قالادا 12 قازانداعى جاعداي بويىنشا 14 454 وقيعا تىركەلگەن, ولاردىڭ ىشىندە سيمپتومدارى ناقتىلانعانى 8 685 جانە 5 769 سيمپتومسىز وقيعالار. ناۋقاستار كورسەتكىشى 723,93-كە تەڭ.
الماتى اكىمىنىڭ ايتۋىنشا, قالادا جاعداي تۇراقتى. بىراق 6 قازاندا اۋرۋدىڭ ءبىرشاما كوتەرىلگەنى بايقالدى.
"سوندىقتان قالا تۇرعىندارىن سانيتارلىق-ەپيدەميالىق قاۋىپسىزدىكتىڭ قاراپايىم ەرەجەلەرىنە نەمقۇرايدى قاراماۋعا, بەتپەردە تاعۋعا, الەۋمەتتىك قاشىقتىقتى ساقتاۋعا, ادامدار كوپ جينالاتىن ورىنداردان اۋلاق بولۋعا, سانيتارلىق-گيگيەنالىق ەرەجەلەردى قاتاڭ ۇستانۋعا شاقىرامىن", دەپ اتاپ ءوتتى ب. ساعىنتاەۆ.
قوسىمشا شارالاردىڭ قاتارىندا − الماتى قالاسىنىڭ حالىقارالىق اۋەجايىنداعى مەملەكەتتىك شەكارادا سانيتارلىق-ەپيدەميالىق باقىلاۋ كۇشەيتىلدى. قالانىڭ مەملەكەتتىك سانيتارلىق دارىگەرىنىڭ قاۋلىسىنا سايكەس حالىقارالىق رەيستەردەن كەلەتىن جولاۋشىلاردا قۆي-ءدىڭ جوق ەكەندىگى تۋرالى پتر انىقتاماسى بولۋى ءتيىس. ولاي بولماعان جاعدايدا ولار ساراپتاما ناتيجەلەرى شىققانعا دەيىن كارانتينگە جاتقىزىلادى.
ۇشىپ كەتەتىن جولاۋشىلاردىڭ كۆي-گە قاتىستى پتر دياگنوستيكاسىن الۋ ءۇشىن ليتسەنزيالانعان ىرىكتەۋ پۋنكتى اشىق. قالاعا پتر تەستىلەۋىنسىز كەلەتىن جولاۋشىلار ءۇشىن ۋاقىتشا تۇراتىن قوناق ۇيلەر دايىن. سونىمەن قاتار, 26 مونيتورينگتىك توپتار جۇمىستارىن قايتا جانداندىردى, ولاردىڭ قۇرامىنا اۋداندىق اكىمدىكتەردىڭ, جەرگىلىكتى پوليتسيا قىزمەتىنىڭ قىزمەتكەرلەرى, "اتامەكەن" ۇكپ وكىلدەرى جانە اۋداندىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ ماماندارى ەندى. 8-10 قازان ارالىعىندا 383 رەيدتىك شارالار وتكىزىلدى, ونىڭ بارىسىندا 51 نىساننىڭ ءتارتىپ بۇزعاندىعى انىقتالدى.
بەتپەردە رەجىمىن بۇزعانى ءۇشىن 13 جەكە تۇلعا قر اكىمشىلىك قۇقىقتىق كودەكسىنىڭ 1 تارماعىنىڭ 425-بابى بويىنشا اكىمشىلىك جاۋاپكەرشىلىككە تارتىلىپ, ولارعا جالپى سوماسى 541 710 تەڭگە كولەمىندە ايىپپۇل سالىندى. بۇدان وزگە, قىزمەتىنە بۇرىن تىيىم سالىنعان وبەكتىلەر انىقتالدى. ولار بەلگىلەنگەن جۇمىس رەجىمىن ساقتاماعان.
"كاسىپكەرلەردى قالانىڭ مەملەكەتتىك باس سانيتارلىق دارىگەرىنىڭ تالاپتارىن بۇزباۋعا شاقىرامىن. سوندا عانا ءبىز اعىمداعى كارانتيندىك رەجيمدە جۇمىس جاساي الاتىن بولامىز. سىزدەر تۇراقتى تابىس تاباسىزدار جانە قالالىقتاردى جۇمىسپەن قامتاماسىز ەتەسىزدەر. بارلىعى سىزدەرگە بايلانىستى", دەدى قالا اكىمى ب. ساعىنتاەۆ بيزنەس-قوعامداستىق وكىلدەرىنە.
بۇگىنگى كۇنى قولدانىستاعى كارانتيندىك شەكتەۋلەر ساقتالادى. ەگەر سانيتارلىق-ەپيدەميالىق احۋال ناشارلايتىن بولسا, وندا قوسىمشا شەكتەۋ شارالارىن ەنگىزۋ مۇمكىندىگى قاراستىرىلاتىن بولادى.
