ۇكىمەت • 21 قازان، 2020

قاتەر قايدان دەمەڭىز (ۇكىمەت ۆەتەرينارلىق جانە فيتوسانيتارلىق قاۋىپسىزدىك ماسەلەلەرىن قارادى)

15 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ۆەتەرينارلىق جانە فيتوسانيتارلىق قاۋىپسىزدىك ماسەلەلەرى قارالدى. بۇل ماسەلە جونىندە اۋىل شارۋاشىلىعى ءمينيسترى س.وماروۆ، سولتۇستىك قازاقستان وبلىسىنىڭ اكىمى ق.اقساقالوۆ، قوستاناي وبلىسىنىڭ اكىمى ا.مۇحامبەتوۆ، جامبىل وبلىسىنىڭ اكىمى ب.ساپارباەۆ بايانداما جاسادى.

ينفوگرافيكانى جاساعان امانگەلدى قياس، «ەQ»

 

قۇس تۇماۋى قۇرىقتالدى ما؟

وسى باعىتتاعى قازىرگى جاع­داي تۋرالى بايانداعان اۋىل شا­­رۋا­شىلىعى ءمينيسترى ساپار­حان وماروۆ اتاپ وتكەندەي، ۆەتە­­ري­نارلىق قاۋىپسىزدىكتى قام­­تاماسىز ەتۋ ماقساتىندا جوس­­پارلى پروفيلاكتيكالىق ءىس-شا­­رالاردان (ۆاكتسينالاۋ جانە دياگ­نوستيكالاۋ) تۇراتىن ۆەتەري­­نارلىق ءىس-شارالار جۇرگى­زىلۋدە. بيىلعى 9 ايدا جانۋارلار مەن قۇستاردىڭ اسا قاۋىپتى اۋرۋ­لارىنا قارسى 122،2 ملن ۆاك­تسينا ەگىلىپ، جوسپار 100،9% ورىن­دالدى. ۆەتەرينارلىق پرەپا­رات­تاردىڭ شامامەن 60%-ى ەلىمىزدە وندىرىلەدى.

«رەسپۋبليكامىزدىڭ اۋما­عى­نا تارا­لۋى ۇلكەن قاۋىپ ءتون­دى­رىپ تۇرعان اسا قاۋىپتى اۋرۋ­لار تىزبەسىنە 68 اۋرۋ ءتۇرى ەن­گى­زىلدى، ولاردىڭ 45 ءتۇرى بويىنشا قازاقستاندا ەپيزووتيالىق احۋال تۇراق­تى، 23 ءتۇرى بويىنشا دياگنوستيكالاۋ جانە ۆاكتسينالاۋ بويىنشا ارنايى ۆە­تە­رينارلىق-پروفيلاكتيكالىق ءىس-شارالار جۇرگىزىلىپ جاتىر»، دەدى س.وماروۆ.

بيىل وتكەن جىلدىڭ وسىعان سايكەس كەزەڭىمەن سالىستىرعاندا جانۋارلاردىڭ اسا قاۋىپتى بىر­قاتار اۋرۋىنىڭ تارالۋى با­­سەڭ­دەدى. ءسىبىر جاراسى مەن نيۋ­كاسل اۋرۋى بويىنشا ەپيزو­وتيالىق احۋال قالىپتى. سون­داي-اق 2019 جىلمەن سالىس­تىر­عاندا برۋتسەللەز بويىنشا قاۋىپتى وشاقتاردىڭ ازايعانى بايقالادى. ولاردىڭ ىشىندە 93 ىندەت وشاعى زارارسىزداندىرىلىپ، شەكتەۋلەر الىندى، ال 59 پۋنكتتە ۆەتەرينارلىق-ساۋىق­تىرۋ ءىس-شارالارى جالعاس­تى­رىلۋدا. دەگەنمەن وتكەن جىلدىڭ وسى كەزەڭىمەن سالىستىرعاندا رەسپۋبليكا اۋماعىندا قۇتىرما اۋرۋى بويىنشا جانۋارلاردىڭ اسا قاۋىپتى وشاقتارىنىڭ كوبەيگەنى بايقالادى، سونداي-اق 2005 جىلدان بەرى تازا قالپىندا كەلە جاتقان رەسپۋبليكادا قۇس تۇماۋى تىركەلدى.

