ەكونوميكا • 21 قازان، 2020

«كرەندەل» تاتتىلەرى تامساندىرادى

9 رەت كورسەتىلدى

وبلىس ورتالىعىندا ورنالاسقان «كرەندەل» سەرىكتەستىگى كونديتەرلىك ساۋدا ءۇيىنىڭ ساۋلەتى كوز تارتادى. اينالى، شىنىلى عيمارات الىستان جارقىراپ تۇرادى. ءدال وسى جەردە ءتۇرلى-ءتۇستى تاتتىلەر، ءدامدى توقاشتار، تورتتار، باۋىرساقتار، سامسا، قۇيماقتار پىسىرىلەتىنىن اۋىل-قالاداعى جۇرتتىڭ ءبارى بىلەدى. قاي كۇنى بارساڭىز دا تاتتىلەر ساتىپ الۋعا كەلگەن تۇتىنۋشىلارعا تولى. تۋعان كۇن، ءارتۇرلى توي، مەيرامداردا ءداستۇرلى تۇردە «كرەندەل» تاتتىلەرى داستارقاندا تۇرادى.

 

«كرەندەل» حانشايىمى اتانعان زينايدا پارحومەنكومەن كەزدەس­كەنى­مىزدە، ول مىنا ءبىر جايتتى ەسىنە الدى. وسىدان 30 جىلداي ۋاقىت بۇرىن جەكە كاسىپكەرلىگىن اشۋعا رۇقسات بەرەر الدىندا قالالىق اكىمدىكتە زينايداعا ء«سىز نەگە تەك قانا تاتتىلەر ءوندىرىسىن جوسپار­لادىڭىز؟» دەگەن سۇراق قويىلىپتى. «حالىق­ارالىق ستاندارتتار دەڭگەيىنە ساي كەلەتىن جوعارى ساپالى ءونىم دايىن­داعىمىز كەلەدى»، دەگەن ەدىم سوندا»، دەيدى تاتتىلەر حانشايىمى.

ز.پارحومەنكو ەڭبەك جولىن 1975 جىلى كونديتەرلىك ىستەن باستايدى. تاعام دايىنداۋشى، تەحنيك-تەحنولوگ مامان­دىعى بويىنشا تەحنيكۋم ءبىتىردى. تەحنولوگ، بريگادير، تسەح باستىعى بولدى. 90-جىلدارى وندىرىستەن كەتىپ، جەكە ءوزى اۋەلى پريانيك پەن پەچەنە ساتا باستادى. جەرگىلىكتى ءوندىرىس قۇلدىراۋ كەزىندە ەدى. العاش رەت پريانيك ءوندىرۋ بويىن­شا جەكە ءوندىرىسىن اشتى. قىز-كەلىن­شەك­تەردەن قۇرالعان شاعىن ۇجىمى ءوز قول­دارىمەن ءتۇرلى تاتتىلەر دايىنداپ شىعارا باس­تادى. تاتتىلەر جاساۋداعى كاسىپ­كەرلىك جولى الدىمەن ءۇي جالداۋدان باس­تالادى. كەيىن ءبىر ءۇيدىڭ عيماراتى ساتىپ الىندى. ءوزى ارمانداعان كونديتەر تسەحىن قۇرۋ­دى ويلاستىردى. جوبا-جوس­پارلارى بىر­تىن­دەپ ىسكە استى. زينايدا جاساعان ءتاتتى ونىم­دەر كۇن سايىن سۇرا­نىسقا يە بولا ءتۇس­تى. تاتتىلەر ءوندىرى­سىن ىسكە قوسۋ كاسىپ­كەر­لىكتەگى نەگىزگى ستراتە­گيالىق ماق­ساتىنا اينالدى. قىزى ينگا انا­سى­نىڭ تاتتىلەر وندىرىسىنە «كرەندەل» دەپ ات قويادى. كونديتەر تسەحىن ىسكە قوس­قان­نان سوڭ 1999 جىلى جاسا­عان ونىم­دەرى­نىڭ ءوتىلىمىن قامتاماسىز ەتۋ ءۇشىن «كرەن­دەل» كونديتەرلىك ورتالىعىن اشتى.

