الىنباي قالعان پايدا – بۇل كاسىپورىندار جۇمىسىن توقتاتپاعاندا تاباتىن اقشاسى. ساياسي تۇراقسىزدىققا بايلانىستى جەرگىلىكتى كاسىپكەرلەر مەن شەتەل سەرىكتەستەرى بىرلەسكەن جۇمىسىن ۋاقىتشا توقتاتۋعا ءماجبۇر بولدى. بيزنەس-قاۋىمداستىقتار ۇلتتىق اليانسىنىڭ مالىمەتىنشە, 210 ميلليون دوللارعا باعالانعان 20-دان اسا كەلىسىمشارت پەن جوبانىڭ كۇشى جويىلدى. ەندى وسىنىڭ سالدارىنان ەلدە جۇمىسسىزدىق ارتىپ, الەۋمەتتىك-ەكونوميكالىق جاعداي ناشارلاۋى مۇمكىن.
انۆار ابدراەۆ, بانكتەر وداعىنىڭ پرەزيدەنتى: "بۇل ماسەلەلەردى تەز ارادا شەشۋىمىز كەرەك. بىراق تولىققاندى جۇمىس ىستەۋىمىز ءۇشىن ارينە تىنىشتىق پەن قاۋىپسىزدىك قاجەت. باسىمىزدان وتكەندىكتەن, ءبىز دە الاڭدايمىز. بيزنەس-قاۋىمداستىقتاردىڭ ۇلتتىق اليانسى تەز ارادا ەلدە زاڭدىلىق ورناتۋدى سۇراپ وتىر. جۇك تاسىمالى مەن قىزمەتكەرلەرىنىڭ ەركىن قاتىناۋى جانە كاسىپورىنداردىڭ قاۋىپسىزدىگى قامتاماسىز ەتىلۋى ءتيىس. اسىرەسە تاۋ-كەن سالاسىندا ينۆەستورلاردىڭ مۇلكىن زاڭسىز تارتىپ الۋ ارەكەتتەرىن كەسۋ ءۇشىن جەدەل توپتار قۇرۋعا شاقىردى", دەپ ايتىپ ءوتتى.
ال ينۆەستيتسيالاردى تارتۋ جانە قورعاۋ اگەنتتىگىنىڭ ديرەكتورى مىندەتىن اتقارۋشى نۋراديل باياسوۆ: "ينۆەستيتسيالارسىز, كاسىپكەرلەرسىز بولاشاقتا اۋىر قيىندىقتارعا تاپ بولامىز. بيۋدجەتىمىزگە دە زيانى كەلەدى. ينۆەستورلار مەن كاسىپكەرلەر جۇمىس ورىندارىن قۇرادى. ال بۇل بۇكىل حالىق ءۇشىن پايدالى. كاسىپكەرلەر بيلىكتەن مەنشىكتى تارتىپ الۋعا جول بەرمەيتىن زاڭدار قابىلداۋىن سۇراپ وتىر. بۇل – ۇكىمەت پەن پارلامەنت الدىندا تۇرعان باستى مىندەت. جاڭادان سايلاناتىن جوگوركۋ كەنەش ەڭ الدىمەن وسى ماسەلەلەردى قاراستىرماق. ال ورتالىق سايلاۋ كوميسسياسى 6 قاراشاعا دەيىن جاڭا پارلامەنتتىك سايلاۋدىڭ مەرزىمىن بەلگىلەۋى ءتيىس", دەيدى ول.