قۇس تۇماۋى بويىنشا ەلدەگى ەپيزو­وتيالىق احۋالعا قاتىستى 2020 جىلعى 22 قىركۇيەكتەن 19 قازانعا دەيىنگى كەزەڭدە قۇس­تار­دىڭ ءولىم-ءجىتىمى تىركەلدى، ونىڭ ىشىندە 7 وبلىستا جوعارى پاتو­گەندى قۇس تۇماۋىنا كۇدىك نەمە­سە راستالعان جاع­دايلار ورىن الدى. جەكە اۋلالاردا 26،5 مىڭ، 3 قۇس فەرماسىندا 847،4 مىڭ قۇس قىرىلدى. وسى­لاي­شا جوعارى پاتوگەندى قۇس تۇ­ماۋىنان بارلىعى 873،9 مىڭ قۇس قى­رىلىپ، بۇل جالپى قۇستاردىڭ 1،9%-ىن قۇرادى. س.وماروۆتىڭ اي­تۋىنشا، قۇستاردىڭ ءولىم-ءجىتى­مى باستالعان ساتتەن باستاپ مي­نيسترلىك جانىنان جانە وڭىر­لەردە جەدەل شتابتار قۇرىلدى، ولاردىڭ وتىرىستارى كۇندەلىكتى وتكىزىلۋدە.

«ينفەكتسيانىڭ ءار وشاعى كارانتينگە قويىلىپ، قۇستاردى جانە قۇس شا­رۋاشىلىعى ءونىمىن اكەلۋگە جانە اكەتۋگە تىيىم سالىندى، ينفەكتسيا وشاعىن جويۋ، دەزينفەكتسيا جۇرگىزۋ، وقشاۋلاۋ جانە جويۋ شارالارى ىسكە اسىرىلۋدا»، دەدى اۋىل شارۋاشىلىعى ءمينيسترى.

بۋفەرلىك ايماق قۇرۋ ءۇشىن جابايى قۇستاردىڭ ۇشىپ كە­لۋ جولىنداعى ءۇي قۇستارىن ماج­بۇر­لەپ ۆاكتسينالاۋعا ۆەتەرينا­رلىق پرەپاراتتاردىڭ رەسپۋب­ليكالىق قورىنان 4،4 ملن دوزا كولەمىندە قۇس تۇماۋىنا قارسى ۆاكتسينا ءبولىندى.

«بۇگىندە جەتى وبلىستاعى جە­كە اۋلالاردا قۇستاردىڭ ءولىم-ءجىتىمى توقتاتىلدى، 3 قۇس فەرماسىندا قۇستاردىڭ قىرىلۋى ازايدى، اۋرۋ قۇستاردى جويۋ جانە ولاردىڭ يەلەرىنە قۇنىن وتەۋ بويىنشا جۇمىستار جۇرگىزىلىپ جاتىر. ەپيزووتيالىق احۋال اۋىل شارۋاشىلىعى مينيسترلىگى مەن وبلىستار اكىمدىكتەرىنىڭ تۇ­راقتى باقىلاۋىندا» دەپ سەن­دىردى ۆەدومستۆو باسشىسى.

 

