وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتىنىڭ مالىمەتىنشە, 11 قازاندا 58 وقۋشىنىڭ كوروناۆيرۋس جۇقتىرعانى راستالدى. ولاردىڭ 34-ءى كەزەكشى توپقا بارعان, ال 24-ءى قاشىقتان وقىعان ەكەن.
وقۋشىلار اراسىندا جۇقتىرعانداردىڭ كوبى ريددەر جانە التاي قالاسىنان بولىپ شىقتى. سونداي-اق گلۋبوكوە اۋدانىندا 10 وقۋشى اۋرۋعا شالدىققان.
"ەگەر اۋدانداردى الىپ قاراساق, وندا بالالاردىڭ كوبى گلۋبوكوە اۋدانىندا – 10 وقۋشى, كوكپەكتىدە – 10 بالا, سونداي-اق شەمونايحادا – 2 وقۋشى, كۇرشىم جانە قاتون قاراعايدا – ءبىر بالادان جۇقتىرعان. اۋىرىپ قالعانداردىڭ كوبى قاشىقتان وقىعان", دەيدى ۆەدومستۆو وكىلدەرى.
