يۋري ۆلاديميروۆيچ پيا –«University Medical Center» كورپوراتيۆتىك قورىنىڭ باسقارما توراعاسى, مەديتسينا عىلىمدارىنىڭ دوكتورى, قازاقستاندا العاش جۇرەك اۋىستىرۋ وتاسىن جاساعان مامان. «Teams» پلاتفورماسىندا وقۋشىلارمەن قاشىقتان وتكەن كەزدەسۋدە بەلگىلى دارىگەر تابىسقا جەتۋ تاريحىمەن تانىستىرىپ, جاستىق شاعى جايلى ايتتى.
"ماماندىق تاڭداۋعا كەلگەندە قاي باعىت وزىڭە جاقىن كەلەتىنىن ءتۇسىنۋ قيىن. جاس كەزىمدە فيزيك بولۋدى ارماندادىم. الايدا مۇمكىندىكتەرىم مەنى ماسكەۋدەگى مەديتسينالىق ۋنيۆەرسيتەتكە اپاردى. العاشقى جىلدارى كەدەرگىلەردى جەڭۋ ءۇشىن وزدىگىمنەن كوپ جۇمىس جاساپ, ءوزىمدى ۇنەمى جەتىلدىرىپ وتىردىم", – دەدى يۋري ۆلاديميروۆيچ.
قازاقستاندا كارديوحيرۋرگيا ەندى عانا دامي باستاعان ساتتە يۋري پيا مەديتسينانى حالىققا قول جەتىمدى ەتۋ ءۇشىن جاڭا تەحنولوگيالاردى ەندىرۋگە ۇلكەن سەپتىگىن تيگىزگەن.
"وسىعان دەيىن نەلىكتەن ءبىزدىڭ ەلدە اتاقتى سىيلىقتاردىڭ يەگەرلەرى جوق دەگەن ويدا جۇرەتىنمىن. بۇرىن مۇنىڭ سەبەبى قولايلى جاعدايدىڭ بولماۋىندا دەپ قابىلداساق, قازىر ەلدەگى احۋال وزگەردى. جاڭا فورماتتا ءبىلىم بەرەتىن جاڭا وقۋ ورىندارى اشىلىپ جاتىر. بۇگىندە جاستاردىڭ نانوتەحنولوگيا, جاساندى ورگاندار, گەندىك ينجەنەريا سالالارىندا جاڭالىق اۆتورى بولۋلارىنا ءبىلىمى جەتەدى, مۇمكىندىكتەرى مول", – دەيدى ول.
اتالعان كەزدەسۋگە قىزىلوردا, پاۆلودار جانە كوكشەتاۋ قالالارىنىڭ زياتكەرلىك مەكتەپتەرىنەن 900-دەن استام وقۋشى قوسىلدى.
