پرەزيدەنت قاسىم-جومارت توقاەۆتىڭ تاپسىرماسىنا سايكەس COVID-19-بەن كۇرەسۋدىڭ قوسىمشا شارالارى قارالدى.
ەلىمىزدەگى سانيتارلىق-ەپيدەميولوگيالىق احۋال تۋرالى دەنساۋلىق ساقتاۋ ءمينيسترى ا. تسوي, زەرتحانالىق قىزمەتتەر مەن جەكە قورعانۋ قۇرالدارىنىڭ باعا ساياساتىنا مونيتورينگ جۇرگىزۋ جۇمىسى تۋرالى باسەكەلەستىكتى قورعاۋ جانە دامىتۋ اگەنتتىگىنىڭ توراعاسى س. جۇمانعارين, سانيتارلىق تالاپتاردىڭ ساقتالۋىن باقىلاۋ تۋرالى ىشكى ىستەر ءمينيسترى ە. تۇرعىمباەۆ, اقپاراتتىق-ءتۇسىندىرۋ جۇمىسى تۋرالى اقپارات جانە قوعامدىق دامۋ ءمينيسترى ا. بالاەۆا, وڭىرلەردەگى احۋال تۋرالى سولتۇستىك قازاقستان وبلىسىنىڭ اكىمى ق. اقساقالوۆ پەن پاۆلودار وبلىسىنىڭ اكىمى ءا. سقاقوۆ باياندادى.
قازاقستاندا بيىلعى 18 قازانداعى جاعداي بويىنشا كوروناۆيرۋستى جۇقتىرعان 102 ادام تىركەلدى ء(وسۋ قارقىنى – 0,09%), جۇقپالى اۋرۋلارعا ارنالعان توسەك-ورىنداردىڭ 16%-ى پايدالانىلۋدا. 2020 جىلعى 14-18 قازان ارالىعىنداعى رەپرودۋكتيۆتىلىك كورسەتكىشى 1,03%-دان 0,96%-عا دەيىن تومەندەدى. سوڭعى 3 اپتادا ەلىمىزدە 17 مىڭعا جۋىق رەيد جۇرگىزىلىپ, 7 مىڭنان استام كارانتين رەجيمىن بۇزۋ فاكتىسى انىقتالدى.
ۇكىمەت باسشىسى تۇرعىنداردىڭ ءالى كۇنگە دەيىن كوروناۆيرۋستىڭ قاۋپىنەن تولىق ساقتانبايتىنىن, الەۋمەتتىك ارا قاشىقتىقتى ساقتاۋ رەجيمى مەن اسىرەسە, قوعامدىق ورىندار مەن كولىكتەردە مىندەتتى تۇردە ماسكا تاعۋ ماسەلەسىندە سانيتارلىق تالاپتاردىڭ جەتكىلىكتى ساقتالمايتىنىن اتاپ ءوتتى. وسىعان بايلانىستى ۇكىمەت باسشىسى ازاماتتار اراسىندا اقپاراتتىق-ءتۇسىندىرۋ جۇمىستارىن جانداندىرۋدى جانە سانيتارلىق تالاپتاردىڭ ساقتالۋىن باقىلاۋدى كۇشەيتۋدى تاپسىردى.
ۆاك بىرقاتار شەشىم قابىلدادى:
ءى.شەكارادان وتكىزۋ پۋنكتتەرىندە سانيتارلىق-ەپيدەميولوگيالىق باقىلاۋدى كۇشەيتۋ 2020 ج. 26 قازاننان باستاپ شەت ەلدەردەگى ەپيدەميولوگيالىق احۋالدى ەسكەرۋمەن شەتەلگە ۇشاتىن اۋە رەيستەرىنىڭ سانىن قىسقارتۋ; قازاقستان اۋماعىنا كەلگەندەردىڭ بارلىعىن (سونىڭ ىشىندە قر ازاماتتارىن), سونداي-اق ەكىجاقتى حالىقارالىق تاسىمالداردى جۇزەگە اسىراتىن جۇرگىزۋشىلەردى مىندەتتى پتر-تەستىلەۋدەن وتكىزۋ; شەتەلدەن كەلۋشىلەرگە, ونىڭ ىشىندە قر ازاماتتارى ءۇشىن دە پتر تەستىدەن وتكەنى تۋرالى انىقتامانىڭ جارامدى مەرزىمىن 3 كۇنگە دەيىن بەلگىلەۋ.
II.پتر-تەستىلەۋ 2020 جىلعى 19 قازاننان باستاپ قر كوپتەگەن وڭىرلىك زەرتحانالارىندا پتر-تەستىلەۋ قۇنى 9 مىڭ تەڭگەگە دەيىن تومەندەتىلدى.
III.سىرقاتتانۋشىلىق ءوسىمى بولماعان جاعدايدا, "جاسىل" تۇراقتى ەپيدەميولوگيالىق احۋالى بار وڭىرلەردە بيزنەس سۋبەكتىلەرىنىڭ قىزمەتىن كەزەڭ-كەزەڭمەن قايتا جانداندىرۋ 2020 جىلعى 24 قازاننان باستاپ سەنبى كۇندەرى ساعات 17:00-گە دەيىن سوسو, ساۋدا ۇيلەرى, جابىق بازارلار جۇمىس ىستەي باستايدى. بيىلعى 26 قازاننان باستاپ كينوتەاترلار قاشىقتىقتى جانە ماسكا تاعۋ رەجيمىن ساقتاي وتىرىپ, 30%-دان اسپايتىن تولىعۋمەن جۇمىسىن قايتا باستايدى.
IV.شەكتەۋ شارالارىن ساقتاۋ مەكتەپكە دەيىنگى بالالار مەكەمەلەرىنىڭ, بيليارد جانە كومپيۋتەر كلۋبتارىنىڭ, ويىن-ساۋىق مەكەمەلەرىنىڭ, بانكەت زالدارىنىڭ, تۇنگى كلۋبتاردىڭ قىزمەتىنە سالىنعان تىيىم ساقتالادى. وبلىسارالىق جولاۋشىلار تاسىمالدارىنا جانە ورتاق ۆاگونداردى قۇرۋعا تىيىم سالۋ جالعاسادى.
