"ۆاز – 21703" اۆتوكولىگىنىڭ جۇرگىزۋشىسى اع.جۇبانوۆتار كوشەسىندە كەلە جاتىپ, ساتپاەۆ كوشەسىنىڭ قيىلىسىندا قر جول قوزعالىسى ەرەجەلەرىنىڭ 3.5-تارماعىن بۇزىپ, رۇقسات بەرەتىن باعدارشاممەن سولعا بۇرىلعان كەزدە, اع.جۇبانوۆتار كوشەسىنەن ماكارەنكو كوشەسىنە قاراي, قارسى باعىتتا قوزعالىپ كەلە جاتقان Volkswagen Golf اۆتوكولىگىنە جول بەرمەگەن.
كولىك قۇرالدارىنىڭ سوقتىعىسۋىنان "Volkswagen Golf" اۆتوكولىگى قوزعالىس باعىتىن وزگەرتىپ, جاياۋ جۇرگىنشىلەر وتكەلىنىڭ الدىندا, جولدا بولعان جاياۋ جۇرگىنشىلەرگە سوقتىعىسۋعا جول بەرىپ, كەيىن قوزعالىستى جالعاستىرا وتىرىپ, ەلەكتر جەلىسىنىڭ تىرەگىنە سوقتىعىسقان. جول-كولىك وقيعاسى ناتيجەسىندە ءتۇرلى دەنە جاراقاتتارى بار ءۇش جاياۋ جۇرگىنشى اقتوبە قالاسىنىڭ جەدەل مەديتسينالىق جاردەم اۋرۋحاناسىنا جاتقىزىلدى.
