شارا اياسىندا پوليتسيا باسقارماسى قىزمەتكەرلەرى, قالالىق اكىمدىك, پروكۋراتۋرا, مەملەكەتتىك سانيتارلىق - ەپيدەميولوگيالىق قاداعالاۋ باسقارماسى, "جاس وتان" وكىلدەرى جانە ەرىكتىلەر وتكىزگەن رەيد كەزىندە 2 كۇندە 53 قۇقىق بۇزۋشىلىق دەرەگى انىقتالدى.
ماسەلەن, قالا ورتالىعىنداعى كوشەلەردىڭ بىرىندە ءموبيلدى توپ "تويوتا كامري" ماركالى اۆتوكولىگىن تەكسەرۋ ءۇشىن توقتاتادى. تەكسەرۋ كەزىندە جۇرگىزۋشىنىڭ ء تيىستى قۇجاتتارسىز كولىكتى باسقارعانى انىقتالىپ, اۆتوكولىك ايىپ تۇراعىنا قويىلدى.
بۇدان بولەك, قالا ورتالىعىندا ورنالاسقان كومپيۋتەرلىك كلۋبتاردىڭ ءبىرىن تەكسەرۋ بارىسىندا پوليتسيا قىزمەتكەرلەرى تۇنگى ۋاقىتتا جۇرگەن كامەلەتكە تولماعان 4 ءجاسوسپىرىمدى انىقتادى. جاسوسپىرىمدەردىڭ اتا-انالارىنا قاتىستى قر اقبتك 442-بابى بويىنشا اكىمشىلىك حاتتامالار تولتىرىلدى جانە پروفيلاكتيكالىق اڭگىمەلەر جۇرگىزىلدى.
بۇگىنگى كۇنى قاتاڭ شارالارعا قاراماستان كارانتين رەجيمىن بۇزۋ وقيعالارى ازايار ەمەس. ەكى كۇننىڭ وزىندە وبلىس ورتالىعىنىڭ وزىندە 23 دەرەك انىقتالدى. كەشە, ياعني 18 قازاندا قىزىلوردا قالاسىنىڭ تۇرعىنى ءوز اۋلاسىندا سانيتارلىق نورمالار مەن تالاپتاردى ساقتاماي توي ۇيىمداستىرعان. سول جەردە پوليتسەيلەر اكىمشىلىك قۇقىق بۇزۋشىلىق تۋرالى حاتتاما راسىمدەپ, تولتىردى. اتالعان دەرەك بويىنشا قۇجاتتار جيناقتالىپ, ءتيىستى شارا كورۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.
