اشىق اسپان استىندا ءوتىپ جاتقان جيىنعا تۇركىستان وبلىسى اۋىل شارۋاشىلىعى باسقارماسىنىڭ باسشى ورىنباسارى ت.وسپانوۆ, «تۇركىستان» اكك» اق وكىلدەرى, اۋدان, قالا اۋىل شارۋاشىلىعى بولىمدەرىنىڭ باسشىلارى, عىلىمي ينستيتۋت باسشىلارى, عالىمدار, اۋىل شارۋاشىلىعى تاۋار وندىرۋشىلەرى قاتىسۋدا.
تۇركىستان قالاسى اۋماعىندا ازىق-ت ۇلىك بەلدەۋىن قالىپتاستىرۋ اياسىندا 1458 شارۋا قوجالىقتى 9 كووپەراتيۆتەرگە بىرىكتىرىپ, 11 مىڭ گا القاپتا جاڭبىرلاتىپ سۋارۋ تەحنولوگياسىن ەندىرۋدى كوزدەلگەن. بۇگىندە 892 گا جەرگە 21 بىرلىك جاڭبىرلاتىپ سۋعارۋ ماشينالارى ورناتىلدى. جاڭبىرلاتىپ سۋعارۋ تەحنولوگياسىنىڭ تيىمدىلىگى اعىن سۋدى 2 ەسەگە ۇنەمدەپ, ونىمدىلىكتى 3-4 ەسەگە ارتتىراتىندىعى عىلىمي دالەلدەنگەن. اتالعان تەحنولوگيا تۇركىستان قالاسىنىڭ اۋماعىنداعى 1 200 باسقا ارنالعان تاۋارلى-ءسۇت فەرماسى, 10 مىڭ باسقا ارنالعان ءىرى قارا مالدى بورداقىلاۋ كەشەنىن قۇرۋ جوباسىندا, 20 مىڭ توننا قۇس ەتىن وندىرەتىن جانە 400 گا جەرگە قارا ورىك وتىرعىزۋ جوبالارىندا كەڭىنەن جۇزەگە اسۋدا.
تۇركىستان قالاسىنىڭ ازىق-ت ۇلىك بەلدەۋىندە تۇراقتى ازىق بازاسىن قۇرۋ ءۇشىن بىرقاتار يننوۆاتسيالىق تەحنولوگيالار ەنگىزىلمەك. سەمينار-كەڭەستە "قازاق ەگىنشىلىك جانە وسىمدىك شارۋاشىلىعى عزي" عالىمدارى ەنگىزگەن جەم بازاسىن قۇرۋ ءۇشىن جوڭىشقا جانە باسقا جەم-ءشوپ داقىلدارىن ءوسىرۋدىڭ, بيداي جانە جۇگەرىنى (داندىك, سۇرلەمدىك) ءوسىرۋدىڭ يننوۆاتسيالىق تەحنولوگياسى جوبالارى اگروقۇرىلىمدارعا جان-جاقتى تانىستىرىلدى. تاجىريبە الماسىپ, عىلىمي ينستيتۋتتار مەن شارۋالار الداعى ۋاقىتتا بىرلەسە جۇمىس اتقارۋعا قىزىعۋشىلىق تانىتۋدا.