مال اۋرۋىنىڭ الدىن الۋ ماڭىزدى

بۇگىندە قازاقستان اۋسىل، جىلقى مەن شوش­قانىڭ افري­كالىق وباسى، شوش­قا­نىڭ كلاسسي­كالىق وباسى بويىنشا رەس­مي قاۋىپسىز ەل مارتەبەسىنە يە. سون­داي-اق كۇيىس قايىراتىن ۇساق مال­دىڭ وباسى جانە سيىردىڭ قۇتىرما اۋرۋى بو­يىنشا مارتەبە الۋ جۇمىستارى جۇرگى­زىلۋدە. مينيستر اتاپ وتكەندەي، بۇل مال شارۋاشىلىعى ونىمدەرىن وتكى­­زۋگە قوسىمشا نارىقتار اشۋ­عا مۇم­كىن­دىك بەردى. مىسالى، قى­تاي حالىق رەسپۋب­لي­كاسىمەن ءونىمنىڭ 20 تۇرىنە، يرانمەن ءونىم­نىڭ 6 ءتۇرى بويىنشا، پار­سى شىعاناعى ەلدەرىمەن ءونىم­نىڭ 6 ءتۇرى بو­يىنشا ۆەتەري­نا­ر­لىق-سانيتارلىق تالاپ­تار كەلىسىلدى. شەتەلدىك كاسىپ­ورىن­دار تىزىلىمىنە بارلىعى 2 728 قازاقستاندىق ءوندىرۋشى، ونىڭ ىشىندە 250 كاسىپورىن ءۇشىنشى ەلدەر تىزىلىمىنە جانە 2 478 كاسىپورىن ەاەو تىزىلىمىنە ەنگىزىلدى. ەكسپورتتالاتىن ءونىم جەلىسى 480-نەن 551 تاۋار توپتارىنا دەيىن كەڭەيتىلدى جانە قازاقستاندىق ءونىمدى يمپورتتاۋشى ەلدەردىڭ تىزبەسى 65-تەن 72 مەملەكەتكە دەيىن ۇلعايدى.

فيتوسانيتاريا جانە وسىم­دىكتەر كاران­تينى جونىندەگى ءىس-شا­رالارعا قاتىس­تى 2020 جىلى اۋىل شارۋاشىلىعى داقىل­دا­رىنىڭ اسا قاۋىپتى زياندى ورگا­نيزم­دەرىنە جانە كارانتيندىك وبەك­تىلەرگە قارسى 3،8 ملن گەكتار الاڭعا، ونىڭ ىشىندە ءۇيىرلى شە­گىرتكە زيانكەستەرىنە قارسى 514،9 مىڭ گەكتار الاڭعا قور­عانىش ءىس-شارالارى جۇرگىزىلدى. مينيستر اتاپ وتكەندەي، رەسپۋب­لي­كا اۋماعىندا تىكەنەكتى القا كاران­تين­دىك ءارامشوپتىڭ تارالۋ وشاعى جويىلدى، امەريكا­لىق اق كوبەلەكتىڭ، كاليفور­نيا­لىق قالقانشالى سىمىردىڭ، جاتا­عان ۋ كەكىرەنىڭ تارالۋ الاڭى تومەندەدى. بۇگىنگى تاڭدا اكە­لىنە­تىن ونىمدەرگە كارانتيندىك فيتو­ساني­تارلىق باقىلاۋ مەملە­كەتتىك شەكارانىڭ بۇكىل پەري­مەترى بويىنشا جۇزەگە اسىرىلۋدا.

«2020 جىلدىڭ 9 ايى ىشىندە قازاقستان رەسپۋبليكاسىنا كارانتينگە جاتقىزىلعان ءونىمنىڭ يمپورتى كەزىندە وسىمدىكتەر كارانتينى سالاسىندا 3 082 بۇ­زۋ­شىلىق انىقتالدى، 137 ملن تەڭگە اكىمشىلىك ايىپپۇل سالىن­دى، بۇل 2019 جىلدىڭ ۇقساس كەزەڭىنە قاراعاندا 4،7 ەسە كوپ» دەدى ۆەدومستۆو باسشىسى.

س.وماروۆتىڭ ايتۋىنشا، رەس­پۋبليكا اۋماعىنداعى تۇراق­تى كارانتيندىك فيتوساني­تا­رلىق احۋالدىڭ ناتيجەسىندە وتان­دىق وسىمدىك شارۋاشىلىعى ءونى­مىن وتكى­زۋدىڭ باسىم نارى­عىنا جەتكىزۋگە شەكتەۋلەر جوق. قىتايدىڭ باس كەدەن باس­­قار­­ماسىمەن فيتوسانيتارلىق كاران­تيندىك تالاپتار بويىنشا 10 حات­تا­ماعا قول قويىلدى. قىتاي حالىق رەسپۋب­ليكاسى تىزىلىمىنە وسىمدىك شارۋاشى­لىعى ونىمدەرىن وندىرەتىن جانە وڭدەي­تىن 486 وتاندىق كاسىپورىن ەنگىزىلدى. وسىم­دىك شارۋاشىلىعى مەن مال شارۋاشى­لىعى ونىم­دەرىن قاداعالاۋ جۇيەسىن جانە «روس­سەلحوزنادزوردىڭ» اقپاراتتىق جۇيە­سىمەن ينتەگراتسيانى دامىتۋ جۇمىسى جۇرگىزىلۋدە.