كونديتەرلىك تسەحتار قۇرىلدى، اۆتو­دۇكەندەر ساتىپ الىندى، قالانىڭ ءار جەرىندە تاتتىلەردى ساۋدالايتىن ورىندار اشىلدى. بۇل جوبالارعا جالعاسىپ، كوفە ىشەتىن ورىن، VIP-زال جانە بالالارعا ارنالعان الاڭشا، «كاباچوك 115» اتتى جاڭا ءدامحانا دا ىسكە قوسىلدى. ساپالى، ءدامدى ونىمدەر جاساۋ ءۇشىن كاسىپورىنعا جاڭا جابدىقتار، جاڭا زاماناۋي تەحنولوگيالار الىندى. تەحنولوگيالاردى قولدانا وتىرىپ جوعارى ساپالى كونديتەر جانە ۇننان دايىندالعان بۇيىمدار جاسالادى.

بۇل كۇندەرى زينايدا احمەدوۆنا ەلى­مىزدەگى تانىمال كاسىپكەر ايەلدەردىڭ قاتارىنا قوسىلدى. پاۆلودارلىقتار «كرەندەلمەن» ماقتانادى، جاقسى كورەدى. الماتىدا، نۇر-سۇلتاندا، ەلىمىز­­دىڭ باسقا وڭىرلەرىندە تۇراتىن تۋىس-تۋعان «كەلەردە «كرەندەلدىڭ» تاتتى­لەرىن الا كەلسەڭىز» دەپ ءوتىنىش جاساپ جاتادى. ساتىپ الۋشىلار مەن تاپسىرىس بەرۋ­شىلەر تالابىنا وراي ساپالى ونىمدەردى ساۋدالاۋدا بۇل جەردە جوعارى ءىلتيپاتتى قىزمەت كورسەتىلەدى.

«كرەندەلدىڭ» تەحنولوگ ماماندارى كۇن سايىن جاڭا تورتتار، بالىشتەردىڭ، پەچەنە، توقاشتارلىڭ تۇرلەرىن ويلاپ تابادى. ءتىپتى ونىڭ تۇرلەرىن كۇن سايىن وزگەرتىپ، قۇلپىرتىپ وتىرادى دەسە دە بولار. ءوزىمىز كورگەندەي، تاتتىلەردىڭ ءيىسى اڭقىعان «كرەندەل» تسەحتارى نان-توقاش جانە كونديتەرلىك ونىمدەرگە تولى.

كومپانيا باسشىسى ز.پارحومەنكو شيكى­زاتتى، اسىرەسە، قانتتى شەتەلدەن ساتىپ الۋعا ءماجبۇر ەكەنىن ايتادى. سونداي-اق كاسىپورىنعا كونديتەرلەر، تەحنولوگتار، باسقا دا بىلىكتى كادرلار قاجەت. «سوندىقتان ءار ماماندى وزىمىز­دە تۇراقتى جۇمىس ىستەۋگە قالدىرۋ ءۇشىن جاقسى جاعداي جاسايمىز. بۇگىندە سەرىك­­تەستىكتە  500-دەن استام ادام، كوبى قىز-كەلىنشەكتەر ەڭبەك ەتۋدە»، دەيدى كاسىپورىن باسشىسى.

جىل سايىن سەرىكتەستىك ءوز قىزمەتكەر­لەرى، كونديتەر قىز-كەلىنشەكتەرىمەن قوسا، تۇرمىسى تومەن وتباسىلارعا، «قىزىل اي»، «زاعيپتار» قوعامىنا، «سامال» بالالار وڭالتۋ ورتالىعىنا دە­مەۋ­­شىلىك قولداۋ كورسەتەدى. الەۋمەتتىك ما­سە­­لەلەردى شەشۋ، جەتىمدەرگە، مۇگەدەك­تەرگە، قارت ادامدارعا كومەك كورسەتۋ ماق­سا­تىن­دا وبلىستاعى قوعامدىق قورلا­رمەن شارت جاسالعان. وندىرىستە مۇگەدەك جاندار جۇمىسقا ورنالاستىرىلدى. وبلىس ورت­ا­لىعىنداعى №2 مەكتەپ-ينتەرناتقا جانە وتباسى تيپتەس بالالار ۇيىنە ماتە­ريا­ل­دىق دەمەۋشىلىك جاسايدى.

قازىر «كرەندەل» تاتتىلەردىڭ 300-دەن اسا ءتۇرىن دايىندايدى. بيزنەس ءبىر ورىندا تۇرمايدى. سەرىكتەستىك كونديتەرلىك ونىمدەرىن ساۋدالايتىن قوسىمشا ساۋدا ۇيلەرى، مەيرامحانا سالىندى. تسەحتاردا جاڭا اۆتوماتتىق جەلىلەردە ءتۇرلى ونىمدەر جاسالۋدا. بۇل ونىمدەردى ەلىمىزدىڭ باسقا وڭىرلەرىنە جانە رەسەي نارىعىنا شىعارۋعا مۇمكىندىك بەردى. جىل سايىن كونديتەرلەر مەن اسپازشىلار جاقىن جانە الىس شەتەلدە بىلىكتىلىكتەرىن ارتتىرادى. تاجىريبە الماسۋ ءۇشىن تمد ەل­دەرى­نەن، ەۋروپادان، ازيادان، امەري­كا­دان ماماندار شاقىرىلادى.

