«بايتەرەك» ۇلتتىق باسقارۋشى حولدينگى» اق يندۋستريالاندىرۋ باعدارلاماسىنىڭ قارجىلاندىرۋ جوباسىن جەتىلدىرۋ» جونىندەگى باسقارۋشى كوميتەتتىڭ ءۇشىنشى وتىرىسىن وتكىزدى.
«بايتەرەك» ۇلتتىق باسقارۋشى حولدينگى» اق يندۋستريالاندىرۋ باعدارلاماسىنىڭ قارجىلاندىرۋ جوباسىن جەتىلدىرۋ» جونىندەگى باسقارۋشى كوميتەتتىڭ ءۇشىنشى وتىرىسىن وتكىزدى.
وتىرىسقا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, پرەمەر-ءمينيستردىڭ ورىنباسارى – قارجى ءمينيسترى باقىت سۇلتانوۆ, ۇلتتىق بانك توراعاسى قايرات كەلىمبەتوۆ, «اتامەكەن وداعى» قۇەپ پرەزيديۋم توراعاسى تيمۋر ق ۇلىباەۆ, «بايتەرەك» ۇبح» اق باسقارما توراعاسى قۋاندىق بيشىمباەۆ, «راكۋرس» ەكونوميكالىق ساراپتاما ورتالىعىنىڭ ديرەكتورى وراز جاندوسوۆ, بيزنەس-قاۋىمداستىعى مەن ەكىنشى دەڭگەيلى بانكتەردىڭ وكىلدەرى قاتىستى.
جيىندا مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ ەكىنشى كەزەڭىن جۇزەگە اسىرۋ بارىسىنداعى ەكونوميكانىڭ قاجەتتىلىكتەرىنە قاتىستى جان-جاقتى ساراپتامالىق ەسەپ تالقىلاندى. قۇجاتتا ءۇش باعىت بويىنشا كلاستەرلىك جۇيە رەتىندە دامىتۋ كوزدەلىپ وتىرعان ەكونوميكا مەن ءوندىرىس سالالارى جانە ولاردىڭ قارجىلىق مۇقتاجدىعى ايقىندالعان.
كلاستەرلىك سالالاردىڭ جۇمىس تيىمدىلىگىن ارتتىرۋ ءۇشىن ۇيلەستىرۋ ورگانىن قۇرۋ ۇسىنىلىپ وتىر. اتالمىش قۇرىلىم كلاستەرلىك كاسىپورىنداردى قارجىلاندىرۋ بارىسىندا «بىرىڭعاي تەرەزە» قاعيداتى بويىنشا جۇمىس ىستەۋگە مۇمكىندىك بەرەدى, دەلىنگەن «بايتەرەك» ۇبح» اق ءباسپاسوز قىزمەتىنىڭ اقپاراتىندا.
«ەگەمەن-اقپارات».
