فيزيكا كافەدراسى ۇيىتقى بولعان شارا TEDx ونلاين-الاڭىندا ۇيىمداستىرىلدى.
جيىن قاتىسۋشىلارى ءتورتىنشى ونەركاسىپتىك رەۆوليۋتسيا جاعدايىندا پەداگوگيكالىق جوعارى وقۋ ورىندارىنىڭ تۇلەكتەرى ءبىلىم بەرۋ ۇيىمدارىنىڭ سۇرانىسىن قانشالىقتى قاناعاتتاندىرادى دەگەن ساۋال توڭىرەگىندە ءوزارا پىكىر الماسىپ, تىڭ ويلارىمەن ءبولىستى.
"قازىرگى كۇندە الەم ءتورتىنشى ونەركاسىپتىك رەۆوليۋتسيا داۋىرىنە, تەحنولوگيالىق, ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىنە قادام باسىپ كەلەدى. بۇل – جۇمىسشىلاردىڭ جانە جاس مامانداردىڭ ءبىلىمى مەن قۇزىرەتتىلىگىنە قويىلاتىن تالاپتاردى كۇشەيتەدى. جاڭا تەحنولوگيالىق ۇدەرىستەر قالىپتاسقان جۇمىس تاسىلدەرىن, دۇنيەتانىمدى, بالالارىمىزدى قالاي تاربيەلەيتىنىمىزدى جانە ءتۇرلى سالا ماماندارىن دايارلاۋدى تۇبەگەيلى وزگەرتۋدە", دەدى باسقوسۋ مودەراتورى, پەداگوگيكا عىلىمدارىنىڭ كانديداتى ءنازيرا ساندىباەۆا.
ونىڭ پايىمداۋىنشا, يندۋستريا 4.0 – بۇل تسيفرلىق تەحنولوگيالار فيزيكالىق پروتسەستەردى ناقتى ۋاقىت رەجيمىندە باقىلاۋعا, ءوز بەتىنشە شەشىم قابىلداۋعا جانە زاماناۋي ماشينالاردىڭ ادامدار اراسىنداعى ءوزارا ارەكەتتەسۋىن باسقارۋعا مۇمكىندىك بەرەدى.
سونىمەن قاتار باسقوسۋدا "رۋحاني جاڭعىرۋ" باعدارلاماسى اياسىندا ۇلتتىق بىرەگەيلىكتى ساقتاۋ, ۇلتتىق تاربيە مەن سانالى وقىتۋدى كىرىكتىرە وتىرىپ, بولاشاق مامان دايارلاۋدىڭ ماڭىزدىلىعى دا جان-جاقتى قاۋزالدى. بۇل تۋرالى قىزدار ۋنيۆەرسيتەتىنىڭ "رۋحاني جاڭعىرۋ" جوبالىق كەڭسەسىنىڭ قىزمەتكەرى گاۋحار بايتاشەۆا مەن فيزيكا, ماتەماتيكا جانە تسيفرلىق تەحنولوگيالار جوعارى مەكتەبىنىڭ دەكانى گۇلناز سالعاراەۆا ءسوز قوزعادى.
ال تۇركىستان, ماڭعىستاۋ جانە الماتى وبلىستىق ءبىلىم بەرۋ سالاسىنىڭ قىزمەتكەرلەرى زاماناۋي جاڭا تەحنولوگيالار ارقىلى ءبىلىم بەرۋدىڭ ماڭىزدىلىعى جايىندا باياندادى.
"ەلباسى نۇرسۇلتان نازارباەۆتىڭ ء"تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى" اتتى قازاقستان حالقىنا جولداۋىندا پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ كەرەكتىگى ايتىلعان بولاتىن. ول ءۇشىن ەلىمىزدىڭ ۋنيۆەرسيتەتتەرىندەگى پەداگوگيكالىق كافەدرالار مەن فاكۋلتەتتەردى دامىتۋ قاجەتتىلىگى مەن ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسىن كۇشەيتۋگە جەتە نازار اۋدارىلعان بولاتىن. جاستاردىڭ جاڭا تەحنولوگيالىق قالىپقا دايىنداۋدىڭ ماڭىزدى شارتى بولىپ تابىلاتىن بۇنى ىسكە اسىرۋ ورايىندا بىرقاتار ىستەر قولعا الىنعانى دا راس. بولاشاق ءبىلىم بەرۋدىڭ باستى مىندەتى ء–بىلىم بەرۋ ۇيىمدارى, اسىرەسە مەكتەپتەر ۋاقىت تالاپتارىنا لايىقتى بولۋ ءۇشىن تەحنولوگيالىق پروگرەسس پەن ادامي كاپيتالدى ءبىرتۇتاستاندىرۋ. ساپالى مامان دايارلاۋ ىسىنە جەتە كوڭىل بولىنسە, بولاشاق ۇلت تاربيەشىلەرىنىڭ ءبىلىمى مەن بىلىگىن ارتتىرۋعا نازار اۋدارىلسا بۇل مىندەت تولىق ورىندالادى دەپ ويلايمىز", دەدى جيىن قاتىسۋشىلارى.
شارا بارىسىندا الماتى وبلىسىنىڭ ەڭبەكشىقازاق اۋدانىنداعى مەكتەپتەردەگى روبوتوتەحنيكانى دامىتۋ ورايىندا جۇزەگە اسىرىلىپ جاتقان جۇمىستار دا ايتىلدى. ءوز كەزەگىندە اتالعان وڭىردەگى ءبىلىم بەرۋ ۇيىمدارىنىڭ باسشىلارى قىزدار ۋنيۆەرسيتەتىندەگى روبوتوتەحنيكا وقۋ زەرتحاناسىمەن تاجىريبە الماسۋعا نيەتتى ەكەندىگىن جەتكىزدى. الداعى ۋاقىتتا وقۋ ورنىنىڭ ستۋدەنتتەرى مەن وقىتۋشىلارى كاسىبي باعدار بەرۋ جۇمىسى اياسىندا ايماقتاعى مەكتەپ وقۋشىلارىن ساندىق تەحنولوگيالار مەن روبوتوتەحنيكانىڭ مەڭگەرۋ بويىنشا ادىستەمەلىك كومەك كورسەتپەك.