تاتتىلەر بيزنەسىنىڭ بىرەگەي ەرەكشە­لىگى، ونىمدەردى تابيعي ينگرەديەنتتەردەن جاساپ شىعارۋ، ايرىقشا ءونىمدى دايىن­داۋ، ياعني تۇتىنۋشىنىڭ تاڭداۋىن قام­تاماسىز ەتۋ. «كرەندەلدىڭ» ۇرانى – ساپا، تۇراقتىلىق، ىسكەرلىك.

شيكىزات، قاعاز وراۋمەن ماسەلەسى بو­يىنشا «مولكوم» جشس (مايى الىنباعان سۇتتىك جانە قىشقىلدى-سۇتتىك ءونىم)، «ەۆ­را­زيان فۋدس كورپورەيشن» اق فيليالى (سارى ماي-ماي ءونىمى)، «تRITIKIM» جشس، «اسلان» جشس (جوعارى جانە ءبىرىنشى سۇرىپتى ۇن)، «Aرداگەر-ساۋدا» جشس (جۇمىرتقا ءونىمى)، «زاۆود-گوفروتارا» جشس ىدىسپەن جابدىقتايدى.

– تۇتىنۋشىلار نەگىزىنەن تورتتى كوپتەپ ساتىپ الادى. ءسىز قانداي تورت الاسىز؟، – دەدى زينايدا.

– كوبىنەسە «مولوچنايا دەۆوچكا» تورتىن الامىز. سامسا، باۋىرساقتارىڭىز دا كەرەمەت ءدامدى!، – دەيمىن.

سەرىكتەستىك كونديتەرلەرى ءدامى ءتىل ۇيىرەتىن ءتۇرلى تورتتاردان باسقا پريانيك، پەچەنە، وراما جانە پيروجنىي، ءتاتتى پەچەنە، كەكس، شىعىس تاتتىلەرى تيپتەس كامپيتتەر، قىزدىرىلىپ پىسىرىلگەن جانە قۋىرىلعان، مۇزداتىلعان، شالا دايىن­دالعان تۇشپارا، مانتى، قامىر، زەفير، پاستيلا، مارمەلادتار جاساپ شىعارادى. ارينە، قانداي دا بولسىن تابىستى برەند­تىڭ باسى-قاسىندا ءوز جۇمىسىنا شى­نايى بەرىلگەن پاتريوت ۇجىم تۇرادى. ءبىز جازىپ وتىرعان «كرەندەل» جشس-دا سونداي تاتتىلەر جاسايتىن كوماندا. ۇجىم­داعى ءاربىر قىز-كەلىنشەك ءوز ءىسىنىڭ بىلگىرى. 2011 جىلى «كرەندەل» جشس ەلى­مىزدە وتەتىن «پارىز» بايقاۋىنىڭ «ەڭ ۇزدىك ۇجىم­دىق شارت» نوميناتسياسىنىڭ جەڭىمپازى اتاندى.

– تەك قانا شىنايى داميتىن كاسىپ­كەر­لىك ءىس تابىس اكەلەدى. ۇكىمەت تە ءوزىڭ­­نىڭ جەكە سۇيىكتى ءىسىڭدى جاسا، كوپتىڭ كوڭىلىنەن شىعۋ ءۇشىن ەڭبەك ەت، كاسىپ اش، جاقسى ءومىر ءسۇر دەيدى. سول ۇندەۋگە لايىق بولۋىمىز كەرەك، – دەيدى زينايدا احمەدوۆنا.

 

پاۆلودار وبلىسى

 

سوڭعى جاڭالىقتار

ەل پىكىرى ەسكەرىلدى

پىكىر • بۇگىن، 07:33

جاستارعا ءۇمىت سىيلادى

پىكىر • بۇگىن، 07:32

كوكەيدەگىنى ءدوپ باسقان

پىكىر • بۇگىن، 07:26

سقو «قىزىل ايماققا» ەندى

ايماقتار • كەشە

ۇقساس جاڭالىقتار