ءوز كەزەگىندە سولتۇستىك قازاق­ستان وبلى­سىنىڭ اكىمى قۇمار اق­ساقالوۆ وڭىردە ۆەتەرينارلىق جانە فيتوسانيتارلىق قاۋىپ­سىزدىكتى قامتاماسىز ەتۋ بويىنشا جۇ­مىستار جوسپارلى تۇردە جۇر­گىزىلىپ جات­قانىن حابارلادى. قابىلدانعان شارا­لارعا قارا­ماستان، وبلىس اۋماعىندا قۇس تۇماۋى ورىن الدى. بارلىعى 450 مىڭ باس قىرىلدى. نەگىزگى سەبەپتەر – قۇستاردىڭ جابايى قونىس اۋداراتىن جانە سينانتروپتى قۇستارمەن بايلانىسى.

«دياگنوز راستالعان ەلدى مەكەندەردە كارانتين رەجىمى بەلگىلەندى. ۆاكتسينانىڭ 873 مىڭ دوزاسى ءبولىندى، 554 مىڭ قۇسقا ەكپە ەگىلدى. قۇس يەلەرىنە 66 ملن تەڭگە وتەماقى تولەندى، جۇمىس جالعاسادى» دەدى ق.اقساقالوۆ.

قوستاناي وبلىسىنىڭ اكىمى ار­حي­مەد مۇحامبەتوۆ ءوڭىر اۋما­عىندا كاران­تين­دىك وبەك­تى­­لەردى، اسا قاۋىپتى جانە زيان­­دى ورگانيزمدەردى انىقتاۋ تۇر­عىسى­نان جەرلەردى زەرتتەپ-قا­راۋدى قوسا العاندا، فيتوساني­تار­لىق ءىس-شارالار، سون­داي-اق حي­ميالىق وڭدەۋ ۋاقتىلى جۇرگى­­زىلىپ جاتقانىن اتاپ ءوتتى. 10 ەلدى مەكەن­دە جوعارى پاتوگەن­دى قۇس تۇماۋى بويىن­شا كا­ران­تين جاريالاندى، بلوك-بەكەت­­تەر ورناتىلدى، دەزينفەك­تسيالىق قون­دىرعىلارى بار ۆەتە­ري­نارلىق ماماندار، كارانتيندىك شارالاردى باقى­لاۋ ءۇشىن پوليتسيا قىزمەتكەرلەرى بەكى­تىلدى، حا­لىقپەن ءتۇسىندىرۋ جۇمىستارى جۇر­گىزىلۋدە. «ەپيزووتيالىق احۋال تۇراق­تالدى، سوڭعى 17 كۇندە قۇستار اراسىندا ءولىم تىر­كەلگەن جوق، ساۋىقتىرۋ شارالارى جالعاسۋدا. رەسپۋبليكادان جەكە ءۇي اۋلا­سىنا ارنالعان ۆاكتسينانىڭ 491 مىڭ دوزاسى الىندى، ۆاكتسيناتسيا اياقتالدى. سونىمەن قاتار قۇس فابريكالارىندا ءوز قاراجاتى ەسەبىنەن 625 مىڭ باس قۇس ەگىلدى. وبلىس بويىنشا بارلىعى 968 مىڭ باس قۇس ۆاكتسينالاندى»، دەپ تۇيىندەدى ا.مۇحامبەتوۆ.

ماسەلەنى ۇكىمەت باسشىسى اسقار مامين قورىتىندىلادى. «اوك-ءتىڭ باسەكەگە قابىلەتتىلىگى ۆەتەرينارلىق جانە فيتو­سا­ني­تارلىق قاۋىپسىزدىك جاعدايىنا بايلانىستى» دەپ اتاپ كورسەتتى ول.

