قايرات جۇمانوۆتىڭ ايتۋىنشا, وقۋ جىلىنىڭ باستالعانىنا ءبىر ايدان اسا ۋاقىت ءوتتى, وقۋ پروتسەسى ءبىر قالىپتى جۇرۋدە. قالادا 271 مىڭنان استام وقۋشىنى قامتيتىن 207 مەملەكەتتىك مەكتەپ جانە 16 مىڭنان استام وقۋشىنى قامتيتىن 66 جەكە مەنشىك مەكتەپ بار.
قازىرگى ۋاقىتتا مەكتەپ وقۋشىلارىنىڭ 96% قاشىقتىقتان وقۋدا. سونىمەن قاتار, قالانىڭ 133 (64%) مەكتەبىندە 11 840 بالانى قامتىعان 923 كەزەكشى سىنىپتار ۇيىمداستىرىلدى.
كەزەكشى سىنىپتار سانيتارلىق ەپيدەميولوگيالىق تالاپتاردى قاتاڭ ساقتاي وتىرىپ, سىيىمدىلىعى 15 ادامنان اسپايدى.
قوعامدىق دەنساۋلىق ساقتاۋ دەپارتامەنتى كۇندەلىكتى مەكتەپ وقۋشىلارىنىڭ COVID-19بەن اۋىرعانى تۋرالى تالداۋ جۇرگىزىپ وتىر جانە بۇگىندە 8 بالا ەسەپكە تىركەلدى, ولاردىڭ بارلىعى قاشىقتىقتان وقيتىن بالالار.
مەكتەپتەردەگى وقۋ پروتسەسىن ۇيىمداستىرۋدا مەكتەپ الدىندا تۇرعان باستى مىندەت - بالالاردىڭ ءومىرى مەن دەنساۋلىعىنىڭ تولىق قاۋىپسىزدىگىن قامتاماسىز ەتۋ.
قاشىقتىقتان وقىتۋدى ساپالى ۇيىمداستىرۋ ماقساتىندا الماتى قالاسىنىڭ ءبىلىم باسقارماسى جەرگىلىكتى بيۋدجەتتەن 42 مىڭ دانا جانە ۇكىمەتتىڭ رەزەرۆتىك قورىنان 38,5 مىڭ دانا كومپيۋتەرلىك تەحنيكا ساتىپ الدى.
بۇگىنگى تاڭدا كومپيۋتەرلىك تەحنيكانى قاجەت ەتەتىن وقۋشىلار 100% قامتاماسىز ەتىلدى.
سونداي-اق ينتەرنەتكە قوسىلۋدى قاجەت ەتەتىن 30 مىڭنان استام وقۋشىعا SIM كارتالار ساتىپ الىنىپ, تاراتىلدى, ال ينتەرنەت قول جەتىمسىز مۇعالىمدەرگە قاجەتتى سانيتارلىق شارالاردى قامتاماسىز ەتە وتىرىپ, مەكتەپتەردە ونلاين ساباقتار وتكىزۋ مۇمكىندىگى بەرىلدى.
تامىز ايىندا وقۋ جىلى باستالار الدىندا الماتى قالاسىنىڭ ءبىلىم باسقارماسى 15000-نان استام مۇعالىمگە قاشىقتىقتان وقىتۋ پلاتفورمالارىن قولدانۋ بويىنشا ترەنينگ وتكىزدى.
ءبىلىم باسقارماسى العاشقى كۇننەن باستاپ قانشا مەكتەپ ينتەرنەت-پلاتفورمالار ارقىلى جۇمىس ىستەيتىنىنە ستاتيستيكالىق تالداۋ جۇرگىزىپ كەلەدى.
وقۋ جىلىنىڭ باسىندا اتا-انالاردىڭ سۇرانىستارىن ۇنەمى قاداعالاپ وتىرۋ ءۇشىن ءبىلىم باسقارماسى جانە بارلىق 8 اۋدان كەرى بايلانىس ءۇشىن بايلانىس ورتالىقتارى مەن Telegram بوتىن, سونداي-اق Instagram جانە Facebook پاراقشالارىن اشقان.
باسقارما ماماندارى ءوز قۇزىرەتىندەگى سۇراقتارعا 8 775 908 55 98 تەلەفونى ارقىلى جاۋاپ بەرۋگە دايىن.
