بۇعان دەيىن №1 اتىراۋ قالالىق ەمحاناسىنىڭ بىرنەشە دارىگەرى وتەماقىنىڭ تولەنبەگەنىن ايتىپ, الاڭداۋشىلىق ءبىلدىرىپ ەدى. ءتىپتى بۇل ەمحانانىڭ ەسەپشوتىنان قوماقتى قارجىنىڭ ۇرلانعانى بەلگىلى بولدى.
"اتالعان ەمحانانىڭ ەسەپشوتىنان ۇرلانعان 70 ملن تەڭگەنىڭ ۇستەمەاقى مەن وتەماقى ءۇشىن تولەنەتىن قارجىعا قاتىسى جوق. قازىر قولدى بولعان قارجىعا قاتىستى ءتيىستى قۇقىقتىق ورگاندار تەرگەۋ-انىقتاۋ جۇمىستارىن جۇرگىزىپ جاتىر. تامىز ايىندا ەمحانا اكىمشىلىگى جەرگىلىكتى باسقارماعا كوروناۆيرۋسپەن كۇرەستە قىزمەت ەتكەن 33 دارىگەردىڭ قۇجاتىن جىبەرگەن. باستاپقىدا 10 مەديتسينا قىزمەتكەرىنىڭ قۇجاتى ماقۇلداندى. ەندى №129 بۇيرىققا وزگەرىس ەنگىزىلۋىنە بايلانىستى تاعى ءۇش قىزمەتكەرگە وتەماقى تولەنەتىن بولدى", دەدى اسحان بايدۋاليەۆ.
