رۋستام ءجۇرسىنوۆ ساراپشىلىق كەڭەستىڭ كەڭەيتىلگەن وتىرىسىنا قاتىستى. وتىرىستا وبلىس كاسىپكەرلەرىنىڭ بىرقاتار ماسەلەلەرى, سونداي-اق وسى قيىن-قىستاۋ كەزەڭدە بيزنەستى قولداۋدىڭ پىسىقتالىپ جاتقان قوسىمشا شارالارى تالقىلاندى.
كەڭەس وتىرىسىنىڭ سوڭىندا وبلىس اكىمى بەردىبەك ساپارباەۆپەن جانە وبلىس پروكۋرورى نۇرعالىم ابدىروۆپەن جول كارتاسىنا قول قويدى. بيزنەس-ومبۋدسمەن وبلىس اكىمدىگىمەن, پروكۋراتۋراسىمەن بىرلەسىپ, كاسىپكەرلەردى قولداۋ جانە قورعاۋ ماقساتىندا اتالعان قۇجاتتىڭ ءاربىر تارماعىن ورىنداۋ بويىنشا بارلىق شارالار قابىلداناتىنىن ەرەكشە اتاپ ءوتتى.
"ەگەر كاسىپكەرلەردىڭ قۇقىقتارى مەن زاڭدى مۇددەلەرىن تىكەلەي قورعاۋ تۋرالى ايتاتىن بولساق, 2016 جىلدان باستاپ بيزنەس-ومبۋدسمەن ينستيتۋتى 25 مىڭنان استام ءوتىنىشتى قارادى, ولاردىڭ بىردە-بىرەۋى نازاردان تىس قالمادى جانە تۇراقتى باقىلاۋدا بولدى. ونىڭ ىشىندە 2020 جىلدىڭ 8 ايىندا 3 378 ءوتىنىش قارالدى. بيزنەس پروبلەمالارىنىڭ 70%-دان استامى وڭىرلىك دەڭگەيدە شەشىلدى. وتكەن جىلدان باستاپ وبلىس اكىمدەرىمەن جول كارتالارىنا قول قويۋ تاجىريبەسى ەنگىزىلىپ, وندا كاسىپكەرلىكتىڭ وڭىرلىك پروبلەمالارى جانە ولاردى شەشۋ جولدارى كورىنىس تاپتى", دەپ اتاپ ءوتتى رۋستام ءجۇرسىنوۆ.
جامبىل وبلىسى بويىنشا 2020 جىلدىڭ 8 ايىندا بيزنەستى قورعاۋ جەلىسى بويىنشا 188 ءوتىنىش كەلىپ ءتۇستى. ونىڭ 25%-ى وڭ شەشىمىن تاپتى. قورعالعان م ۇلىكتىك قۇقىقتىڭ جالپى سوماسى 250 ملن تەڭگەنى قۇرايدى. بۇل – كۇشى جويىلعان ايىپپۇلدار مەن وسىماقىلار, كونتراگەنتتەردىڭ ورىندالعان شارتتىق مىندەتتەمەلەرى, قايتارىلعان م ۇلىكتەر, تىيىم سالۋ مەن حابارلامالاردىڭ كۇشىن جويۋ. قالعان وتىنىشتەرگە قاتىستى جۇمىس جۇرگىزىلىپ جاتىر.
