الداعى ۋاقىتتاردا تاراز قالاسىنىڭ اۋماعىندا كوروناۆيرۋستىق ينفەكتسيانى تاراتپاۋ, ازاماتتاردىڭ جەكە قورعانىش قۇرالدارىن پايدالانۋ جانە جۇمىس رەجيمىن ساقتاۋ, دەزينفەكتسيالىق قۇرالدارمەن قامتاماسىز ەتۋ جانە پروفيلاكتيكالىق جۇمىستاردى جۇرگىزۋ ماقساتىندا 12 ءموبيلدى توپ قۇرىلاتىن بولادى.
اتالعان مونيتورينگتىك توپ بارلىق كاسىپورىنداردا سانيتارلىق شارالاردىڭ ساقتالۋى بويىنشا تەكسەرۋ جۇمىستارىن جۇرگىزەدى. قالا اكىمدىگىنىڭ مالىمەتىنشە, سانيتارلىق تالاپتاردى ورەسكەل بۇزۋ دەرەگى انىقتالعان جاعدايدا مونيتورينگتىك توپ ءاكىمشىلىك قۇقىقبۇزۋشىلىق تۋرالى حاتتاما جاساۋ ءۇشىن قۇقىق قورعاۋ ورگاندارىن شاقىرادى. ەپيدەميالىق تالاپتار ساقتالماعان جاعدايدا ايىپپۇل زاڭدى تۇلعالار ءۇشىن 600 مىڭ تەڭگەدەن استام قاراجاتتى قۇرايدى.
سونىمەن قاتار, قالا اكىمدىگى قالادا سانيتارلىق تالاپتاردى ساقتاماعان كاسىپكەرلىك نىسانداردىڭ, ونىڭ ىشىندە تويحانالار مەن كافەلەرءدىڭ جابىلاتىنىن حابارلايدى.
«مەيرامحانالار, كافەلەر, تۇنگى كلۋبتار جانە باسقا دا كاسىپكەرلىك مەكەمەلەر سانيتارلىق تالاپتاردى قاتاڭ ساقتاۋى ءتيىس. ەگەر دە, ەسكەرتۋ جاسالعاننان كەيىن قايتالاپ تالاپتاردى بۇزۋ جاعدايلارى ورىن السا, كاسىپكەرلىك نىساندارىن جاباتىن بولامىز. ال, قالا تۇرعىندارى مىندەتتى تۇردە ماسكا رەجيمى مەن اراقاشىقتىقتى ۇستانۋ كەرەك», دەلىنگەن اكىمدىك حابارلاماسىندا.
اتالعان ماسەلە بويىنشا تاراز قالاسىندا 10-11 قازان كۇندەرى كۇندىزگى جانە ءتۇنگى رەيد جۇرگىزىلگەن بولاتىن. رەيد بارىسىندا 49 نىسان تەكسەرىلىپ, كارانتين تالاپتارىن بۇزعاندارعا حاتتاما تولتىرىلدى. ونىڭ ىشىندە, وبلىس ورتالىعىنداعى «گراند رويال», «ىدىرىس», «سەۆينچ», «باق بەرەكە» تويحانالارى دا بار. سونىمەن قاتار, وبلىس اۋداندارىندا دا موبيلدىك توپتار كۇندىزگى رەيدتە 100-دەن استام نىسانداردى ارالاپ, تۇنگى رەيدتە 80-نەن استام كاسىپكەرلىك نىساندارىن تەكسەردى.
ونىڭ ىشىندە مەيرامحانالار, كافەلەر مەن دۇكەندەر دە بار.
جامبىل وبلىسى
