باتىس قازاقستان وبلىسىنىڭ باس سانيتار دارىگەرى مۇحامعالي ارىسپاەۆ حابارلاعانداي, وڭىردە جالپى 6 903 ادام قاۋىپتى كەسەلدى جۇقتىرعان. ونىڭ 3491 ناۋقاسى سيمپتومسىز تۇرىمەن اۋىرعان. سونداي-اق ول, وبلىستا كورونوۆيرۋسقا شالدىققانداردىڭ سانى ءوسىپ كەلە جاتقانىن اتاپ ءوتتى. ماسەلەن, تەك سوڭعى 4 تاۋلىك ىشىندە 18 ادام اۋرۋ جۇقتىرىپ ۇلگەرگەن.
"سوڭعى 4 تاۋلىكتە اۋرۋ جۇقتىرعاندارعا توقتالايىن. ولاردىڭ اراسىندا 75-80 جاستاعىلار مەن رەسەيدەن كەلگەن ازاماتتار دا بار. ءبورلى اۋدانىندا بالاقباقشا تاربيەشىسىنەن كوروناۆيرۋس انىقتالدى. بالاباقشادا كارانتين جاريالاندى. بۇگىن, 16 قازاندا ونداعى تاربيەشىلەر مەن بالالاردان جانە اۋرۋ جۇقتىرعان ناۋقاستىڭ تۋىستارىنان پتر-تەست الىنادى", دەدى مۇحامعالي ارىسپاەۆ.
سونىمەن قاتار, وبلىستىق باس سانيتار دارىگەر رەسەيدە COVID-19 جۇقتىرعاندار سانىنىڭ وسۋىنە بايلانىستى باتىس قازاقستان وبلىسىنداعى 4 شەكارا بەكەتىندە كارانتين تالابى كۇشەيەتىنىن مالىمدەدى.
