اكىمنىڭ ايتۋىنشا, ەپيدەميولوگيالىق جاعداي تۇراقتى بولعان جاعدايدا قالانىڭ مەديتسينالىق ۇيىمدارىندا جوسپارلى تۇردە 1 380 توسەك-ورىن قاراستىرىلعان. ىندەت ورشىگەن جاعدايدا قالانىڭ پروۆيزورلىق جانە ينفەكتسيالىق ستاتسيونارلارىنداعى ورىندار سانى 4 025 توسەككە دەيىن ۇلعايتىلاتىن بولادى.
بۇدان باسقا, قالانىڭ مەديتسينالىق ۇيىمدارىندا جۇقپالى اۋرۋلاردىڭ ءورشۋى كەزىندە اۋرۋلاردى ەمدەۋگە ارنالعان توسەك-ورىن 5496 ورىنعا دەيىن ۇلعايتۋ جوسپارلانۋدا. قازىرگى ۋاقىتتا شىمكەنت وسى ءۇش كەزەڭگە دايىن.
بۇل جۇمىسقا 36 مەديتسينالىق ۇيىم جۇمىلدىرىلادى. سونىمەن قاتار كوروناۆيرۋسپەن اۋىراتىن ناۋقاستاردى قابىلداۋعا ارنالعان 13 دياگنوستيكالىق ورتالىق دايىندالدى. وندا 13 كومپيۋتەرلىك توموگراف جانە 30 رەنتگەن اپپاراتى قاراستىرىلعان. سونداي-اق قالادا 7 پتر زەرتحاناسى بار, ولار كۇنىنە كوروناۆيرۋسقا 3500 تەست وتكىزەدى. ولاردىڭ ۇشەۋى جاڭا.
ىندەتپەن كۇرەسۋ ءۇشىن قالادا جاڭا call-center ىسكە قوسىلدى. قوڭىراۋلاردى قابىلداۋ جەلىلەرىنىڭ سانى 9-دان 28-گە دەيىن ءوستى, وپەراتورلار سانى ءۇش ەسە ءوستى. تاۋلىگىنە call-center ماماندارى 3 500 قوڭىراۋ قابىلداي الادى.
قىركۇيەك ايىندا مەديتسينالىق ۇيىمداردىڭ ءوزارا ءىس-قيمىل الگوريتمى پىسىقتالدى, ناۋقاستاردى ساناتتار بويىنشا ءبولۋدى ۇيلەستىرۋ بويىنشا ءۇش وقۋ-جاتتىعۋ وتكىزىلدى.
