ەكونوميكا • 06 قازان، 2020

جالپى قۋاتى 215 مىڭ توننا بولاتىن 13 قۇس فابريكاسى ىسكە قوسىلادى

18 رەت كورسەتىلدى

بۇگىن ۇكىمەت وتىرىسىندا اۋىل شارۋاشىلىعى ءمينيسترى ساپارحان وماروۆ ىشكى نارىقتى تولىقتاي قامتاماسىز ەتۋ باعىتىندا قۇس ەتىن ءوندىرۋ قۋاتىن قوسىمشا 171 مىڭ تونناعا ارتتىرۋ قاجەتتىگىن ايتتى، دەپ حابارلايدى Egemen.kz.

"قازىر قۇس ەتى بويىنشا ءوز ءوندىرىسىمىزدىڭ كولەمى ىشكى نارىق قاجەتتىلىگىنىڭ 58 پايىزىن عانا جابادى. ىشكى نارىقتى تولىقتاي تولتىرۋ ءۇشىن قۇس ەتىن ءوندىرۋ قۋاتىن قوسىمشا 171 مىڭ تونناعا ارتتىرۋ قاجەت. بۇل مىندەت جاڭا قۇس فابريكالارىن ىسكە قوسۋ، سونداي-اق قۇس فابريكالارىنىڭ قولدانىستاعى قۋاتتىلىقتارىن كەڭەيتۋ ەسەبىنەن 2023 جىلدىڭ سوڭىنا دەيىن ىسكە اسىرىلاتىن بولادى. وتاندىق ءوندىرىس ەسەبىنەن قۇس ەتى يمپورتى كولەمىن قىسقارتۋ ەل ەكونوميكاسىندا جىل سايىن شامامەن 177 ملن اقش دوللارىن نەمەسە 77 ملرد تەڭگەنى ساقتاپ قالۋعا مۇمكىندىك بەرەدى، ولار قازىر ۆاليۋتالىق ءتۇسىم تۇرىندە باسقا ەلدەرگە كەتۋدە"، - دەدى ساپارحان وماروۆ.

ونىڭ ايتۋىنشا، اتالعان مىندەتتى ورىنداۋ ءۇشىن جالپى قۋاتى 285 مىڭ توننا قۇس ەتىن وندىرەتىن 19 قۇس فابريكاسى، ونىڭ ىشىندە بيىل جالپى قۋاتى 70 مىڭ توننا بولاتىن 6 قۇس فابريكاسى، 2021 – 2023 جىلدارى جالپى قۋاتى 215 مىڭ توننا بولاتىن 13 قۇس فابريكاسى ىسكە قوسىلاتىن بولادى. بۇل ىشكى نارىق قاجەتتىلىگىن تولىق كولەمدە قامتۋعا مۇمكىندىك بەرەدى. بۇل 13 ينۆەستيتسيالىق جوبانى ىسكە اسىرۋ ءۇشىن قوسىمشا 147 ملرد تەڭگە، ونىڭ ىشىندە 69 ملرد تەڭگە كرەديتتىك رەسۋرستار قاجەت ەتىلەدى.

"جوبالاردى تابىستى ىسكە اسىرۋ ءۇشىن ينجەنەرلىك ينفراقۇرىلىم جۇرگىزۋگە قاراجات ءبولۋ، قۇس ەتىن ءوندىرۋدى سۋبسيديالاۋعا جانە ينۆەستيتسيالىق سۋبسيديالارعا قاراجات ءبولۋ، قۇس ەتى يمپورتىنا ارنالعان تاريفتىك كۆوتالاردى ءبولۋ تەتىگىن وڭدەۋشى كاسىپورىنداردىڭ پايداسىنا وزگەرتۋ، ازىق ءوندىرۋ ءۇشىن جەر ءبولۋ سىندى ماسەلەلەردى جەدەل شەشۋ قاجەت"، - دەدى س. وماروۆ.

بۇدان سوڭ، مينيستر وتاندىق ءسۇت ونىمدەرىنىڭ كولەمى جايىندا ءسوز ەتتى.

ء"سۇت ونىمدەرى بويىنشا ىرىمشىك پەن سۇزبە قويۋلاندىرىلعان جانە قۇرعاق ءسۇت بويىنشا يمپورت كولەمى بار. ءسۇت شيكىزاتىنا قايتا ەسەپتەگەندە ءسۇت ونىمدەرىنىڭ يمپورتىنىڭ جالپى كولەمى شامامەن 500 مىڭ توننانى قۇرايدى. وتاندىق ءسۇت زاۋىتتارى بۇل تاۋارلاردى وزدەرى وندىرە الادى. وعان قوسا ولاردىڭ وندىرىستىك قۋاتى تولىق جۇكتەلمەگەن. ساپالى ءسۇت تاۋارىنىڭ شيكىزات ونىمدەرى كولەمىن ۇلعايتۋ ماسەلەسىن شەشۋ قاجەت. سوندىقتان مينيسترلىك ورتا مەرزىمدە پەرسپيكتيۆادا ونەركاسىپتىك تاۋارلىق ءسۇت فەرمالارىن ىسكە قوسۋ جانە ولاردىڭ قۋاتتىلىقتارىن كەڭەيتۋ ەسەبىنەن تاۋارلىق ءسۇت ءوندىرىسىنىڭ ۇلعايتۋ مىندەتىن العا قويىپ وتىر"، - دەدى ول.

 

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار