ديپلوماتتار ەكى ەلدىڭ ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋعا, ەكىجاقتى فورماتتا جانە حالىقارالىق ۇيىمدار شەڭبەرىندە ساياسي ديالوگتى نىعايتۋعا, مادەني-گۋمانيتارلىق بايلانىستاردى كەڭەيتۋگە باعىتتالعان كۇش-جىگەرىنىڭ وڭ ناتيجەسىن اتاپ ءوتتى.
ءوزارا ءىس-قيمىلدىڭ جاڭا پەرسپەكتيۆالارىن تالقىلاۋ 2030 جىلعا دەيىنگى قازاقستان-فرانتسۋز ساۋدا-ەكونوميكالىق جانە ينۆەستيتسيالىق ىنتىماقتاستىعىنىڭ جاڭا كەزەڭىنە ارنالعان جول كارتاسىن ازىرلەۋ اياسىندا ءوتتى. ەكى مەملەكەت باسشىلارى باستاماشىلىق ەتكەن بۇل قۇجات جاڭا وندىرىستەر مەن جۇمىس ورىندارىن اشۋعا باعىتتالعان قازاقستان مەن فرانتسيانىڭ مۇددەلەرىنە جاۋاپ بەرەتىن بىرنەشە ونداعان ناقتى ينۆەستيتسيالىق جانە ساۋدا جوبالارىن قامتيدى.
سۇحباتتاسۋشىلار جاقىن ارادا جاڭا جوبالاردى ەگجەي-تەگجەيلى تالقىلاۋعا جانە جوعارى دەڭگەيدەگى كەزدەسۋگە قوماقتى نەگىز دايىنداۋعا مۇمكىندىك بەرەتىن ەكىجاقتى ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ كەزەكتى وتىرىسى وتەدى دەپ ءۇمىت ءبىلدىردى.
ي.ديۋمون بيىلعى جىلى كوروناۆيرۋس پاندەمياسى جاعدايىندا تسيفرلىق فورماتقا كوشىرىلگەن "فرانتسياداعى قازاقستان كۇزى" ءۇشىنشى مادەني ماۋسىمىن وتكىزۋ تۋرالى باستامانى قۇپتاپ, ەرەكشە اتاپ ءوتتى.
