كەزدەسۋدە «وڭتۇستىك» وڭىرلىك قولباسشىلىعى ساربازدارىنىڭ الەۋەتى تالقىلاندى. سونداي-اق, ايماق باسشىسىنا گەنەرال-مايور قولباسشىلىقتا اتقارىلىپ جاتقان جۇمىستار جايلى باياندادى.
وبلىس اكىمى پاندەميا كەزىندە كوروناۆيرۋسقا قارسى كۇرەستە اسكەريلەردىڭ قوسقان ۇلەسىن ەرەكشە اتاپ ءوتتى. قىزىلوردا گارنيزونىنا قاراستى 66597 اسكەري ءبولىمى ناۋرىز-ماۋسىم ايلارى ارالىعىندا وبلىس كولەمىندە اكىمدىكتەر, قۇقىق قورعاۋ ورگاندارىمەن بىرلەسىپ دەزينفەكتسيا جۇمىستارىن جۇرگىزدى. سونىمەن قاتار قالا, اۋدان جانە اۋىلارالىق بلوكبەكەتتەردە كۇنى-ءتۇنى قىزمەت كورسەتتى. بۇل شارالارعا ءبولىم تاراپىنان اسكەري قىزمەتكەرلەرمەن قاتار قاجەتتى تەحنيكالار تارتىلعان.
گ.ابدىقالىقوۆا الداعى ۋاقىتتا دا بىرلەسە اتقارىلاتىن جۇمىستاردى ودان ءارى جالعاستىرۋ كەرەكتىگىن ايتتى.
ايتا كەتۋ كەرەك, «وڭتۇستىك» وڭىرلىك قولباسشىلىعى 2000 جىلى قۇرىلعان. قىزىلوردا, جامبىل وبلىستارى مەن شىمكەنتتە ورنالاسقان اسكەري بولىمدەر مەن قۇرامالاردان تۇرادى. باستى مىندەتى – قازاقستاننىڭ وڭتۇستىك شەپتەرىنىڭ قاۋىپسىزدىگىن قامتاماسىز ەتۋ. ال, قىزىلوردا گارنيزونىنا قاراستى 66597 اسكەري ءبولىمى 2015 جىلدىڭ ءساۋىر ايىندا قۇرىلعان. سول ۋاقىتتان بەرى وڭىردە ۇيىمداستىرىلعان اسكەري دايىندىق, وقۋ-جاتتىعۋ جانە پراكتيكالىق شارالارعا ات سالىسىپ كەلەدى.
