«عىلىمي جوبامنىڭ تاقىرىبى – «دەنساۋلىق پەن سۇلۋلىق كەپىلى – الوە». اتالعان وسىمدىكتىڭ پايداسى وتە كوپ. سوڭعى كەزدە ەكولوگيانىڭ ناشارلاۋىنا بايلانىستى تەرى, اسقازان, اللەرگيالىق اۋرۋلار كوبەيدى. مۇنداي اۋرۋلارعا قارسى الوە وسىمدىگىنەن وتاندىق ونىمدەر شىعارۋدى كوزدەپ ءجۇرمىن. سول سەبەپتەن, بولاشاقتا وسى باعىتتاعى جوبامدى جالعاستىرىپ, عىلىمي جاڭالىق اشقىم كەلەدى» دەيدى عىلىمعا بەت بۇرعان نۇرداۋلەت ماندياروۆ.
وقۋشىنىڭ جوباسىنا حيميا ءپانىنىڭ مۇعالىمى فاريدا ماشىرىقوۆا قولداۋ ءبىلدىرىپ, جەتەكشىلىك جاساپتى.
«نۇرداۋلەتتىڭ عىلىمي جوباسى ءساتتى باستالدى. تاجىريبەلىك نۇسقاسى جاقسى ناتيجە كورسەتتى. ول الوەدان دايىندالعان ءونىمنىڭ تابيعي مەن پايدالى ەكەنىن عىلىمي تۇرعىدان دالەلدەدى. ونىڭ ماقساتى – الوەدەن قولجەتىمدى ونىمدەر ازىرلەپ, كۇندەلىكتى قولدانىسقا ەنگىزۋ. بۇل باعىتتا كوپ ىزدەندى. زەرتتەۋشىلىك داعدىسىنىڭ جوعارى دەڭگەيدە ەكەنىن تانىتقان وقۋشى بۇل جوبانى عىلىمي زەرتتەۋ نىساناسىنا اينالدىرادى» دەيدى فاريدا ماشىرىقوۆا.
