ايماقتار • 13 قازان، 2020

"بيزنەستىڭ جول كارتاسى" گرانتى يەگەرلەرى قانداي بيزنەستى دامىتادى؟

10 رەت كورسەتىلدى

نۇر-سۇلتاندا "بيزنەستىڭ جول كارتاسى" بويىنشا مەملەكەتتىك گرانت يەگەرلەرى جوبالارىن جۇزەگە اسىرا باستادى، دەپ حابارلايدى اكىمدىكتىڭ رەسمي سايتى.

بايقاۋ جەڭىمپازدارىنىڭ ءبىرى، QMOBOT كومپانياسىنىڭ نەگىزىن قالاۋشى كەنجەعالي نۇرعاليەۆ قاراجاتقا ءونىمىنىڭ تولىق وندىرىستىك تسيكلىن قۇرۋدى جوسپارلاپ وتىر. كومپانيا ءموبيلدى روبوتتار شىعارۋعا مامانداندىرىلعان، ولار بويىنشا مەكتەپ وقۋشىلارى IT تەحنولوگيالار مەن باعدارلامالاۋدى مەڭگەرەدى، ال ستۋدەنتتەر مەن جاس عالىمدار تاجىريبە جاساي الادى.

ء«بىزدىڭ كومپانيا ءبىر جىلدان بەرى جۇمىس ىستەيدى. روبوت ديزاينى، باعدارلامالىق جاساقتاما جانە ءبىلىم بەرۋ مازمۇنى – اۆتورلىق قۇقىقپەن قورعالعان ءبىزدىڭ ازىرلەمەلەرىمىز. ءبىز قازىردىڭ وزىندە ساتىلىم جاساۋدامىز. گرانت قاراجاتى ەسەبىنەن روبوت ءوندىرىسىن كەڭەيتىپ، سايتتاعى وقۋ ماتەريالدارىنىڭ كولەمىن ارتتىرۋدى جوسپارلاپ وتىرمىز. ءونىمدى وندىرىسكە جىبەرىپ، ءبىلىم بەرۋ كۋرستارىمىزدى كەڭىنەن تاراتۋدى جوسپارلاپ وتىرمىز»، – دەيدى كەنجەعالي نۇرعاليەۆ.

بۇگىندە IT-تەحنولوگيالارعا سۇرانىس وتە جوعارى. كاسىپكەر QMOBOT ءبىلىم بەرۋ ءونىمى قازاقستاندا Lego Education سياقتى الىپتارمەن باسەكەگە تۇسە الاتىنىنا سەنىمدى.

تاعى ءبىر گرانت يەگەرى زامزەگۇل بەيسەمباەۆا ەلوردادا يننوۆاتسيالىق جابدىق – HENGTAL 1500 ستانوگى نەگىزىندە دانەكەرلەنگەن تورلار ءوندىرىسىن باستاۋدى جوسپارلاپ وتىر.

«جەتى جىل كەڭسە قىزمەتىنەن سوڭ ءوزىم ءۇشىن جۇمىس جاساعىم كەلەتىنىن ءتۇسىندىم. ون جىلدان بەرى مەتالل پروكاتىمەن اينالىستىم. وسى ۋاقىتتا تاۋارلاردىڭ ساپاسىنا قاتىستى شاعىمدارمەن ءجيى اينالىسۋعا تۋرا كەلدى. ساپاسى شىنىمەن دە ناشار بولدى. ءوزىمنىڭ ءوندىرىسىمدى اشۋدى ويلادىم. الدىمەن ارماتۋرا ءوندىرىسى ءۇشىن «اتامەكەن» ۇكپ گرانتىن جەڭىپ الدىم. بۇل ونىمدەردى شىعارىپ جاتقانىمىزعا ەكى جىل بولدى. وسى جىلى مەن ءوندىرىستى كەڭەيتىپ، دانەكەرلەنگەن تور ءوندىرۋدى باستاۋدى شەشتىم. «بيزنەستىڭ جول كارتاسى» باعدارلاماسىنا قاتىسۋعا ءوتىنىش بەرىپ، گرانت الدىم»، – دەيدى زامزەگۇل بەيسەمباەۆا.

دانەكەرلەنگەن تور قازاقستاندا وندىرىلمەيدى. نەگىزىنەن تاۋارلار شەتەلدەن اكەلىنەدى جانە ولارعا دەگەن سۇرانىس جوعارى. ونىمدەر قۇرىلىستا، ونەركاسىپتىك زاۋىتتاردا، قۇس فابريكالارىندا قاجەت. ءۇي شارۋاشىلىعىندا دا پايدالانۋعا بولادى. مىسالى، قورشاۋ رەتىندە.

بۇگىندە تسەح تور شىعارۋعا دايىن، جاقىن كۇندەرى ستانوكتار كەلۋى كەرەك. كاسىپكەر قازىردىڭ وزىندە تاپسىرىس الىپ، جۇمىسشىلار جالداۋعا دايىندالۋدا. ەسكە سالا كەتەيىك، نۇر-سۇلتاندا وتكەن «بيزنەستىڭ جول كارتاسى - 2025» بايقاۋىنىڭ قورىتىندىسى بويىنشا 57 گرانت يەگەرى انىقتالدى.

قازاقستاندا «بيزنەستىڭ جول كارتاسى» باعدارلاماسى 2010 جىلدان بەرى جۇمىس ىستەيدى. ونىڭ ءبىر باعىتىن اكىمدىكتەر قاداعالايدى. جەرگىلىكتى اتقارۋشى ورگاندار بيزنەسكە گرانتتارمەن جانە ينفراقۇرىلىمدىق قولداۋمەن كومەك كورسەتەدى. گرانتتار كونكۋرستارىنا كاسىپكەرلەر دە، ءوز ءىسىن اشقىسى كەلەتىن قازاقستاندىقتار دا، ونىڭ ىشىندە ايەلدەر، مۇمكىندىگى شەكتەۋلى ادامدار جانە 50 جاستان اسقان ادامدار قاتىسا الادى.

سوڭعى جاڭالىقتار

ۇقساس جاڭالىقتار