س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى, كارديولوگيا جانە ىشكى اۋرۋلار عزي, سونداي-اق بەيىندى كاسىبي قاۋىمداستىقتار ۇيىتقى بولعان جيىندا قازۇمۋ رەكتورى مارات شورانوۆ: «قازاقستانداعى ءاربىر ءۇشىنشى-ءتورتىنشى ەرەسەك تۇرعىن مەتابوليكالىق بۇزىلىس بەلگىلەرىنە يە جانە بۇل جاستار اراسىندا دا ءجيى انىقتالىپ وتىر. سونىمەن قاتار وڭ ۇدەرىستەر دە بايقالادى, ماسەلەن پروفيلاكتيكالىق تەكسەرۋلەر ارتتى. اۋرۋلاردى اسقىندىرماي انىقتاۋ الگوريتمدەرى جەتىلدىرىلىپ, مەديتسينالىق كومەكتىڭ پرەۆەنتيۆتى باعىتى كۇشەيىپ كەلەدى», دەيدى.
كارديولوگيا جانە ىشكى اۋرۋلار عزي باسقارما توراعاسى رۇستەم تولەۋتاەۆ قازىرگى تاڭدا مەتابوليكالىق سيندروم نوزولوگيالىق انىقتامالار شەڭبەرىنەن شىعىپ, جۇرەك-قانتامىر, ەندوكريندىك, گاستروەنتەرولوگيالىق اۋرۋلاردىڭ نەگىزگى قاۋىپ فاكتورلارىن بىرىكتىرەتىن تۇتاس پاتوگەنەتيكالىق تۇجىرىمداماعا اينالعانىنا اتاپ توقتالدى.
دەنساۋلىق ساقتاۋ سالاسىنداعى سەرپىن: ەلىمىزدە نارەستە ءولىمى ايتارلىقتاي تومەندەدى
رۇستەم تولەۋتاەۆ 2021-2025 جىلدارى مەديتسينالىق-سانيتاريالىق العاشقى كومەك دەڭگەيىندە جۇرگىزىلگەن سكرينينگتىك باعدارلامالار ناتيجەسىندە قامتۋ 15-20%-عا ارتقانىن, ال قاۋىپ فاكتورلارىن ەرتە كەزەڭدە انىقتاۋ كورسەتكىشى وسكەنىن اتاپ ءوتتى. دەمەك, بۇل دياگنوستيكا مەن مەديتسينالىق كومەكتىڭ قولجەتىمدىلىگىنىڭ جاقسارعانىن كورسەتەدى. وسىعان بايلانىستى قازاقستاندا پروفيلاكتيكالىق باعدارلامالاردى كۇشەيتۋ, گاستروەنتەرولوگيا, ەندوكرينولوگيا, كارديولوگيا مەن نەفرولوگيانى ينتەگراتسيالاۋ, سونداي-اق تاۋەكەلدەردى باعالاۋدىڭ تسيفرلىق قۇرالدارىن ەنگىزۋ باسىم باعىتتارعا اينالىپ كەلەدى.
كونفەرەنتسياعا فرانتسيانىڭ باس كونسۋلى ماكسيم جەرەنجە مەن فرانتسيا ەلشىلىگىنىڭ دەنساۋلىق ساقتاۋ جونىندەگى مامانى الەكساندرا تيركيۋير قاتىسىپ, ارتەريالىق گيپەرتونيا جانە كارديوۆاسكۋليارلىق پروفيلاكتيكا جونىندەگى ماماندار قوعامى مەن «سەرۆە قازاقستان» جشس اراسىندا جۇرەك-قانتامىر اۋرۋلارىنىڭ الدىن الۋ مەن باقىلاۋ تيىمدىلىگىن ارتتىرۋعا باعىتتالعان ىنتىماقتاستىق تۋرالى مەموراندۋمعا قول قويىلدى. بۇل باستاما دەنساۋلىق ساقتاۋ مينيسترلىگى مەن «سەرۆە» كومپانياسى اراسىنداعى مامىلە ارقىلى جۇزەگە اسىپ جاتىر.
بۇۇ: دەنساۋلىق ساقتاۋعا ينۆەستيتسيا سالىنباسا, بۇدان دا جويقىن پاندەمياعا تاپ بولامىز
كونفەرەنتسيا بارىسىندا پانارالىق ءوزارا ءىس-قيمىل مەن كارديومەتابوليكالىق بۇزىلىستارى بار پاتسيەنتتەردى باسقارۋدىڭ زاماناۋي ستراتەگيالارىن ەنگىزۋگە ەرەكشە نازار اۋدارىلدى.
سونىمەن قاتار قازاقستاننىڭ تانىمال ساراپشىلارى مەن ەۋروپادان كەلگەن حالىقارالىق ماماندار, قاتىسۋشىلار جاڭا كلينيكالىق ۇسىنىمداردى, زاماناۋي تەراپيالىق تاسىلدەردى جانە وزەكتى زەرتتەۋلەر ناتيجەلەرىن تالقىلادى.
العاش رەت قاتىسۋشىلارعا كارديومەتابوليكالىق تاۋەكەلدەردى باعالاۋ جانە تۇزەتۋ بويىنشا دەربەستەندىرىلگەن ۇسىنىمدارى بار مەتابوليكالىق پاسپورت الۋ مۇمكىندىگى ۇسىنىلدى.
