ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ جوباسى تالقىلاۋدىڭ ماڭىزدى ماسەلەلەرىنىڭ ءبىرى بولدى. بۇعان دەيىن, جوعارى كەڭەستىڭ 2020 جىلعى 19 مامىرداعى وتىرىسى بارىسىندا ەل پرەزيدەنتى قاسىم-جومارت توقاەۆتىڭ ەسكەرتۋلەرىمەن ستراتەگيا جوباسى پىسىقتاۋعا جىبەرىلگەن بولاتىن.
«قازىرگى ۋاقىتتا كوميسسيانىڭ كادر ساياساتى جانە ەەك-ءتىڭ ساۋدا شارالارى جونىندەگى شەشىمدەرىنە «ۆەتو» قۇقىعىن قولدانۋ بولىگىندە ستراتەگيا جوباسىنا قازاقستاندىق ۇسىنىستاردى تالقىلاۋ جالعاسۋدا. كەلىسسوزدەردە كوميسسيادا جۇمىس ىستەۋ ءۇشىن ۇمىتكەرلەردى تەك ىزدەنۋشىلەردىڭ كاسىبي داعدىلارى نەگىزىندە ىرىكتەۋ ماسەلەسىنىڭ پرينتسيپتىلىگى اتاپ ءوتىلدى. سونداي-اق «ۆەتو» قۇقىعىن قولدانۋ مەملەكەتتىڭ ءسوزسىز ەگەمەندى قۇقىعى بولىپ سانالادى, بۇل وعان ەستۋگە جانە ەكونوميكالىق مۇددەلەرگە سايكەس كەلمەيتىن شەشىمدەردى قابىلداۋعا جول بەرمەۋگە مۇمكىندىك بەرەدى», دەدى ساۋدا جانە ينتەگراتسيا ۆيتسە-ءمينيسترى جانەل كۋشۋكوۆا.
ەاەو ەلدەرى اراسىندا COVID-19 جاعدايىندا جولاۋشىلار قاتىناسىن قالپىنا كەلتىرۋ ماسەلەسى دە تالقىلاندى.
«قازىرگى ۋاقىتتا الەمدە COVID-19 كوروناۆيرۋس ينفەكتسياسى وتە الاڭداتارلىق جاعدايدا. سوندىقتان ءبىز ءۇشىن بۇل ماسەلە وتە سەزىمتال. ويتكەنى ازاماتتارىمىزدىڭ قاۋىپسىزدىگى بارىنەن جوعارى. وسى تۇرعىدا ەاەو-عا مۇشە مەملەكەتتەردىڭ سانيتارلىق دارىگەرلەرىنە ەەك-پەن بىرلەسىپ, قاجەتسىز تاۋەكەلگە جول بەرمەي, ەاەو-عا مۇشە مەملەكەتتەر اراسىنداعى جولاۋشىلار كولىگى قاتىناسىن جاڭارتۋ جونىندە تاسىلدەر ازىرلەۋدى ۇسىندىق», دەدى ول.
اتالعان ماسەلەنى قاراۋ بارىسىندا ۇكىمەت باسشىلارى ەادب-نىڭ باستاماسىن تالقىلادى.
«ەۋرازيالىق دامۋ بانكى شىعاتىن ازاماتتاردىڭ COVID-19 تەستىلەرىنىڭ ناتيجەلەرىن كەيىننەن ەاەو ەلدەرىمەن ءوزارا تاني وتىرىپ شوعىرلاندىراتىن تسيفرلى پلاتفورما قۇرۋدى ۇسىندى. ەادب-نىڭ ۇسىنىلىپ وتىرعان ءتاسىلى ازاماتتاردىڭ ەاەو ىشىندەگى قوزعالىسىن جەڭىلدەتۋگە مۇمكىندىك بەرەدى. جالپى, ءبىز بۇل باستامانى قولدادىق. ەندى ونىڭ پراكتيكالىق ىسكە اسىرىلۋىن قامتاماسىز ەتۋ قاجەت», دەيدى ساۋدا جانە ينتەگراتسيا ۆيتسە-ءمينيسترى.
ەسكە سالا كەتەيىك, ەاەو-عا مۇشە مەملەكەتتەردە كارانتيندىك شارالاردىڭ ەنگىزىلۋىنە بايلانىستى ەلدەر اراسىنداعى جولاۋشىلار قاتىناسى توقتاتىلدى.
سونىمەن قاتار پرەمەر-مينيسترلەر ەاەو-دا تاۋارلاردىڭ ترانسشەكارالىق ەلەكتروندى ساۋداسىن رەتتەۋ ماسەلەسىن قارادى.
«اعىمداعى احۋال الەمدىك IT-نارىق وتە جىلدام قارقىنمەن دامىپ كەلە جاتقانىن كورسەتەدى. سونىمەن قاتار ول بيۋدجەتكە تۇسەتىن تۇسىمدەردى ازايتۋ, تاۋارلاردىڭ تومەن ساپاسى تۇرىندە تاۋەكەلدەردى كوتەرەدى. جاڭا شىنايىلىق جاعدايىندا ءبىز ترانسشەكارالىق ەلەكتروندى ساۋدانى رەتتەۋدىڭ نەگىزگى باعىتتارىن كەلىستىردىك», دەپ تۇسىنىكتەمە بەردى ۆيتسە-مينيستر.
ۇكىمەت باسشىلارى سونداي-اق ەكسپورتتى دامىتۋدىڭ بىرلەسكەن شارالارى مەن ەاەو شەڭبەرىندە اگروونەركاسىپتىك كەشەندى دامىتۋدىڭ بىرلەسكەن بولجامدارىن كەلىستى. بۇل ۋاعدالاستىقتار وتاندىق بيزنەسكە ءۇشىنشى ەلدەردىڭ نارىقتارىنا ەكسپورت سپەكترى مەن كولەمىن كەڭەيتۋگە, سونداي-اق اۋىل شارۋاشىلىعى نارىعىن ودان ءارى دامىتۋدىڭ كوكجيەگىن بەلگىلەۋگە مۇمكىندىك بەرەدى.
ايتا كەتەلىك, 2020 جىلدىڭ 9 قازانىندا ەۋرازيالىق ۇكىمەتارالىق كەڭەستىڭ كەزەكتى وتىرىسى وتكەن بولاتىن.
