سايلاۋشىلاردىڭ باسىم بولىگى, ياعني 581 104 ادام ونلاين داۋىس بەرسە, 81 583 ازامات ءداستۇرلى ءادىستى پايدالانىپ, سايلاۋ ۋچاسكەلەرىنە كەلدى. «قاعاز بيۋللەتەندەردىڭ بارلىعى پارتيانىڭ ورتالىق ۇيىمداستىرۋ كوميتەتىنە جەتكىزىلىپ, راستالدى. ماسەلەن, جامبىل, تۇركىستان جانە قىزىلوردا وبلىستارىنىڭ شالعاي اۋداندارىنان جەتكىزىلگەن قاعاز بيۋللەتەندەردىڭ سوڭعى لەگىن تاڭەرتەڭ الدىق. ەندى بارلىق مالىمەت «پرايمەريز» اقپاراتتىق جۇيەسىنە تولىق سالىنىپ, بارشاعا قولجەتىمدى بولدى (https://nurotan.kz جانە https://primaries.kz سايتىندا)», دەدى پارتيا حاتشىسى ارمان قىرىقباەۆ.
ونىڭ ايتۋىنشا, پرايمەريزدە باق سىناۋعا 10 990 ادام بەل بايلاپتى. ولاردىڭ 36,7%-ى – ايەلدەر, 29%-ى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%-ى ۇسىنىلسا, 70%-ى ءوزىن-ءوزى ۇسىنعاندار. ۇمىتكەرلەردىڭ ورتاشا جاس مولشەرى 43 جاستى قۇرادى. «وسى كورسەتكىشتەردىڭ ءوزى-اق ەلىمىزدە عانا ەمەس, بۇكىل ورتالىق ازيادا تۇڭعىش رەت ۇيىمداستىرىلعان جاڭا ساياسي قۇرال – پرايمەريزگە جۇرتتىڭ ەرەكشە قىزىعۋشىلىق تانىتقانىن جانە ونىڭ ءوز دەڭگەيىندە وتكەنىن ايقىن كورسەتتى. ەلباسى, پارتيا توراعاسى نۇرسۇلتان نازارباەۆ ساياسي دودانى وتكىزەر الدىندا «پرايمەريزدىڭ مىندەتى – حالىقتىق پارتيالىق تىزىمدەردى قالىپتاستىرۋ» دەپ اتاپ وتكەن بولاتىن. پرايمەريز ناتيجەسى پارتيا توراعاسى قويعان تاپسىرمانىڭ ورىندالۋىنا قاجەتتى العىشارتتىڭ ناقتى جاسالعانىن كورسەتىپ وتىر.
باستاپقىدا تۋىنداعان كەيبىر كۇدىك پەن كۇمانگە قاراماستان, پرايمەريز وتە قارقىندى دا تارتىستى ءوتتى. اسىرەسە دوداعا قاتىسقاندار اراسىندا جاستار مەن ايەلدەر قاتارى مول. پارتيا پرايمەريزدىڭ ارقاسىندا ءوز قاتارلاستارى اراسىنان ەلدىڭ قولداۋى مەن سەنىمىنە يە بولعان ۇزدىكتەردى ىرىكتەدى», دەپ وتىر ا.قىرىقباەۆ.
پارتيا حاتشىسىنىڭ ايتۋىنشا, پرايمەريز وتكىزۋ بارىسىندا پارتيانىڭ اۋىزبىرشىلىگى ارتىپ, ورتاق ماقسات جولىنداعى مۇراتتاس جانداردىڭ ءبىرتۇتاس كۇشىنە اينالدى. ياعني پرايمەريز پارتيالاستاردى ءبىر-بىرىمەن تىعىز بايلانىستىراتىن, بىرلىگىن بەكەمدەيتىن دانەكەرلىك قىزمەت اتقاردى. پرايمەريز بارىسىندا حالىقتىڭ نازارىنا ۇسىنىلعان 216 سايلاۋالدى باعدارلامانىڭ جوباسى وي ەلەگىنەن وتكىزىلىپ, وعان 20 مىڭنان استام ۇسىنىس جينالدى. تىڭنان وي قوسىلىپ, اتالعان جوبالار حالىقتىق سيپاتقا يە بولدى.
ء«بىز ەلىمىزدە وتكەن پرايمەريزدە ونىڭ شەتەلدەردە قالىپتاسقان كلاسسيكالىق ۇلگىسىنە ءتان بەلگىلەردىڭ بارلىعى دا كورىنىس تاپقانىنا كۋا بولدىق. قاتىسۋشىلار اراسىندا پىكىرسايىس تا, تارتىس تا, ءتىپتى كەيدە ءبىر-ءبىرىن ايىپتاۋ دا ۇشىراستى. بىراق ءبارى دە بەكىتىلگەن ەرەجەگە ساي, ادەپتەن اسپاي ءوتتى. بۇل جەردە جەڭگەن مەن جەڭىلگەن دەگەن جوق. ءبارى دە ۇتتى. پرايمەريز ەڭ الدىمەن ەلىمىز ءۇشىن يگى ءىس بولدى. بۇكىل پرايمەريز وتكىزۋ كەزەڭى بويى پارتيالىق باقىلاۋ كوميتەتى تىڭعىلىقتى جۇمىس جاساپ, ءتارتىپ بۇزۋشىلىقتارعا جەدەل نازار اۋدارىپ, ءتيىستى شارالار قابىلدادى. اتاپ ايتقاندا, 30-دان استام ارىز بەن ءوتىنىش قارالدى. پرايمەريز وتكىزۋ ەرەجەسىن بۇزعانى ءۇشىن پارتيانىڭ 20 مۇشەسى جاۋاپكەرشىلىككە تارتىلدى, داۋىستاردى بۇرمالاۋ فاكتىلەرى ءۇشىن 7 كانديدات, پرايمەريز وتكىزۋ ەرەجەسىن ساقتاماعانى ءۇشىن 27 ۇمىتكەر تىركەۋدەن شىعارىلدى», دەيدى پارتيا حاتشىسى.
ونىڭ ايتۋىنشا, پرايمەريز ناتيجەسىندە ەلباسى باستاماسىمەن بىلتىر قولعا الىنعان پارتيانى «قايتا جانداندىرۋ» باعدارلاماسى تۇيىندەلدى. پارتيا تۇبەگەيلى جاڭعىرىپ, قاتارى جاڭا تۇلعالارمەن تولىقتى. وسىلايشا, «مىقتى ليدەرلەر – مىقتى پارتيا» قاعيداتى جۇزەگە استى. «Nur Otan پارتياسى – مەملەكەتتىلىگىمىزدىڭ مىزعىماۋىن, ەلىمىزدىڭ ءوسىپ-وركەندەۋىن قامتاماسىز ەتۋگە دە بىردەن-ءبىر قاۋقارلى ساياسي كۇش. مۇنى پرايمەريز ناتيجەلەرى انىق كورسەتتى. پارتيا ەلىمىزدە جاڭا ساياسي مادەنيەتكە نەگىز قالادى. وسىناۋ ايتۋلى شاراعا قاتىسقان بارشا ۇمىتكەردى شىن جۇرەكتەن قۇتتىقتايمىز!» دەدى ا.قىرىقباەۆ.