پرەمەر-ءمينيستردىڭ اي­تۋىن­شا، مەم­لەكەت ۆەتەرينارلىق جانە فيتوسا­ني­تارلىق جاعدايدى باقىلاۋدىڭ بار­لىق قاجەتتى شارالارىن قابىلداۋدا. جانۋار­لار مەن قۇستاردىڭ 23-تەن اسا قاۋىپتى اۋرۋلارىنا قارسى جوسپارلى پرو­فيلاك­تيكالىق ءىس-شارالار جۇر­گىزىلۋدە.

قازاقستان بىرقاتار قاۋىپتى اۋرۋلار (جىلقى مەن شوشقانىڭ افريكالىق وباسى، شوشقانىڭ كلاسسيكالىق وباسى) بويىنشا قاۋىپسىز ەل رەتىندە رەسمي حا­لىق­ارالىق مارتەبەگە يە. وسى جىلدىڭ 9 ايىندا وتكەن جىلدىڭ سايكەس كەزەڭىمەن سالىستىرعاندا قازاقستاندا ليستەريوز، اناەروبتى ەنتەروتوكسەميا، رينوپنەۆمونيا سەكىلدى جانۋارلاردىڭ اسا قاۋىپتى اۋرۋلارىنىڭ سانى ازايدى. 2020 جىلى 3،8 ملن گەكتار الاڭدا كارانتيندىك نىساندار مەن اۋىل شارۋاشىلىعى داقىلدارىنىڭ اسا قاۋىپتى زياندى ورگانيزمدەرىنە قارسى قورعاۋ ءىس-شارالارى جۇرگىزىلدى. ۋاقتىلى قابىلدانعان شارالار شەگىرتكەلەردىڭ تارالۋ ارەالىن 3،3 ەسەگە (2018 جىلعى 1،7 ملن گەكتاردان وسى جىلى 515 مىڭ گەكتارعا) دەيىن ازايتۋعا مۇم­­كىن­دىك بەردى. وتاندىق تاۋار وندى­رۋ­شىلەردى قولداۋ ماقسا­تىندا وسى جىلدان باستاپ اسا قاۋىپتى زياندى ورگانيزمدەرمەن، كارانتيندىك وبەكتىلەرمەن جانە ارامشوپتەرمەن كۇرەسۋ ءۇشىن پەستيتسيدتەردىڭ بارلىق تۇرلەرىن سۋبسيديالاۋ تەتىگى ىسكە قوسىلدى.

پرەمەر-مينيستر ۆەتە­ري­نارلىق جانە فيتوسانيتارلىق قىزمەتتى ودان ءارى نىعايتۋ جو­نىندەگى شارالار كەشەنىن ازىر­لەۋ، ۆەتەريناريا جانە فيتوسا­ني­تاريا سالاسىندا تەكسەرۋلەر، باقىلاۋ جانە مونيتورينگ، سونداي-اق كارانتيندىك ءىس-شا­را­لار جۇرگىزۋ جونىندەگى جۇمىستى كۇشەيتۋ قاجەتتىگىن اتاپ ءوتتى.

ۇكىمەت باسشىسى بۇگىنگى تاڭ­دا قۇس تۇماۋىنا قاتىستى جاع­داي تۇراقتانعانىن ەسكە سالا كەلە جاعدايعا مونيتورينگ جۇر­گى­زۋدى جالعاستىرۋ، قاجەت بولعان كەزدە الدىن الۋ شارالارىن جەدەل قابىلداۋ قاجەت­تىگىن ەسكەرتتى. جەرگىلىكتى اتقارۋشى ورگان­داردىڭ كارانتين مەن شەكتەۋ شارالارىن بەلگىلەۋ جانە الىپ تاستاۋ جونىن­دەگى شەشىمدەرىن ادىلەت ورگاندارىندا تىركەۋ راسىمدەرىن وڭايلاتۋدى تاپسىردى.

اۋىل شارۋاشىلىعى مي­نيستر­­لىگىنە مۇددەلى مەملە­كەتتىك ورگاندارمەن بىرلەسىپ، ءتيىم­دى باقىلاۋدى ۇيىمداستىرۋ ءۇشىن ۆەتەرينارلىق جانە فيتو­سانيتاريالىق قاداعالاۋدىڭ ۇلتتىق جۇيەلەرىن قۇرۋ تاپسىرىلدى.

