ايماقتار • 16 قازان، 2020

ۇنەمدەلگەن قارجى گاز جۇرگىزۋ مەن كوپبالالى وتباسىلارعا ءۇي سالۋعا جۇمسالادى

636 رەت كورسەتىلدى

جىل سوڭىندا ۇنەمدەلگەن وبلىستىق بيۋدجەت قارجىسى  ىرعىز اۋدانىنىڭ اقشي، قۇرىلىس، شەڭبەرتال اۋىلدارىنا گاز قۇبىرىن جۇرگىزۋگە، از قامتىلعان جانە كوپ بالالى وتباسىلار ءۇشىن  ءۇي سالۋعا، قان اۋرۋىنا شالدىققان بالالاردى  ەمدەيتىن ستاتسيونار قۇرىلىسىنا جۇمسالاتىن بولدى.  بۇل  تۋرالى  وبلىستىق ءماسليحاتتىڭ  كەزەكتەن تىس 46-شى سەسسياسىندا بەلگىلى بولدى، دەپ حابارلايدى  Egemen.kz

جىل  باسىندا جوسپارلانعان كوپتەگەن مادەني، سپورتتىق ءىس-شارالار پاندەمياعا بايلانىستى  وتپەي قالدى جانە بىرقاتار   بيۋدجەتتىك باعدارلاما شىعىندارى قىسقارتۋعا ۇشىرادى. وسىنىڭ ەسەبىنەن جىل سوڭىندا   ۇنەمدەلگەن قارجى  سوماسى  6،4 ميلليارد تەڭگەنى قۇرادى. ء ماسليحات دەپۋتاتتارى ۇنەمدەلگەن قارجىنىڭ  740 ميلليون تەڭگەسىن ەلدىمەكەندەردىڭ ينفراقۇرىلىمدىق جوبالارىن  اياقتاۋعا   قايتا ءبولۋدى ماقۇلدادى.  سولاردىڭ ءبىرى –وتكەن جىلى اياقتالۋعا ءتيىس بولسا دا،  مەردىگەردىڭ جاۋاپسىزدىعىنان  توقتاپ قالعان ىرعىز اۋدانىنىڭ اقشي، شەڭبەرتال، قۇرىلىس ەلدىمەكەندەرىنە گاز قۇبىرىن جۇرگىزۋ جوباسى.

سونداي-اق ۇنەمدەلگەن قارجىدان  از قامتىلعان جانە كوپ بالالى وتباسىلار ءۇشىن  قولجەتىمدى  پاتەرلەر سالۋعا قوسىمشا  400 ميلليون تەڭگە  ءبولىندى.  بۇدان وزگە  اقتوبە قالاسىنىڭ تۇبىندەگى جاڭاقونىس ەلدىمەكەنىندە 140 پاتەرلىك جاتاقحانا سالىناتىن بولدى. مۇنىڭ بيۋدجەتى 100  ميلليون تەڭگەنى قۇرايدى.  وبلىستىق بالالار اۋرۋحاناسىنىڭ قان اۋرۋىنا شالدىققان بالالاردى ەمدەۋگە ارنالعان 100 كەرەۋەتتىك ستاتسيونار قۇرىلىسىنا  دا قوسىمشا 255 ميلليون تەڭگە ءبولىندى.

بيىل وبلىستا جول قۇرىلىسىنا بايلانىستى رەسپۋبليكالىق بيۋدجەتتىڭ 700 ميلليون تەڭگەسى يگەرىلمەي قالدى. باعدارلاما ۇيلەستىرۋشىسى – وبلىستىق  جولاۋشىلار كولىگى جانە اۆتوموبيل جولدارى باسقارماسى وسى قارجىنى رەسپۋبليكالىق بيۋدجەتكە شۇعىل تۇردە قايتاراتىن بولدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار