ونىڭ اياسىندا پوليتسەيلەر قىلمىس پەن قۇقىق بۇزۋشىلىقتى بولدىرماۋ, ۋچاسكەلىك پوليتسيا ينسپەكتورلارىنىڭ جانە جالپى ىشكى ىستەر ورگاندارىنىڭ ءيميدجى مەن بەدەلىن كوتەرۋ, حالىقتىڭ ولارعا دەگەن سەنىمىن ارتتىرۋ, زاڭسىز قارۋ ۇستاعانداردى انىقتاۋ ماقساتىندا ءاربىر پاتەر مەن جەكە ۇيلەردى ارالادى. شارا باستالعالى بەرى بارلىعى 45 مىڭ 430 تەكسەرىس جۇرگىزىلىپ, ونىڭ ىشىندە 10512 پاتەر مەن 34918 جەكە مەنشىك ءۇي ارالاندى.
وبلىس كولەمىندە بارلىعى 43 پاتەردىڭ جالعا زاڭسىز بەرىلىپ جاتقاندىعى انىقتالىپ, شەشىم قابىلداۋ ماقساتىندا قۇجاتتار جيناقتالىپ, جەرگىلىكتى جەرلەردەگى مەملەكەتتىك كىرىستەر باسقارمالارىنا ۇسىنىستار جولداندى. سونىمەن قاتار, بەلگىلى تۇراقتى جەرى جوق 10 ادام قابىلداۋ تاراتۋ ورىندارىنا جاتقىزىلدى.
ىشكى ىستەر ورگاندارىنىڭ پروفيلاكتيكالىق جانە تىزىمدىك ەسەبىندە تۇرعان 3029 تۇرعىننىڭ تۇرعىلىقتى مەكەن-جايلارىنا تەكسەرۋ جۇرگىزىلدى.
ءىس-شارا بارىسىندا زاڭسىز قارۋلاردى ساقتاۋ تاسىمالداۋ دەرەكتەرى انىقتالىپ, 15 قارۋ تاركىلەندى.
سونىمەن قاتار بارلىعى 4 مىڭ 746 اكىمشىلىك قۇقىق بۇزۋشىلىق دەرەك بەلگىلى بولىپ, ولار بويىنشا ءتيىستى شەشىم قابىلداندى.
قىزىلوردا وبلىسى
