17 قازاندا بەسقاراعاي اۋداندىق پوليتسيا ءبولىمىنىڭ تابيعاتتى قورعاۋ پوليتسيا توبىنىڭ قىزمەتكەرلەرى پاترۋلدەۋ كەزىندە ەرەكشە قورعالاتىن تابيعي اۋماقتا زاڭسىز قۇر اۋلاۋ فاكتىسىن انىقتاعان. پوليتسەيلەر قاسكويدى دەر كەزىندە ۇستاعاندىقتان, ول تابيعاتقا زيان كەلتىرىپ ۇلگەرمەدى.
– جەدەل الدىن الۋ شارالارى كەزىندە قۇر اۋلاۋعا شىققان 55 جاستاعى بەسقاراعاي اۋدانىنىڭ تۇرعىنىنان پاتروندارى مەن 12-ءشى كاليبرلى ۇڭعىلى اڭشى مىلتىعى الىندى, – دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.
براكونەرگە قاتىستى اكىمشىلىك قۇقىق بۇزۋشىلىقتىڭ 382 بابى, 3 بولىگى بويىنشا حاتتاما تولتىرىلدى.
"ەرەكشە قورعالاتىن تابيعي اۋماقتار تۋرالى" زاڭعا سايكەس "سەمەي ورمانى" اۋماعىندا اڭ اۋلاۋعا تىيىم سالىنعان.
