


پاۆلودار وبلىسى

سوڭعى جاڭالىقتار

دوللار قايتا ارزانداي باستادى

ەكونوميكا • بۇگىن، 11:26

قاسقىر بەينەلى قاسىق

تاريح • بۇگىن، 09:01

رۋح بەينەسى

ونەر • بۇگىن، 08:52

كيمەشەك

رۋحانيات • بۇگىن، 08:49

وزىمىزگە ءوزىمىز جاساعان قاستىق

كوروناۆيرۋس • بۇگىن، 08:47

جول بويىندا «جىلقى» تۇر

ايماقتار • بۇگىن، 08:45

الاياقتاردان اباي بولايىق

قوعام • بۇگىن، 08:41

قامقورلىق – كوڭىلگە دەمەۋ

ايماقتار • بۇگىن، 08:38

Aulafit اۋرۋدان قورعايدى

ايماقتار • بۇگىن، 08:36

اۋىلداعىنىڭ اقشاسى از

قوعام • بۇگىن، 08:25

مۇناي ءوندىرۋ ارتادى

ەكونوميكا • بۇگىن، 08:11

سەناتور – سايلانعان وڭىرىندە

ساياسات • بۇگىن، 07:51

«ساتەمىر حان» كىم؟

رۋحانيات • كەشە

ۇقساس جاڭالىقتار