بيىلعى 5 شىلدەدەن باستاپ جاريالانعان كارانتيندىك شەكتەۋلەردىڭ ورىندالۋىن قامتاماسىز ەتۋ ماقساتىندا قۇرامىنا جەرگىلىكتى اتقارۋشى ورگاندار, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنت وكىلدەرى, ەرىكتىلەر, قوعامدىق كومەكشىلەر ەنگەن مونيتورينگتىك ءموبيلدى توپتار بۇگىنگى كۇنگە دەيىن 679 قۇقىق بۇزۋشىلىقتى انىقتادى.
ونىڭ ىشىندە كافە, مەيرامحانالاردا 370 توي جاساۋدىڭ دەرەگى انىقتالسا, كومپتەرلىك كلۋبتار, بۋكمەكەرلىك كەڭسەلەر 59 رەت كارانتين تالاپتارىن بۇزعان. شاشتارازدار, دۇكەندەر جانە بازارلار, دەمالىس ورىندارى دا سانيتارلىق دارىگەردىڭ قاۋلىسىندا كورسەتىلگەن تالاپتاردى ساقتاماعان.
ماسەلەن,18 قازان كۇنى ساعات 18:14 شاماسىندا قىزىلوردا وبلىسى, شيەلى اۋدانىنىڭ تۇرعىنى قۇدالىق راسىمىنە تۋىستارىن جيناعانى انىقتالدى. اتالعان دەرەك بويىنشا قۇجاتتار جيناقتالىپ, قر اقتك-ءنىڭ 425 بابىنىڭ 1 بولىگىمەن اكىمشىلىك حاتتاما راسىمدەلدى.
سونىمەن قاتار 16 قازان كۇنى ساعات 18:50 شاماسىندا قىزىلوردا وبلىسى, قازالى اۋدانى ايتەكە بي كەنتىنىڭ تۇرعىنى "باعداۋلەت" كافەسىندە توي جاساپ جاتقاندىعى بەلگىلى بولدى. اتالعان دەرەكتەر بويىنشا قۇجاتتار جيناقتالىپ, شارا كورۋ ءۇشىن ءتيىستى ورىندارعا جولداندى.
ودان بولەك 16 قازان كۇنى قىزىلوردا قالاسىنداعى "ايگەيم" جانە "ەنەردجي" كومپتەرلىك كلۋبتارىن تەكسەرۋ كەزىندە دە ءدال وسىنداي قۇقىق بۇزۋشىلىقتار انىقتالدى.