ء«تيىستى اقپاراتتىق بازانى جەتىلدىرۋ جانە پروتسەستەردى اۆتو­ماتتاندىرۋ ارقىلى اۋىل شا­رۋاشىلىعى جانۋارلارىن 100% سايكەستەندىرۋدى قامتاماسىز ەتۋ قاجەت»، دەدى ا.مامين.

اۋىل شارۋاشىلىعى مەن ءبىلىم جانە عىلىم مينيستر­لىك­تەرىنە سالا ءۇشىن كادرلار دايار­لاۋدى جەتىلدىرۋ جانە كەيىن اۋىلدا جۇمىس ىستەۋ شارتى­مەن ۆەتەرينارلىق جانە فيتو­س­انيتارلىق قىزمەت مامان­دىقتارى بويىنشا وقىتۋعا بولىنەتىن گرانتتاردى ۇلعايتۋ ماسەلەسىن پىسىقتاۋ تاپسىرىلدى.

 

ءدارى-دارمەك دايىن تۇرادى

ۇكىمەت وتىرىسىندا حا­لىق­تى ءدارى-دارمەكپەن جانە مەدي­تسينالىق بۇيىم­دارمەن قامتا­ماسىز ەتۋ ماسەلە­لەرى دە قارال­دى. دەنساۋلىق ساقتاۋ ءمينيسترى ا.تسوي، يندۋستريا جانە ينفرا­قۇ­رى­لىمدىق دامۋ ءمي­نيسترى ب.اتامقۇلوۆ، «سق-فار­ماتسيا» باسقارما تور­اعاسى ە.ەس­قاليەۆ، تۇركىستان وبلى­سىنىڭ اكىمى ءو.شوكەەۆ، الماتى وبلىسىنىڭ اكىمى ا.باتالوۆ، شىم­كەنت قالاسىنىڭ اكىمى م.اي­تەنوۆ بايانداما جاسادى.

«مەملەكەت باسشىسى پاندەميا كەزىندە نەگىزگى ءدارى-دار­مەكتەر مەن مەدي­تسينالىق بۇيىم­داردىڭ ازايمايتىن قو­رىن قالىپتاستىرۋدى تاپسىر­دى. ۇكىمەت كوروناۆيرۋس ين­فەك­تسياسىنىڭ جاڭا تولقىنىنا دايىندىق، مەديتسينالىق ۇيىم­دار مەن حالىقتى ءدارى-دارمەكپەن قامتاماسىز ەتۋ بويىنشا بارلىق قاجەتتى شارالاردى قابىلداپ جاتىر»، دەدى ا.مامين بۇل ماسەلە جايىندا.

بيىل مىندەتتى مەديتسينالىق ساقتان­دىرۋدى ەنگىزۋ اياسىندا تەگىن دارىلىك زاتتاردىڭ تىزبەسى 45-تەن 137 نوزولوگياعا دەيىن 3 ەسەگە كەڭەيتىلدى. 2020 جىلعى تامىز ايىنان باستاپ ازاماتتارعا ۇيدە كوروناۆيرۋستان ەمدەلۋ ءۇشىن دارىلەردىڭ 5 ءتۇرى (قىزۋدى تۇسىرەتىن، انتيكواگۋليانتتار) تەگىن بەرىلەدى (قامتۋ جوسپارى – 1 ملن ادام). ستاتسيونارلار مەن جەكە قورعانىش قۇرالدارىنا ارنالعان 91 ءتۇرلى ءدارى-دارمەكتەن ەكى ايلىق رەسپۋبليكالىق جانە وڭىرلىك قور قالىپتاستىرىلدى. ءدارىحانالاردا تاپشىلىقتى بولدىرماۋ ماقساتىندا «سق-فارماتسيا» بولشەك ساۋ­دا جەلىسىن تولىقتىرۋ ءۇشىن قولدا بار قورعا قوسىمشا 33 سۇرانىسقا اسا يە پرەپاراتتاردى ساتىپ الادى. وسى جىلدىڭ 9 ايىنىڭ قورىتىندىسى بويىنشا فارماتسەۆتيكا ونەركاسىبىندەگى ءوندىرىس كولەمى 39،8%-عا (93،4 ملرد تەڭگەگە دەيىن) ءوستى. وتاندىق تاۋار وندىرۋشىلەر دارىلىك زاتتار مەن مەديتسينالىق بۇيىمداردىڭ 5 042 اتاۋىنا 88 ۇزاقمەرزىمدى شارت جاساستى.

