"وبلىس ەكونوميكاسى مۇناي وندىرىسىنە تاۋەلدى ەكەنى بىلگىلى. وتكەن جىلى مۇناي ءوندىرىسى كولەمىنىڭ 13%-عا تومەندەۋى ونەركاسىپتىك ءونىمنىڭ 10,7%-عا ازايۋىنا الىپ كەلدى. جالپى, سوڭعى 7 جىلدا وبلىستا مۇناي ءوندىرىسى ەكى ەسەگە دەيىن ازايعان. بيىل دا 1 ملن تونناعا كەميدى دەگەن بولجام بار. سوندىقتان وندەۋ ونەركاسىبى باعىتىندا وبلىس ەكونوميكاسىن ءارتاراپتاراندىرۋ بۇگىنگى كۇن تالابى. ونى تەك شاعىن جانە ورتا بيزنەستى دامىتۋ ارقىلى قول جەتكىزە الامىز", دەدى پالاتا ديرەكتورى.
سوڭعى مالىمەت بويىنشا وڭىردە 46 647 شاعىن جانە ورتا كاسىپكەرلىك سۋبەكتىسى جۇمىس جاساۋدا. بۇل سالاعا بيىلعى پاندەميا اۋىر ءتيدى, احۋال ءالى دە بولسا كۇردەلى.
"اتامەكەن" ۇلتتىق كاسىپكەرلەر پالاتاسى تاراپىنان كاسىپكەرلەر اراسىندا ساۋالداما جۇرگىزىلىپتى. وعان وبلىس بويىنشا 11 064 قىزمەتكەرى بار 3680 كاسىپكەرلىك سۋبەكتىسى قاتىسقان. ساۋالداما ناتيجەسىنە سايكەس وبلىس بويىنشا كاسىپكەرلىك سالاسىنداعى قىزمەتكەرلەردىڭ 31% نەمەسە 3 مىڭنان استامى قىسقارتىلعانى جانە 32 پايىزى جالاقىسى ساقتالمايتىن ەڭبەك دەمالىسىنا جىبەرىلگەنى بەلگىلى بولدى.
قازىر كاسىپكەرلەر قىزمەتىن Info Kazakhstan پورتالى ارقىلى جانداندىرۋدا. بۇگىنگى كۇنگە دەيىن پورتال ارقىلى 12000 كاسىپكەر ءوتىنىم بەردى.
"قاراپايىم زاتتار ەكونوميكاسى" باعدارلاماسى بويىنشا بۇگىنگى كۇنى جوبالىق كەڭسەنىڭ قاراۋىندا جالپى سوماسى 13,6 ملرد تەڭگە بولاتىن 162 جوبا بار. ونىڭ ىشىندە 106 جوبانى بانكتەر مەن اگرارلىق نەسيە كورپوراتسياسى ماقۇلداپ وتىر. 14 جوبا قارجى ينستيتۋتتارىنىڭ قاراۋىندا. قالعان جوبالار بويىنشا قۇجاتتار جيناقتالىپ جاتىر.
"بيزنەستىڭ جول كارتاسى" باعدارلاماسى شەڭبەرىندە قۇنى 4 ملرد تەڭگە بولاتىن 109 جوبا سۋبسيديالاندى.
460 كاسىپكەرلىك سۋبەكتىسىنىڭ نەسيەلەرى بويىنشا تولەمدەر كەيىنگە شەگەرىلدى جانە 49 كاسىپكەرلىك سۋبەكتىسى شاعىن جانە ورتا بيزنەسكە جەڭىلدەتىلگەن نەسيە بەرۋ باعدارلاماسى شەڭبەرىندە اينالىم قاراجاتىن تولىقتىرۋعا 8 پايىزبەن ءبىر جىلعا 5 ملرد تەڭگەگە جۋىق نەسيە العان.
