"بۇل نەگىزىنەن ۆەتەريناريالىق-سانيتاريالىق جانە فيتوسانيتاريالىق باقىلاۋ مەن قاداعالاۋ جۇرگىزۋگە بايلانىستى. بىرىنشىدەن, تەكسەرۋلەرگە موراتوري ەنگىزىلۋىنە بايلانىستى جانۋارلاردىڭ اسا قاۋىپتى اۋرۋلارىنىڭ, كارانتيندىك وبەكتىلەردىڭ جانە اسا قاۋىپتى زياندى ورگانيزمدەردىڭ رەسپۋبليكا اۋماعىندا پايدا بولۋ ءارى تارالۋ جاعدايلارىنىڭ الدىن الۋ مەن جولىن كەسۋ ماسەلەسى وتە ماڭىزدى بولىپ تۇر. بۇل جەردە ۆەتەريناريالىق جانە كارانتيندىك ينسپەكتورلار باقىلاۋ وبەكتىلەرىنە بارا وتىرىپ, تەكسەرۋ جانە باقىلاۋ جۇرگىزۋلەرى قاجەت", دەدى مينيستر ۇكىمەت وتىرىسىندا.
س.وماروۆ باقىلاۋ وبەكتىلەرىنە بارا وتىرىپ, تەكسەرۋلەردى جانە باقىلاۋ مەن قاداعالاۋدىڭ پروفيلاكتيكالىق ۆەتەريناريالىق ءارى فيتوسانيتاريالىق تۇرلەرىن موراتوريدەن شىعارۋدى ۇسىندى. بۇدان بۇرىن حابارلانعانداي, 2020 جىلدىڭ 9 ايى ىشىندە قازاقستان رەسپۋبليكاسىنا كارانتينگە جاتقىزىلعان ءونىمنىڭ يمپورتى كەزىندە وسىمدىكتەر كارانتينى سالاسىندا 3 082 ەرەجە بۇزۋشىلىق انىقتالدى.
سونىمەن قاتار, ۇكىمەت وتىرىسىندا پرەمەر-مينيستر ۆەتەريناريا ماماندىعىنا ءبىلىم گرانتتارىن كوبەيتۋدى تاپسىردى.
