كەلىسپەۋشىلىك كەزىندە قىزمەتتىك تراۆماتيكالىق قارۋمەن اسپانعا ءبىر مارتە ەسكەرتۋ وعى اتىلعان جانە كۇزەتشىلەر باسقارعان اۆتوكولىك ادام قاققان. وسىعان بايلانىستى سىرداريا اۋداندىق پوليتسيا ءبولىمى قازاقستان رەسپۋبليكاسىنىڭ قىلمىستىق كودەكسىنىڭ 252-بابىمەن كۇزەت قىزمەتكەرلەرىنىڭ وكىلەتتىكتەرىن اسىرا پايدالانۋ دەرەگى بويىنشا قىلمىستىق ءىس قوزعاپ, تەرگەۋ امالدارى جۇرگىزىلۋدە.
وقيعا ورنىندا ءتيىستى قۇزىرلى ورگانداردىڭ وكىلدەرى وبلىستىق جانە اۋداندىق پروكۋراتۋرا مەن پوليتسيا دەپارتامەنتى باسشىلىعى جينالعان تۇرعىندارعا زاڭ شەڭبەرىندە تۇسىندىرمە جۇمىستارىن جۇرگىزدى.
كۇرىش القابىندا بولعان جانجالدا «ا.توقماعانبەتوۆ» جشس-ءنىڭ زاڭگەرىن ۇرىپ, دەنە جاراقاتىن سالعان تۇرعىندار دا تەرگەلۋدە. قازىر ءتيىستى ساراپتامالار تاعايىندالىپ, قورىتىندىلارى كۇتىلىپ وتىر. تەرگەۋ بارىسى وبلىستىق پروكۋراتۋرا جانە پوليتسيا دەپارتامەنتى باستىعىنىڭ باقىلاۋىندا تۇر.
قۇقىق قورعاۋشىلاردىڭ حابارلاۋىنشا, قازىر ەكى تاراپ كەلىسىمگە كەلىپ, احۋال تۇراقتالعان.
