دارىگەرلەردىڭ ايتۋىنشا, جۇكتى ايەلدىڭ دەنساۋلىعى سىر بەرىپ, سابيلەرىن مەرزىمىنەن ەرتە - سەگىز ايدا بوسانعان. انا مەن بالا ومىرىنە قاۋىپ توندىرمەس ءۇشىن دارىگەرلەر كەسار تىلىگى ارقىلى بوساندىرعان. ەكى ۇل مەن ءبىر قىزدى ومىرگە الىپ كەلگەن جاس انا مەن نارەستەلەردىڭ قازىرگى جاعدايى جاقسى جانە دارىگەرلەردىڭ ارنايى كۇتىمىندە. تۇڭعىشىن 18 جاسىندا بوسانعان, ۇيدەگى ۇل مەن ەكى قىزدىڭ قاتارىنا ۇشەم قوسىپ, كوپبالالى انا اتانعان ەركىنايدىڭ دارىگەرلەرگە ايتار العىسى شەكسىز. وتباسىمەن اقىلداسا كەلە اناسى نارەستەلەرىنە اقجان, مارجان جانە باقجان ەسىمدەرىن بەرىپتى.
جالپى, تۇركىستان وبلىستىق ءنومىرى 1-ءشى پەرزەنتحانادا بيىل 155 ەگىز جانە 3 ۇشەم دۇنيەگە كەلگەن. وبلىستىق قوعامدىق دەنساۋلىق باسقارماسىنىڭ مالىمەتىنشە, ايماقتا تۋ كورسەتكىشى دە بىلتىرعى جىلمەن سالىستىرعاندا ارتقان. جىل باسىنان بەرى وڭىردە 45030 ءسابي دۇنيە ەسىگىن اشقان.
تۇركىستان وبلىسى
