جۋىردا وبلىس اكىمى گۇلشارا ابدىقالىقوۆانىڭ توراعالىعىمەن وتكەن ءوڭىردىڭ 2021-2023 جىلدارعا ارنالعان ەكونوميكالىق جانە بيۋدجەتتىك ساياسات ماسەلەلەرى جونىندەگى كەڭەستە دە وسى ماسەلە تالقىلانىپ, الداعى نەگىزگى مىندەتتەر ايقىندالدى.
– تاياۋداعى بىرنەشە جىل ىشىندە ىندەتتىڭ قوعامنىڭ بارلىق سالالارىنا, ەكونوميكا مەن بيزنەسكە اسەر ەتەتىن سالدارىمەن بەتپە-بەت كەزدەسەمىز. سوندىقتان بۇگىنگى تاڭدا مەملەكەتتىك بيۋدجەتتىك جوسپارلاۋدىڭ بارىنشا ءتيىمدى ساياساتىن قامتاماسىز ەتۋ بۇرىنعىدان دا ماڭىزدى, – دەدى وبلىس اكىمى.
ءبىر ايتا كەتەرلىگى, كەلەر جىلعا ارنالعان بيۋدجەت جوباسى ەشقانداي قارىزسىز بەكىتىلەتىن بولادى. بۇل ءۇشىن 27,6 ملرد تەڭگە قارالىپ وتىر, ونى بارلىق وتپەلى ينۆەستيتسيالىق جوبالاردى اياقتاۋعا, رەسپۋبليكالىق بيۋدجەتتەن ىسكە اسىرىلاتىن جوبالاردى قوسا قارجىلاندىرۋعا, وبليگاتسيالىق باعالى قاعازداردى شىعارۋعا باعىتتاۋ كوزدەلۋدە.
وبلىستا قىزمەت تۇرلەرى بويىنشا سارالاناتىن اگلومەراتسيالىق ءتاسىل نەگىزىندە 2023 جىلعا دەيىنگى ەكونوميكالىق دامۋ جوسپارى ازىرلەندى. جوسپار اياسىندا بيزنەسكە 270 ملرد تەڭگەدەن اساتىن 265 جوبانى ىسكە اسىرۋ ۇسىنىلعان. بۇگىندە ونىڭ 59-ى ىسكە اسىرىلدى, 50-گە جۋىعى جۇمىس ۇستىندە.
وبلىس اكىمى مەملەكەتتىك باعدارلامالاردىڭ مۇمكىندىكتەرىن ءتيىمدى پايدالانۋ ماڭىزدى ەكەنىن دە اتاپ ءوتتى. بۇل رەتتە مەملەكەتتىك قولداۋدى شىعىنسىز, باسەكەگە قابىلەتتى جانە تەحنولوگيالىق جوبالارعا, بيزنەستى قايتا وڭدەۋگە باعىتتاپ, ءونىمدى وتكىزۋدىڭ نارىقتارىن جولعا قويۋ قاجەت. اسىرەسە ءوڭىر باسشىسى ايماقتىڭ ازىق-ت ۇلىكپەن جانە ەڭ قاجەتتى تاۋارلارمەن ءوزىن-ءوزى قامتاماسىز ەتۋىنە باسا نازار اۋدارۋ قاجەتتىگىن ايتتى.
ايماقتىڭ رەسۋرستىق الەۋەتىن, مەملەكەتتىك باعدارلامالاردىڭ كەشەندى قۇرالدارىن ءتيىمدى پايدالانۋ ارقىلى باسەكەگە قابىلەتتى ەكسپورتقا باعدارلانعان وندىرىستەردى دامىتۋعا باسا نازار اۋدارا وتىرىپ, ءوڭىردى يندۋستريالاندىرۋ جالعاسادى. ءىرى وندىرىستەردىڭ اينالاسىندا ىلەسپە بيزنەس قۇرۋ مۇمكىندىگى دە ۇدايى نازاردا بولادى.
ەكونوميكالىق ساياساتتىڭ باستى باسىمدىقتارىنىڭ ءبىرى – وسىمدىك شارۋاشىلىعى مەن جايىلىمداعى مال شارۋاشىلىعىن دامىتۋ.
ماماندار دەرەگىنشە, بۇگىندە وبلىستا پايدالانىلماي جاتقان جايىلىمدىق القاپ كوپ, ونىڭ باسىم بولىگىندە جايىلىمدىق مال شارۋاشىلىعىن دامىتۋ ءۇشىن تالاپ ەتىلەتىن 2500-گە جۋىق قۇدىق, ۇڭعىما جانە باسقا دا سۋمەن جابدىقتاۋ كوزدەرى بار. كەڭەستە وبلىس باسشىسى جايىلىمدارداعى ۇڭعىمالار مەن قۇدىقتاردى قالپىنا كەلتىرۋ ماسەلەسىن تولىق شەشۋدى تاپسىردى. بۇل مال مەن مال شارۋاشىلىعى ونىمدەرىنىڭ سانىن ەداۋىر ارتتىرىپ, ازىق-ت ۇلىك قاۋىپسىزدىگىن قامتاماسىز ەتۋدىڭ جانە جۇمىس ورىندارىن قۇرۋدىڭ مۇمكىندىگى.