ەلىمىزدە تاۋلىك سايىن 900 مىڭ ماسكا جانە 330 مىڭ جۇپ قولعاپ، ايىنا 504 مىڭ قورعانىش كوستيۋمى شىعارىلادى. قازاقستاننىڭ 17 وڭىرىندەگى 297 اۋرۋحاناعا 1 500 بىرلىك (100%) ءوجت اپپاراتتارى ءوندىرىلىپ، بارلىعى جەتكىزىلدى. 376 جەدەل جاردەم ماشيناسى، 63 جىلجىمالى مەديتسينالىق كەشەن شىعارىلدى. بارلىق وڭىرلەردە كولەمى 13 ملرد تەڭگەدەن اساتىن دارىلەردى قامتاماسىز ەتۋ ءۇشىن تۇراقتاندىرۋ قورلارى قۇرىلدى. مەملەكەت باسشىسىنىڭ تاپسىرماسى بويىنشا ۆەدومستۆوارالىق كوميسسيانىڭ شەشىمىمەن جەر­گىلىكتى بيۋدجەت ەسەبىنەن سۇرا­نىسقا يە ءدارى-دارمەكتەردى ساتىپ الۋ ءۇشىن تۇراقتاندىرۋ قور­لارىن قالىپتاستىرۋ ادىستەمەسى بەكىتىلدى.

پرەمەر-مينيستر اكىم­دىك­تەرگە وسى جىلدىڭ 1 قاراشاسىنا دەيىن تۇراق­تان­دىرۋ قورلارىنىڭ كولەمىن بەكىتىلگەن نورماتيۆكە دەيىن جەتكىزۋدى، مەديتسينالىق ۇيىمداردا دا، ءدارىحانالاردا دا ءدارى-دارمەكتەردىڭ قاجەتتىلىگىن ۇنەمى قادا­عالاپ وتىرۋدى تاپسىردى. بۇل رەتتە تۇراقتاندىرۋ قورلارى ەسەبىنەن ءدارى-دار­­مەكتەردى ساتىپ الۋدىڭ ناقتى الگو­ريت­مىنىڭ بولۋى قاجەت ەكەنى اتاپ ءوتىلدى.

«دەنساۋلىق ساقتاۋ مي­نيس­ترلىگىنە «سق-فارماتسيامەن» بىرلەسىپ، ستاتسيونارلاردا، اسىرەسە جۇقپالى اۋرۋلار اۋرۋحانالارىندا ءدارى-دارمەكتەردىڭ بولۋىنا مونيتورينگ جۇرگىزۋدى تاپسىرامىن. ءدارى-دارمەك تاپ­شىلىعى ورىن الماۋى ءتيىس»، دەدى ا.مامين.

يندۋستريا مينيسترلىگىنە مەدي­تسي­نالىق ماسكالار شىعا­رۋدى (تاۋلىگىنە 1،5 ملن داناعا دەيىن) ارتتىرۋدى قام­تاماسىز ەتۋ تاپسىرىلدى. دەنساۋلىق ساقتاۋ مينيسترلىگىنە كەلەسى جىلعا ءدارى-دار­مەكتەر مەن مەديتسينالىق بۇيىم­داردى ۋاقتى­لى ساتىپ الىپ، جەتكىزۋدى قامتا­ماسىز ەتۋ مىندەتتەلدى. پرە­مەر-مينيستر مەملەكەت باسشى­سىنىڭ «سق-فارماتسيانىڭ» ءدارى-دار­مەكتى ساتىپ الۋىنىڭ تيىم­دىلىگى مەن جەدەلدىگىن ارتتىرۋ تۋرالى تاپسىرماسىن بۇل­جىت­پاي ورىنداۋ قاجەتتىگىن اتاپ ءوتتى.

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار