قوعام • 14 قازان، 2020

نۇر-سۇلتان ەمحانالارىنا COVID-19 انىقتايتىن زەرتحانا كەشەندەرى ورناتىلادى

8 رەت كورسەتىلدى

نۇر-سۇلتان قالاسىنىڭ اكىمدىگى قالالىق دەنساۋلىق ساقتاۋ باسقارماسىمەن بىرلەسىپ، پتر اناليزدەرىن وتكىزۋ ءۇشىن قالالىق ەمحانالاردا 9 يزوتەرميالىق زەرتحانا كەشەنىن ورناتۋ جوباسىن جۇزەگە اسىرۋدا. بۇل زەرتتەۋ كولەمىن ۇلعايتۋعا جانە ۋاقىتىلى كومەك كورسەتۋگە مۇمكىندىك بەرەدى. كەشەندەردىڭ جالپى قۋاتتىلىعى تاۋلىگىنە 1،5 مىڭ زەرتتەۋدى قۇرايدى. تەست ناتيجەلەرى بىرنەشە ساعات ىشىندە دايىن بولادى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

جۇقپالى اۋرۋلار اۋرۋحاناسىندا COVID-19-دان ەمدەلۋشىلەرگە، وتكىر رەسپيراتورلىق ۆيرۋستىق ينفەكتسيالارمەن جانە پنەۆمونيامەن اۋىراتىن ناۋقاستارعا، COVID-19 پاتسيەنتىمەن تىعىز بايلانىستا بولعان ادامدارعا، امبۋلاتوريالىق ەمدە جاتقان جانە كلينيكالىق حاتتاماعا سايكەس العاشقى مەديتسينالىق-سانيتارلىق كومەك دارىگەرلەرىنىڭ باقىلاۋىندا بولاتىن COVID-19 پاتسيەنتتەرىنە اقىسىز پتر ادىسىمەن تەستىلەۋ قاراستىرىلعان.

سونداي-اق جوسپارلى جانە شۇعىل ستاتسيونارعا جاتقىزىلعان ناۋقاستار; ءتيىستى اۋماقتىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس ەپيدەميولوگيالىق كورسەتكىشتەر بويىنشا كلينيكالىق حاتتاماعا سايكەس جۇكتى ايەلدەر مەن جاڭا تۋعان نارەستەلەر ءۇشىن پتر تەستى اقىسىز جۇرگىزىلەدى.

بۇگىندە قالادا كوروناۆيرۋس ينفەكتسياسىنا بيوماتەريال جيناۋعا ارنالعان 13 زەرتحانا بار، وندا ءسىز تەگىن تەست تاپسىرا الاسىز. زەرتحانالاردىڭ جالپى قۋاتتىلىعى تاۋلىگىنە 7 مىڭ سىناقتان تۇرادى. قازىرگى ۋاقىتتا 421 مىڭنان استام زەرتتەۋ جۇرگىزىلدى، ءالى 165 مىڭعا جۋىق سىناق بار.

سوڭعى جاڭالىقتار

ۇقساس جاڭالىقتار