"وبلىسىمىزدىڭ مادەني-رۋحاني دامۋىنا ءوز ۇلەسىڭىزدى قوسىپ, تەاتر ونەرىن دامىتۋعا ۇلەس قوسىپ كەلەسىز. سىزدەردىڭ تاجىريبەڭىز بەن اقىل-كەڭەستەرىڭىز قازىرگى جاستار ءۇشىن اسا قاجەت. وبلىستىق تەاتر ۇجىمى ءوزىڭىزدىڭ جەتەكشىلىگىڭىزبەن رەسپۋبليكالىق فەستيۆالداردان وزگە قازان قالاسى مەن تۇركيانىڭ كونيا قالاسىندا جانە ۇلىبريتانيادا, شوتلانديادا وتكەن حالىقارالىق تەاترلار فەستيۆالىنە قاتىسىپ, جۇلدەلى ورىنداردى يەلەندى",-دەدى وبلىس اكىمى گۇلشارا ابدىقالىقوۆا.
تاۋەلسىز قازاقستاننىڭ تەاتر سالاسىنىڭ دامۋىنا سۇبەلى ۇلەس قوسقان حۇسەيىن ءامىر-تەمىر 1965 جىلى قۇرمانعازى اتىنداعى مەملەكەتتىك ونەر ينستيتۋتىن "اكتەر" ماماندىعى بويىنشا, 1972 جىلى ماسكەۋ قالاسىنداعى لۋناچارسكي اتىنداعى تەاتر ونەرى ينستيتۋتىنىڭ جوعارعى رەجيسسeرلار كۋرسىن بىتىرگەن. ءوز شىعارماشىلىق ەڭبەك جولىندا قىزىلوردا, تالدىقورعان, الماتى, شىمكەنت, ورال تەاترلارىندا جۇمىس ىستەپ, 200-دەن اسا سپەكتاكلدى ساحنالادى.
كەزدەسۋ بارىسىندا وبلىس اكىمى ونەر يەسىنە "قۇرمەت" گراموتاسىن تابىستاپ, يىعىنا شاپان جاپتى.
تەاتر قايراتكەرىنىڭ قۇرمەتىنە ارنالعان كەزدەسۋدە قازاقستان جازۋشىلار وداعىنىڭ مۇشەسى سايلاۋباي جۇباتىر ۇلى حۇسەيىن ءامىر-تەمىردىڭ ونەر الەمىندەگى قولتاڭباسىن ءسوز ەتتى. كەزدەسۋ سوڭىندا حۇسەيىن ءامىر-تەمىر وبلىس اكىمىنە العىسىن ءبىلدىرىپ, شىعارماشىلىق تۋىندىلارى جيناقتالعان بىرنەشە كىتاپتارىن سىيعا تارتتى.
