ءىس-شارا حالىقارالىق ستاندارتتاردىڭ تالاپتارىنا سايكەس رەسپۋبليكانىڭ ونەركاسىپتىك كاسىپورىندارى, ءارتۇرلى دەڭگەيدەگى قىزمەتكەرلەردىڭ كاسىبي قۇزىرەتتىلىگىنىڭ دەڭگەيىن جەتىلدىرۋ جانە ارتتىرۋ ماقساتىندا ۇيىمداستىرىلدى.
مۇنداي وقىتۋ جىل سايىن بەسىنشى جىل قاتارىنان وتكىزىلۋدە, الايدا اعىمداعى سەمينار وتكەن جىلداردان قاتىسۋشىلاردى وقىتۋ فورماتىمەن ەرەكشەلەنەدى. قاشىقتىقتان وقىتۋ فورماتىنا كاسىپورىنداردىڭ, مەملەكەتتىك ورگانداردىڭ, بيزنەس-قوعامداستىقتاردىڭ, سىناق زەرتحانالارىنىڭ جانە ءونىمنىڭ سايكەستىگىن راستاۋ ورگاندارىنىڭ 70 مامانى قاتىستى.
تىڭداۋشىلار 3 كۇن ىشىندە ۇلتتىق ستاندارتتاۋ جۇيەسى سالاسىنداعى جالپى نورماتيۆتىك-قۇقىقتىق بازامەن تانىستى, "ستاندارتتاۋ تۋرالى" زاڭنىڭ نەگىزدەرىن, ستاندارتتاۋ جونىندەگى قۇجاتتاردىڭ قولدانىلۋىن, حالىقارالىق, وڭىرلىك ستاندارتتاردى جانە شەت مەملەكەتتەردىڭ ستاندارتتارىن قولدانۋ قاعيدالارىن, ۇلتتىق ستاندارتتاۋ جوسپارى مەن ۇلتتىق ستاندارتتاردى ازىرلەۋ قاعيدالارىن زەرتتەدى.
وسى سەميناردىڭ جاڭالىعى-مەملەكەتتىك ساتىپ الۋدى جۇزەگە اسىرۋ كەزىندە ستاندارتتاۋ جانە تەحنيكالىق رەتتەۋ تۋرالى زاڭنامانى پراكتيكالىق قولدانۋ ماسەلەسىن زەردەلەۋ. قاتىسۋشىلار تەحنيكالىق رەتتەۋ سالاسىنداعى مەملەكەتتىك باقىلاۋ جانە قاداعالاۋ, ولشەم بىرلىگىن قامتاماسىز ەتۋ, ۇلتتىق دەڭگەيدە دە, ەاەو شەڭبەرىندە دە سايكەستىكتى باعالاۋ سالاسىنداعى اككرەديتتەۋ ماسەلەلەرىن ەگجەي-تەگجەيلى قارادى.
وقىتۋ اياسىندا قاتىسۋشىلارعا العاش رەت قىتاي, يران, تۇركيا, بىرىككەن اراب امىرلىكتەرى جانە گەرمانيا سياقتى باسىم ەلدەردىڭ نارىقتارىنا ءونىمدى ەكسپورتىنا قول جەتكىزۋ جانە تەحنيكالىق رەتتەۋ جۇيەسى تانىستىرىلدى.
سونداي-اق قاتىسۋشىلارعا "حالال" ونىمدەرى مەن اقپاراتتىق تەحنولوگيالار سالاسىنداعى ستاندارتتاۋ جانە تەحنيكالىق رەتتەۋ تۋرالى زاڭنامانىڭ تالاپتارى ءتۇسىندىرىلدى. قاشىقتىقتان وقىتۋ فورماتى تىڭداۋشىلاردى ەكى باعىت بويىنشا پلاتفورمالارعا بولۋگە مۇمكىندىك بەردى: "حالال" ونىمدەرى جانە اقپاراتتىق تەحنولوگيالار, وندا سەميناردىڭ ءاربىر قاتىسۋشىسى وزىنە قىزىقتى باعىتتى تاڭداي الدى.
سەمينار بارىسىندا تىڭداۋشىلار پراكتيكالىق قىزمەتتە تۋىندايتىن سۇراقتاردى بەلسەندى قويىپ, ولارعا لەكتورلار تولىق جاۋاپ بەردى. بۇل وقىتۋ بولاشاقتا, ءىس جۇزىندە, ونىمدەر مەن قىزمەتتەر ءوندىرىسىن جەتىلدىرۋدە جوعارى ناتيجەلەرگە دۇرىس جانە ءتيىمدى قول جەتكىزۋگە مۇمكىندىك بەرەدى.