بيىل داريا دەڭگەيى تومەندەپ, كۇرىش القاپتارى سۋدان قالا جازدادى. وسىعان دەيىن دە بايقالىپ كەلگەن بۇل ماسەلەنىڭ وسىنشالىقتى ۋشىعۋى وسى باعىتتا كەشەندى شارالار قابىلداۋ كەرەكتىگىن كورسەتىپ وتىر. وبلىس باسشىسى قازىر جوبا دەڭگەيىندە تۇرعان بىرقاتار سۋ قويمالارىن سالۋ ماسەلەسىن پىسىقتاۋمەن قاتار, اۋىل شارۋاشىلىعى ءوندىرىسىن, اسىرەسە ەگىنشىلىكتى ءارتاراپتاندىرۋ بويىنشا عىلىمي نەگىزدەلگەن ۇسىنىستار ەنگىزۋ قاجەتتىگىن قاداپ ايتتى.
قازىر ايماقتا بالىق شارۋاشىلىعىن دامىتۋ جونىندەگى وڭىرلىك باعدارلامانىڭ جوباسىن ازىرلەۋ اياقتالىپ قالدى. ونى جۇزەگە اسىرۋ ءۇشىن گ.ابدىقالىقوۆا كەلەر جىلعا ارنالعان وبلىستىق بيۋدجەتتە 1 ملرد تەڭگە قاراستىرۋدى تاپسىردى. 2030 جىلعا دەيىن جابىق سۋمەن جابدىقتاۋ جۇيەسىندە 55 كول-تاۋارلى بالىق شارۋاشىلىعىن, 9 توعان, 3 اكۆاوسىرۋ ءوندىرىسىن قۇرۋ جوسپارلانۋدا.
بۇگىندە تسيفرلى دامۋ كەز كەلگەن ءوڭىردىڭ كورسەتكىشىن باعالاۋ كريتەريلەرىنىڭ بىرىنە اينالدى. وسى جىلدىڭ العاشقى 6 ايىنىڭ قورىتىندىسىمەن قىزىلوردا وبلىسى ەلىمىزدەگى اقىلدى قالالاردىڭ ەتالوندىق ستاندارتىنىڭ تالاپتارىنا سايكەس 5-ورىنعا يە بولدى. كەڭەستە وبلىس اكىمى 2021 جىلدىڭ 1 توقسانىنان كەشىكتىرمەي تسيفرلاندىرۋدى دامىتۋدىڭ وڭىرلىك ستراتەگياسىن ازىرلەۋدى تاپسىردى.
بارلىق سالا سارالاناعان كەڭەستە ايماق باسشىسى الداعى 3 جىلدا حالىقتىڭ قاۋىپسىز جانە جايلى ءومىر ءسۇرۋى بويىنشا ءىس-شارالاردى جۇزەگە اسىرۋ كەرەكتىگىن مىندەتتەدى.
– وڭىردە ىقتيمال سۋ تاسقىنىنا قارسى, سونداي-اق توتەنشە جاعدايلاردىڭ الدىن الۋ جانە ولاردى جويۋ جونىندەگى ءىس-شارالارعا دايىنداۋ جونىندەگى ءىس-قيمىل الگوريتمى ازىرلەنۋى ءتيىس, – دەدى گۇلشارا ناۋشاقىزى.
جاڭا زامان جاڭا ماماندىقتاردى تالاپ ەتۋدە. الداعى ۋاقىتتا وقۋ ورىندارى قانداي كاسىپ يەلەرىنە قاجەتتىلىكتەر تۋىندايتىنىن جانە ولاردىڭ بەلگىلى ءبىر ۋاقىت اياسىندا قالاي وزگەرەتىنىن بولجاپ قانا قويماي, ۇدايى تالداپ وتىرۋى كەرەك. بۇل دا ءوڭىر باسشىسى قويعان مىندەتتەردىڭ ءبىرى.
كەڭەستە پاندەميا كەزىندەگى قيىندىقتار قايتالانباۋى ءۇشىن ءوڭىردىڭ ءدارى-دارمەكتەرمەن, توسەك-ورىندارمەن قامتاماسىز ەتىلۋىن, مەديتسينالىق قىزمەتكەرلەردىڭ تولىق, عيماراتتاردىڭ دايىن بولۋىن ەگجەي-تەگجەيلى زەردەلەۋ تاپسىرىلدى. دەنساۋلىق ساقتاۋ سالاسىنىڭ ينفراقۇرىلىمىن دامىتۋ ماسەلەسى دە ۇمىت قالعان جوق. وسى كۇنى وبلىس اۋداندارى ءۇشىن ورتالىق اۋرۋحانالار سالۋ ماسەلەسى تولىعىمەن شەشىلدى. جالاعاش اۋدانىندا سالىنىپ جاتقان قۇرىلىس جىل سوڭىنا دەيىن اياقتالادى.
ءوڭىر باسشىسى سونداي-اق الەۋمەتتىك قورعاۋ سالاسىن دامىتۋ جونىندە بىرقاتار تاپسىرما بەردى. قىزىلوردا قالاسىندا ءتيىمدى جۇزەگە اسىرىلىپ جاتقان «باقىتتى وتباسى» جوباسىن وبلىستىڭ بارلىق اۋداندارى مەن بايقوڭىر قالاسىندا ەنگىزگەن ءجون.
– ءبىز الەۋمەتتىك قىزمەت كورسەتۋدى بەرىلگەن وتىنىشپەن ەمەس, زەرتتەۋ جۇمىستارى ارقىلى انىقتاۋىمىز كەرەك. شىن مۇقتاج جاندار نازاردان تىس قالماۋى ءتيىس, – دەدى وبلىس اكىمى.
كەڭەس سوڭىندا گ.ابدىقالىقوۆا بيۋدجەت قاراجاتىنىڭ ءتيىمدى ءارى ماقساتتى پايدالانىلۋىن قامتاماسىز ەتۋدى, سونداي-اق قارجىلىق ءتارتىپتى قاتاڭ ساقتاۋدى تاپسىردى.
قىزىلوردا
