Nur Otan پارتياسىنىڭ توراعاسى نۇرسۇلتان نازارباەۆ پرايمەريزدىڭ باستالۋىنا بايلانىستى ۇندەۋىندە اتاپ وتكەندەي, «پارتيالار بيلىككە جاڭا تۇلعالاردى – ءوز سالاسىنىڭ ماماندارىن, بەدەلدى كوشباسشىلاردى, ەل تاعدىرىنا جانى اشيتىن, شەشىم قابىلداپ, سىندارلى ۇسىنىستار جاساي الاتىن ادامداردى ىلگەرىلەتۋدىڭ قاينار كوزى بولۋى كەرەك». بۇل رەتتە, پرايمەريز جاڭا «الەۋمەتتىك ليفت» قىزمەتىن اتقارىپ, قاتىسۋشىلاردىڭ جاريا ساياساتتا وزدەرىن كورسەتۋلەرىنە, ءوز كوزقاراستارى مەن پوزيتسيالارىن قورعاي الۋىنا مۇمكىندىك بەرگەنى بەلگىلى.
– ءتورت كۇن ىشىندە Nur Otan-نىڭ تىركەلگەن مۇشەلەرىنىڭ 662 687-ءسى نەمەسە 84,2%-ى داۋىس بەرۋگە قاتىستى. 581 104 پارتيالىق ونلاين فورماتتا تاڭداۋىن جاسادى. ينتەرنەتكە قوسىلۋ مۇمكىندىگى ءالى تولىق شەشىلمەگەن شالعاي اۋدانداردا تۇراتىن 81 583 ادام قاعاز بيۋللەتەندەر ارقىلى داۋىس بەردى. ەلىمىزدە پرايمەريز جاڭا فورماتتا رەسپۋبليكالىق اۋقىمدا تۇڭعىش رەت وتكىزىلىپ وتىر. بۇل – ەلباسى نۇرسۇلتان نازارباەۆ وتكەن جىلى تامىزدا جاريالاعان «سەنىم. ديالوگ. بولاشاققا نىق قادام» اتتى پارتيانى قايتا جانداندىرۋ باعدارلاماسىنىڭ ەڭ نەگىزگى باعىتتارىنىڭ ءبىرى. پرايمەريزگە 10 990 كانديدات قاتىستى. ونىڭ 7 143-ءى – ءوزىن-ءوزى ۇسىنۋشىلار. 36%-دان استامى – ايەلدەر, 29%-ى – 35 جاسقا دەيىنگى جاستار. ۇمىتكەرلەردىڭ ورتاشا جاسى – 43 جاس, – دەدى Nur Otan پارتياسىنىڭ حاتشىسى ارمان قىرىقباەۆ.
ونىڭ ايتۋىنشا, نەگىزگى الەۋمەتتىك توپتاردىڭ قامتىلۋى كانديداتتاردىڭ ساپالىق قۇرامىنىڭ قىزمەتتەرىنە قاراي ءبولىنىپتى. ياعني ءبىلىم جانە عىلىم سالاسىنىڭ وكىلدەرى – 31%, شاعىن جانە ورتا بيزنەس وكىلدەرى – 14%, مادەنيەت جانە سپورت سالاسىنىڭ وكىلدەرى – 7,8%, قىزمەت كورسەتۋ سالاسىنىڭ وكىلدەرى – 7,1%, اۋىل شارۋاشىلىعى سالاسىنىڭ وكىلدەرى – 6,2%, ونەركاسىپ جانە باسقا دا سالالاردىڭ وكىلدەرى – 4,6%.
– باسەكە بارىسىن بارشا جۇرت باقىلاپ, اركىم ۇگىت-ناسيحاتىن ءوز جەكە ستراتەگياسى مەن تاكتيكاسى تۇرعىسىنان جۇرگىزۋگە مۇمكىندىك الدى. قازاقستاننىڭ تۇكپىر-تۇكپىرىندە 1980 پىكىرسايىس وتكىزىلدى. ولار ءتۇرلى سيپاتتا ءوربىدى. پىكىرتالاستار كەي جەردە قىزۋ وتسە, ەندى ءبىر جەرلەردە ادەپتەن وزباي, جايباراقات وتكەندەرى دە بولدى. وتانداستارىمىز وسىنداي اشىق ساياسي دودانىڭ نەگىزدەرىن ەندى عانا يگەرە باستاعانىن ەسكەرەتىن بولساق, بارلىق ساياسي پىكىرتالاستار تارتىمدى ءارى قىزىقتى ءوتتى دەۋگە نەگىز بار, – دەدى پارتيا حاتشىسى.
