كەشەگى ءماجىلىس بيۋروسىندا الداعى جالپى وتىرىستا قارالاتىن ماسەلەلەر بەلگىلەندى, دەپ حابارلادى وسى پالاتانىڭ ءباسپاسوز قىزمەتى.
كەشەگى ءماجىلىس بيۋروسىندا الداعى جالپى وتىرىستا قارالاتىن ماسەلەلەر بەلگىلەندى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار سالالىق كوميتەتتەردە قورىتىندى ازىرلەۋ مەزگىلدەرىن ناقتىلايتىن ءبىر توپ زاڭ جوباسى قالىپتاستىرىلدى. ال پالاتانىڭ كۇن تارتىبىنە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە استانادا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ەلباسى شۇعىل دەپ جاريالاعان زاڭ جوباسى قوسىلدى.
جالپى وتىرىستىڭ كۇن ءتارتىبىنە ءبىرىنشى وقىلىمعا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋلەت, قالا قۇرىلىسى جانە قۇرىلىس قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەنگىزىلىپ وتىر. سونداي-اق, دەپۋتاتتارعا اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا زاڭ جوباسى ەكىنشى وقىلىمعا ۇسىنىلماق.
ءماجىلىس توراعاسى نۇرلان نىعماتۋلين سالالىق كوميتەتتەرگە پالاتانىڭ جالپى وتىرىسىنا شىعارىلاتىن زاڭ جوبالارىن مۇقيات ازىرلەۋدى تاپسىردى.
