سەمينار جوعارى كاسىبي دەڭگەيدە ءوتتى, اقپارات قولجەتىمدى ءارى اۋديتورياعا بەيىمدەلگەن تۇردە ۇسىنىلدى, پروبلەمانىڭ بارلىق اسپەكتىلەرى قوزعالدى جانە بارلىق سۇراقتارعا جاۋاپتار ۇسىنىلدى. الەمدىك تاجىريبەدە قولدانىلىپ كەلە جاتقان ينتەرنەتكە تاۋەلدىلىكتى انىقتاۋ مەتوديكالارىمەن جۇمىس ىستەۋ باعىتتارى كورسەتىلدى. بالالارمەن جانە ونىڭ اتا-انالارىمەن جۇمىس ىستەۋگە ادىستەمەلىك نۇسقاۋلىقتار بەرىلدى. الداعى ۋاقىتتا مەكتەپ پسيحولوگتارى العان بىلىمدەرىن مىندەتتى تۇردە ءوز جۇمىستارىندا قولدانادى دەپ سەنەمىز», – دەيدى الماتى قالاسى №5 مەكتەپ-گيمنازياسىنىڭ پسيحولوگتارى.
سەميناردا كەلەسى بىلىكتى ترەنەرلەر ءوز تاجىريبەلەرىمەن ءبولىستى:
- پسيحولوگيا عىلىمدارىنىڭ كانديداتى, «كوممۋنيكاتسيا جانە ۇلتتىق قاۋىپسىزدىك عىلىمي-زەرتتەۋ ينستيتۋتى» جشس جەتەكشى ترەنەرى, «كاسىبي پسيحولوگيالىق ليگا» قب باسقارما مۇشەسى, «قۇرمەت» وردەنىنىڭ يەگەرى ءىزباساروۆا ساۋلە يشانقىزى;
- كريزيس جاعدايىنداعى پسيحولوگ, دياگنوست, كونسۋلتانت, ۆيكتيميولوگ, ەكسپەرت, ترەنەر, مەدياتور بايزدراحمانوۆا اليا كاميدوللاقىزى;
- تاجىريبەلى پسيحولوگ, پسيحولوگ-كونسۋلتانت, ترەنەر قويشيەۆا ليمانا قۇتتىبەكقىزى;
- پسيحولوگيا عىلىمدارىنىڭ ماگيسترى, حالىقارالىق بيزنەس ۋنيۆەرسيتەتىنىڭ دوتسەنتى, كاسىبي پسيحوتەراپيالىق ليگانىڭ جەكە تەراپەۆتى جانە مۇشەسى كۋلنازاروۆا اينۋر جاساعانبەرگەنقىزى;
- پسيحولوگ, گەشتالت-تەراپەۆت اساديللاەۆا الينا تيمۋروۆنا.
سەمينار قاتىسۋشىلارىنا تۇلعا تيپتەرىن پسيحواناليتيكالىق دياگنوستيكالاۋ, بالالار مەن جاسوسپىرىمدەردەگى ينتەرنەتكە تاۋەلدىلىكتى انىقتاۋ بويىنشا ءادىستى ءتۇسىندىرۋ, بالالار مەن جاسوسپىرىمدەر جانە ولاردىڭ اتا-انالارىمەن ينتەرنەتكە تاۋەلدىلىكتىڭ الدىن الۋ بويىنشا پەداگوگ-پسيحولوگتىڭ كوررەكتسيالىق جۇمىسى بويىنشا اقپاراتتار بەرىلدى.
سونىمەن قاتار, اعىمداعى جىلدىڭ 18 قىركۇيەگى كۇنى «ماسكەۋ مەتروپوليتەنى» مۋك مەديتسينالىق قىزمەتىنىڭ 1 كاتەگوريالى پسيحوفيزيولوگى بارلىق قاتىسۋشىلارعا قوسىمشا ءدارىس وتكىزدى. لەكتسيا youtube ۆيدەوحوستينگىندە 12 مىڭنان اسا رەت قارالدى.
جوبا ۇيىمداستىرۋشىلارى: «ماماندار العان ءبىلىمىن الداعى ۋاقىتتا تاجىريبە جۇزىندە ءتيىمدى پايدالانۋى ءۇشىن جىل سوڭىنا دەيىن سەمينار قاتىسۋشىلارىنا ساراپتامالىق قولداۋ كورسەتىلىپ وتىرادى», – دەپ اتاپ ءوتتى.
ءتۇرلى زەرتتەۋلەردىڭ ناتيجەسى بويىنشا الەم حالقىنىڭ 10%-ى ينتەرنەتكە تاۋەلدى ەكەنى انىقتالعان. جاپونيا, اقش, قحر سياقتى بىرقاتار ەلدەردە بۇل دەرت مەديتسينالىق ساناتقا جاتقىزىلىپ, ودان ارىلۋ ءۇشىن كاسىبي ماماندار كومەك كورسەتەدى.
ەلىمىزدە اتالعان ماسەلە رەسمي تۇردە مەديتسينالىق اۋرۋ رەتىندە تىركەلمەسە دە, دەرتتىڭ بارى انىق. وسى ورايدا جاس ۇلان ۇيىمى قر اقپارات جانە قوعامدىق دامۋ مينيسترلىگى جانە «ازاماتتىق باستامالاردى قولداۋ ورتالىعى» كەاق قولداۋىمەن «جاستار مەن بالالار اراسىندا ينتەرنەتكە تاۋەلدىلىكتىڭ الدىن الۋ جونىندەگى ءىس-شارالار كەشەنىن ىسكە اسىرۋ, سونداي-اق ازاماتتاردىڭ تسيفرلىق بەدەلىن قورعاۋ» جوباسى اياسىندا بىرقاتار اۋقىمدى ءىس-شارالاردى جۇزەگە اسىرىپ جاتىر. الداعى ۋاقىتتا ەلدەگى ينتەرنەتكە تاۋەلدىلىك جاعدايىن انىقتاۋ ماقساتىندا كەڭاۋقىمدى الەۋمەتتىك زەرتتەۋ جۇرگىزىلەتىنىن اتاپ ءوتۋ كەرەك.