ا.قىرىقباەۆتىڭ ايتۋىنشا, وڭىرلەردەگى ۇگىت ناۋقاندارى دا ءتۇرلى قارقىندا ءوتىپتى. بۇل رەتتە, كەزدەسۋلەردە الەۋمەتتىك ارا قاشىقتىقتى ساقتاۋ جانە بارشا سانيتارلىق نورمالاردى تولىعىمەن ورىنداۋ سىندى پاندەمياعا قارسى قويىلعان تالاپتاردىڭ بارلىعى ورىندالىپتى. پرايمەريز قاتىسۋشىلارى نەگىزىنەن ونلاين فورماتقا باسىمدىق بەردى. شارالار ارنايى ءتۇسىرىلىپ, بەينەروليكتەر كوپتەپ تاراعان. وسىلايشا, قاتىسۋشىلار جەكە سايلاۋالدى كۇن ءتارتىبىن وسىلاي قالىپتاستىرا ءبىلىپتى.
– ۇگىت-ناسيحات كەزەڭىندە 123 656 ءىس-شارا مەن جاريالانىم ۇيىمداستىرىلدى. ولاردىڭ ىشىندە 62 810 ءىس-شارا تىكەلەي 1,4 ملن-نان استام ادامدى قامتىدى. الەۋمەتتىك جەلىلەردە 60 846 (49%) جاريالانىم شىقتى. رەسپۋبليكالىق جانە وڭىرلىك باق-تا 4 113 ماتەريال جارىق كوردى. ۇگىت-ناسيحات كەزدەسۋلەرى بارىسىندا 216 سايلاۋالدى باعدارلاما جوباسى تالقىلاندى, – دەدى سپيكەر.
ونىڭ اتاپ وتۋىنشە, Nur Otan ەل تاريحىنداعى ءاربىر وبلىس, قالا, اۋدان ءۇشىن جەكە جانە ناقتى باعدارلامالار ازىرلەگەن العاشقى ساياسي پارتيا بولدى. تۇرعىندار ءوز ۇسىنىستارىن ايتىپ, وزەكتى ماسەلەلەردى تالقىلادى. وسىلايشا, تۇرعىنداردان 20 مىڭنان استام ۇسىنىس جينالعان.
– ولاردىڭ باسىم بولىگى, ياعني 21%-ى (3648 ۇسىنىس) – تۇرعىن ءۇي جانە تۇرعىن ءۇي-كوممۋنالدىق شارۋاشىلىعىنا, 15%-ى (2701 ۇسىنىس) – كولىك جانە ينفراقۇرىلىم سالاسىنا, 11%-ى (2052 ۇسىنىس) – الەۋمەتتىك ماسەلەلەرگە, 8%-ى (1504 ۇسىنىس) – ءبىلىم بەرۋ سالاسىنا جانە 7%-ى (1264 ۇسىنىس) – دەنساۋلىق ساقتاۋ ماسەلەلەرىنە قاتىستى بولدى. ءوڭىر تۇرعىندارىنىڭ كوبى ينتەرنەت-بايلانىستىڭ ساپاسى جانە ەكولوگيا بويىنشا سۇراقتار جولداعان. ازاماتتاردىڭ بارلىق ۇسىنىستارى پارتيا باعدارلامالارىن پىسىقتاۋ كەزىندە ەسكەرىلەتىن بولادى, – دەدى ا.قىرىقباەۆ.
بىراق پرايمەريز جۇمىسىنىڭ بارىسىندا بىرقاتار كەمشىلىك پەن ورىن العان ولقىلىقتاردىڭ بولعانىن دا ايتا كەتۋ قاجەت. بۇل تۋرالى Nur Otan
پارتياسى پارتيالىق باقىلاۋ كوميتەتىنىڭ توراعاسى پاۆەل كازانتسەۆ مالىمدەدى. ونىڭ ايتۋىنشا, بۇل بۇزۋشىلىقتار ۇيىمداستىرۋشىلىق كوميتەتتەردە دە, كانديداتتاردىڭ قىزمەتىندە دە انىقتالىپتى.
