"مەملەكەت باسشىسى دارىگەردىڭ ورتاشا ەڭبەكاقىسىنىڭ ەكونوميكاداعى ورتاشا ەڭبەكاقىعا اراقاتىناسىن 2023 جىلعا قاراي 2,5 ەسەگە جەتكىزۋ مىندەتىن العا قويدى. الەۋمەتتىك قولداۋ شارالارى مەن كەپىلدىكتەر جۇيەسى ەسەبىنەن, ءومىر سۇرۋگە جاقسى جاعدايلار جاساۋ, كوتەرمە قۇرالداردىڭ قالىپتى دەڭگەيىن قامتاماسىز ەتۋ ارقىلى دارىگەردىڭ جانە جالپى مەديتسينا قىزمەتكەرىنىڭ مارتەبەسىن كوتەرۋ قاجەت. دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنا سايكەس, دارىگەردىڭ ورتاشا ەڭبەكاقىسىنىڭ ەكونوميكاداعى ورتاشا ەڭبەكاقىعا اراقاتىناسى 2023 جىلى ءبىر ەڭبەكاقىعا شاققاندا 1,8 دەيىن جەتكىزىلەتىن بولادى, ال 2025 جىلى قازاقستاندا ءبىر ستاۆكادا جۇمىس ىستەيتىن دارىگەردىڭ ورتاشا ەڭبەكاقىسى كەمىندە 550 000 تەڭگەنى قۇرايدى. دارىگەردىڭ ورتاشا ايلىق ەڭبەكاقىسىنىڭ 1 لاۋازىمعا اراقاتىناسىنىڭ جوسپارلانعان ينديكاتورى 2020 جىلى ايماق ەكونوميكاسىنداعى قىزمەتكەردىڭ ورتاشا ايلىق نومينالدى ەڭبەكاقىسىنا 1: 1,3 قۇرايدى", - دەپ اتاپ ءوتتى سپيكەر.
ايتا كەتەيىك, سوڭعى 2 جىلدا مەديتسينا قىزمەتكەرلەرىنىڭ ەڭبەكاقىسى ەلۋ پايىزعا ءوستى. مەديتسينا جانە فارماتسەۆتيكا قىزمەتكەرلەرىنىڭ ماڭىزدى كەپىلدىكتەرى جاڭا "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكستە قاراستىرىلعان. قۇجاتتا ءتيىستى ەڭبەك جاعدايلارىن جاساۋ جانە جقق قامتاماسىز ەتۋ, جۇمىس بەرۋشىنىڭ نەمەسە بيۋدجەتتىڭ ەسەبىنەن بىلىكتىلىكتى ارتتىرۋ نەمەسە ونى اۋىستىرۋ مۇمكىندىگى, ەڭبەكاقى مەن سىياقىلاردىڭ ءوسۋى, قاتەلىكتەردەن ساقتاندىرۋ ماسەلەلەرى كورسەتىلگەن.
