كەڭەس مۇشەلەرى بولىپ 15 ەل سايلاندى: بوليۆيا, ۇلىبريتانيا, گابون, قىتاي, كوت-د ' يۆۋار, كۋبا, مالاۆي, مەكسيكا, نەپال, پاكىستان, رەسەي فەدەراتسياسى, سەنەگال, ۋكراينا, وزبەكستان, فرانتسيا.
ادام قۇقىقتارى جونىندەگى كەڭەس-قۇرامىنا بۇكىل الەم بويىنشا بارلىق ادام قۇقىقتارىن كوتەرمەلەۋگە جانە قورعاۋعا جاۋاپتى 47 مەملەكەت كىرەتىن بۇۇ جۇيەسىنىڭ ۇكىمەتارالىق ورگانى. ول 2006 جىلى قۇرىلعان. بۇۇ اقك قۇرۋ تۋرالى قاراردا "كەڭەس مۇشەلەرى ادام قۇقىقتارىن كوتەرمەلەۋ جانە قورعاۋ سالاسىنداعى ەڭ جوعارى ستاندارتتاردى قولداۋى ءتيىس", دەلىنگەن.
ءاربىر مۇشەنىڭ وكىلەتتىك مەرزىمى ءۇش جىلدى قۇرايدى جانە مۇشەلەردىڭ ەشقايسىسى ونى قاتارىنان ەكى مەرزىمنەن ارتىق اتقارا المايدى. ورىندار افريكا مەملەكەتتەرى ءۇشىن 13 ورىن, ازيا مەملەكەتتەرى ءۇشىن 13 ورىن, شىعىس ەۋروپا ەلدەرى ءۇشىن 6 ورىن, لاتىن امەريكاسى مەن كاريب باسسەينى ەلدەرى ءۇشىن 8 ورىن جانە باتىس ەۋروپالىق جانە باسقا مەملەكەتتەر ءۇشىن 7 ورىن (اقش, كانادا جانە يزرايل).
باس اسسامبلەيانىڭ, ەگەر ول ادام قۇقىقتارىن ورەسكەل جانە جۇيەلى تۇردە بۇزاتىن بولسا, كەڭەس مۇشەسىنىڭ قۇقىقتارى مەن ارتىقشىلىقتارىن توقتاتا تۇرۋعا قۇقىعى بار. كەڭەس قۇزىرەتىنە جىل بويى ونىڭ نازارىن اۋدارۋدى تالاپ ەتەتىن ادام قۇقىقتارى سالاسىنداعى بارلىق تاقىرىپتىق ماسەلەلەر مەن جاعدايلاردى تالقىلاۋ كىرەدى. بۇۇ-نىڭ جەنەۆاداعى كەڭسەسىندە ادام قۇقىقتارى جونىندەگى كەڭەستىڭ وتىرىستارى وتۋدە.
كەڭەسكە سايلاۋ جاسىرىن داۋىس بەرۋ ارقىلى وتكىزىلەدى جانە ۇمىتكەر ەل كەم دەگەندە 97 داۋىس الۋى كەرەك, ياعني بۇۇ مۇشەلەرىنىڭ كوپشىلىگى 193 مەملەكەت.