– 2020 جىلعى 17 تامىز بەن 4 قازان ارالىعىندا كوميتەت پەن بارلىق دەڭگەيدەگى پارتيالىق باقىلاۋ كوميسسيالارى 30-دان استام شاعىم مەن ءوتىنىشتى قارادى. ءتۇرلى بۇزۋشىلىقتار ءۇشىن 34 كانديدات پرايمەريزگە قاتىسۋدان شەتتەتىلدى. سونىڭ ىشىندە 28 ادام ەرەجەگە سايكەس مىندەتتى بولىپ تابىلاتىن دەباتتارعا قاتىسپاعانى ءۇشىن شەتتەتىلىپ وتىر. شاعىمدار مەن بۇزۋشىلىقتاردىڭ كوبىسى نۇر-سۇلتان قالاسىندا تىركەلدى, – دەدى پارتيالىق باقىلاۋ كوميتەتىنىڭ توراعاسى.
ماسەلەن, گ.اليحانقىزىنىڭ شاعىمى بويىنشا پارتيا اتىنا كىر كەلتىرەتىن ءىس-ارەكەتتەرى ءۇشىن ج.زەكەي ۇلى كانديدات رەتىندە تىركەۋدەن الىنىپتى. ال «ازيا تسەنتر سناب جشس» بپۇ جاڭا مۇشەلەرىن پارتياعا جالعان قابىلداعانى ءۇشىن كانديداتتار ۋ.اليەۆا مەن د.پەرنەەۆانىڭ تىركەلۋى جوققا شىعارىلعان كورىنەدى. سول سياقتى, نۇر-سۇلتان قالاسىنداعى الماتى اۋدانىنىڭ پارتيا مۇشەلەرىنىڭ ءموبيلدى تەلەفون نومىرلەرىن ودق مەن «پرايمەريز» اج-عا جالعان ەنگىزگەنى ءۇشىن م.بولىسبەك تىركەۋدەن الىنىپتى. ونلاين داۋىس بەرۋ بارىسىندا «قازاقستاننىڭ قۇرىلىسشىلار وداعى» بپۇ جالعان داۋىس بەرگەنى ءۇشىن ت.ەرعاليەۆ كانديدات رەتىندە تىركەۋدەن الىنعان ەكەن. سونىمەن قاتار پرايمەريز كەزىندە 20-دان استام پارتيا مۇشەسىنە پارتيالىق جازا شاراسى قولدانىلىپتى.
ەلباسى نۇرسۇلتان نازارباەۆ ءبىر سوزىندە «بۇكىل ەلىمىز بويىنشا اۋقىمدى پرايمەريز وتكىزۋ بيلىكتەگى پارتيانىڭ «قايتا جاڭعىرۋىنىڭ» نəتيجەسى بولادى. بۇل – پارتياىشىلىك سايلاۋ. بۇل – شىنايى əلەۋمەتتىك ليفت. قاتاڭ ىرىكتەۋ, جاڭا يدەيالار مەن جوبالاردى ىزدەۋ. بۇل يدەيانى كوپتەگەن بەلگىلى ساياساتتانۋشى مەن قوعام بەلسەندىسى قولدادى. بۇلار – بەلسەندى ازاماتتىق ۇستانىمى بار, Nur Otan-دى قولداۋشىلار ليگاسىنا بىرىككەن جəنە رەفورمالارعا قاتىسۋعا دايىن ادامدار», دەگەن ەدى. مۇنداي بەلسەندى تۇلعالاردىڭ قاتارىندا ساياساتتانۋشى, Nur Otan پارتياسىنىڭ جاقتاستارى ليگاسىنىڭ مۇشەسى ەرلان سايروۆ تا بار.
– كەمشىلىكتەر مەن ولقىلىقتاردى انىقتاۋ, شارا قولدانۋ كەزىندە Nur Otan پارتياسىنىڭ جاقتاستارى ليگاسى جاعدايدى بارىنشا باقىلاۋعا الىپ وتىردى. كەزدەيسوق وقيعالار ورىن الا قالعان جاعدايدا ءبىز بىردەن Nur Otan پارتياسىنىڭ ورتالىق اپپاراتىنا نەمەسە پارتيا جەتەكشىلەرىنە حابارلاسىپ تۇردىق. ءمان-جايدى ءتۇسىندىرىپ, قانداي دا ءبىر شارا قابىلداۋ قاجەتتىگىن ايتتىق. ولار ءوز كەزەگىندە ءتيىستى شارالاردى بارىنشا تەز قابىلداپ وتىردى. سوعان قاراي جۇمىس تا وتە قىزۋ ءجۇردى. ءبىز ءوز كەزەگىمىزدە بۇزۋشىلىقتاردى جويۋ ماسەلەسىنە كەلگەندە پارتيا وكىلدەرى اتقارعان جۇمىسقا ءدان ريزامىز, – دەدى ە.سايروۆ.
